جحيمي الأبدي

الجزء 3🤍📍

📍جحيمي الأبدي
البارت السادس

حشمات أسيل تقوليها راني كنت كنفكر بوسات حاتم حيت عارفاها غتحرجها وهيا تجاوبها
أسيل:والو والو، عرفتي شحال فالساعة وا راه ستة،خليني نوض حسن منبقا نسمع شي هضرة تخسر عليا هاد لفرحة، باي
ناضت أسيل من بعد ماباست خديجة وهيا غادة حتا كتسمع خديجة كتقول
خديجة:ايه ايه راني عايقك بيك،  قولي وصل وقت المكالمة مع السي حاتم
دارت أسيل عند خديجة وهيا كضحك وسيفطات ليها بوسة في الهواء ومن بعد توجهات لمحطة وخدات طاكسي ومشات لدارهم
وصلات أسيل للدار ولكن كي وصلات استغربت حيت كانت ديمة مولفة تسمع صوت المدابزة ديال مها وباها وترجي امها لباها القمار باش ميمشيش يلعب لقمر تاني،نفس الحالة كيف ديمة وهاد شي لي خلاها طلب حاتم باش يتزوجو داغي  وتخرج من هاد العيشة وهاد صداع، دخلات أسيل وعلامات الاستغراب لا تفارقها حلات لباب حتا كتلقا مها كتبكي كيف ديمة وكضرب فرجليها ووجها اما باباه سي إدريس كيف عادتو هادئ ولكن كانت باينة فيه انه شي حاجة واقعة
أسيل بصوت فيه نوع ما من الخوف
أسيل:شنو واقع هنا؟
هز ادريس راسو وشاف فبنتو لي كيف شافت الدمعة لي فعينيه حسات بالصاعقة حيت اول مرة تشوف باها فهاد الحالة، مشات كتجري عند مها وركعات وهزات ليها رأسها بين يديها
أسيل:واش وقعات شي حاجة قوليلي؟ واش ضربك عاوتاني؟
هزات ام أسيل براسها بحركة نفي
أم أسيل(لالة زهرة) :لا ابنتي مضربنيش ولكن دار كتر باباك... باباك
ناضت أم أسيل متوجه لعند ادريس وكضربو فصدرو اول مرة و الدموع كيهبطو  ولي خلا أسيل دخل
أسيل:ماما عفاك دوي قولي اش وقاع
عودات لالة زهرة كلشي لأسيل لي بدورها كانت فحالة صدمة طاحت فالأرض حتا جات الأم ديالها
يتبع...

📍جحيمي الأبدي
البارت السابع
طاحت فالارض حتا جات الأم ديالها ووقفاتها وكيف وقفاتها هزات أسيل صاكها وتاجهات لباب حتا كيوقفها الأب ديالها
سي ادرسي:فين غادة ابنتي؟
أسيل بنظرات كلهم حقد
أسيل:هه بنتي ،آخر مرة نسمع هاد لكلمة من عندك نتا مكتعرف تا حاجة على الأبوة... كفاش قدرتي تسرق الراجل هكا؟ كفاش قدرتي تعطيه فرصة باش يقدر ينتاقم مني على لي درت معاه؟ هوا مقدرش يدوز لي درت معاه ومبردش من جيهتي رغم انو طردني من الشركة وخلاني حتا لدبا بلا خدمة ،كنت كنظن مغديش نتقابل معاه مرة أخرى ولكن كنظن وصل وقت المقابلة مع سي عصام المنصوري
خرجات أسيل وهيا كتلة من الغضب كتمشا ومصرة مغترجع حتا غتفاريها مع عصام كانت غادة فتفكيرها وكفاش غتواجهو حتا كتسمع صوت مها لالة زهرا تابعاها
لالة زهرة:عفاك ابنتي الله يرضي عليك متمشيش فهاد لوقت لعندو راه باين فيه خطير ويقدر يأذيك را معنديش من غيرك
باست أسيل رأس ماماها وشافت فيها بابتسامة كطمأنها وعلى الله تحيد من عينيها الخوف
أسيل:متخافيش اماما  راه ميقدرش يأذيني، انا عارفة داك الزامل مول لبنات أكيد غيكون كيتسناني دبا وغيكون فقمة السعادة بالانتصار ،ولكن مغديش نسمح ليه باش يلعب بيا كيف بغا ويهددني ب بابا... سيري دخلي دبا مغنتعطلش
مشات أسيل وخدات طاكسي وهيا غادة وكتلعن ف باباها وكتلعن ف عصام
أسيل:زعما مزال مبرد من جيهتي عاماين دازت وخطط لهاد شي كامل باش ينتاقم، تفو على مريض ومغرور
وصلات أسيل للشركة وهيا غدخل حتا كيوصلها اتصال من عند حاتم حيت هادا وقت الأبيل ديالهم ولكن ماشي وقتو عندها حساب خاصها تصفيه جاوباتو
أسيل:حاتم حبيبي، عندي شغل مهم دبا من بعد ونهضرو
حاتم:أسيل ولكن صوتك بان لي ماشي هوا هاداك شنو واقع، متخلعينيش
أسيل:مواقع والو، نخليك دبا نسالي نصوني ليك، بيزو
وقبل ميجاوبها قطعات عليه، دخلات الشركة وهيا هازة راسها لفوق وحاولات تكتم الغضب ديالها ولكن كيف دخلات استغربات من تغير الشركة
أسيل:اويلي فين مشاو هادو واش هاد لوجوه جداد، تفو هاد شي لي ناقصني غا نبرگگ فالموظفين
وصلات أسيل وكي شافت السكرتيرة وهي تقول
أسيل:اش هاد الزين، بعدا باش كيعجبني كيخاتر غا الموظفات زوينين ،امم حيت عندو لغراض بيهم من بعد تفو على فاسق وزامل
مداتهاش فيها أسيل وتمات غادة جيهت المكتب وكي شافتها السكرتيرة وهيا تغوت
سكرتيرة:مدام، مدام حبسي فين غادة... ميمكنش ليك دخلي غنعيط الأمن دبا حبسي
أسيل مداتهاش فكلامها حتا حلات لباب ودخلات وتبعتها سكرتيرة
...سكرتيرة:سي عصام سمحلي مقدرتش نو
مزال مكملاتش هضرتها حتا كيهز عصام صباعو بحركة خرجي بلاما ينطق بحرف واحد '' عصام من داك نوع لي كيدوي بعينيه وبالحراكات كثر مكيدوي بفمو'' ، عصام لي كان واقف قدام الشرجم لكبير ديال لمكتب وكيشوف على خارج الشركة
أسيل:خرا هاذي كي دارت حتا فهماتو داغ، باينة عليه باقي كيعجبو يبقا يطل من الشرجم، بعدا باقي الوقفة هيا هيا متبدل والو، ولكن كنظن نقص شي كيلوات ولكن جا معاه بعدا عاد بانو عضلات كتافو أكتر، تفو عليا اش كنگول انا علاش جاية''بطبيعة الحال هاد شي قالتو فنفسها'' ،كان الصمت بيناتهم ومدارش عندها وخا عرفها وصلات ولكن حتا واحد مقدر ينطق بشي كلمة
#issam
كنت واقف كنتسناها على أحر شوق، كنت عارفها غتجي وغتواجهني حيت عارفها قوية... عاماين مشفتهاش شحال ديال الشوق متشوق باش نشوفها ومعرفتش كفاش غنتصرف معاها... مني سمعت لباب وسمعت أمال كتغوت مراها عرفتها اتكون هيا حبيبتي أسيل... وكيف دخلات مقدرتش نتحكم فدقات قلبي، مبغيتش ندور داغي خليت حتا نتهدن وترجع دقات قلبي لنبضها العادي ولكن من بعد كيف سمعت صوتها كتعيط ليا'' عصام المنصوري'' طلعات معايا سخونية وحسيت بكل جزء من جسمي تبورش غمضت عيني وانا كاره راسي من هاد شي لي كيوقاع ليا... اول مرة نرتعش بسباب بنت..اش هاد اللعنة
يتبع...
📍جحيمي الأبدي
البارت الثامن
#Assil
غوت عليه ومدارش مال هادة واش ولا صمك ولا شنو
أسيل :سي عصام امكن راني عيط ليك، شنو واش مبقيتش كتسمع
وليت عيطت ليه ولكن بصوت أعلى وكنظن الشركة كلها سمعاتني، حتا دار عندي وكيف دار عندي وهو حاط يديه  فجيابو... شاف فيا وهو بديك الكاريزما ودوك النظرات لي باردة وحادة حسيت بالخوف، حتا الجسم ديالي حسيت بيه كيترعد من دوك العينين الخضراء...ومن دوك النظرات لي شبهتها بالقرطاس حيت بصح خفت منها وحسيت بجسمي كيترعد ولكن مغديش نضعاف قدامو ولا نبين لخوف ديالي
بقا الصمت بيناتنا، وهو بنفس النظرات وانا باقي احساس الخوف كيقتلني حيت عمرني شفتو هكا قبل ،عاماين وانا هاربة منو ومن مواجهتو حيت كنت عارفة راسي غلطت غلطة كبيرة باش نهينو ونحرجو قدام الموظفين كاملين ماشي ساهلة ولكن كيستحق الزامل لاخر
ابتاسم عصام ابتسام خبث وكسر داك حاجز الصمت لي كان
عصام:أشنو اآنسة أسيل واش جيتي باش تبقاي ساكتة
منكدبش صوتو البارد والحاد زاد ركب فيا الرعب،تنفست من أعماقي وانا نجمع شجاعة باش ندوي حيت بصح مجيتش باش نبقا ساكتة
أسيل:نتا اش كيسحاب ليك راسك المسخ ، واش كظن غتقدر تلوي دراعي ببابا وغادي تنتقم مني
شاف فيا لمدة وولا حيد يدو من جيابو واشف فييا ووجهو خالي من التعابير ونطق وهوا عاض على سنانو
عصام:لسانك سليط بقاي توزني كلامك قبل منقطعو ليك؟ كنقولك ان هاد لسان هوا اسباب مشاكلك كلها
أسيل:ولا كان سليط، وغادي يبقى هاكة خاصة مع ناس لي فحالك، شنو بغيتي مني وعلاش كدور بيا وعائلتي؟
شفتو جاي مقرب لجهتي حيت اصلا كنا بعاد وكل واحد كيلوح كلمة من جيهة، منكذبش باقي بنفس الهبة كي خليتو فيها ويمكن نقولو اكتر القرب ديالو كيخلي الما يبرد ليك فركابي ولكن مغديش نخليه يشعر بخوفي، كنعتارف نظراتو تبدلات ماشي تبدلات يمكن نقولو عليها زادت حدة وولات داكنة اكتر، دوز يديه على شعرو هادي عادة متبدلاتش كيف خليتها فيه كيف باقا، معرفتش علاش كديرها واش كنوع من الإغراء ولا تعبير على الغضب، قاطع تفكيري صوتو
عصام:انا مجبرتش باك باش يسرقني.. لي بغيتو هوا نرد اعتبار ديالي منك، نتي هنتيني ودزتي على كرامتي ونتي كتشوفي فعيني، جرحتيني وجرحتي مشاعر الحب ديالي ليك.. كون قريتي البطاقة داك نهار كون عرفتي بلي هدفي نبيل ولكن الغرور ديالك عماك
أسيل:انا بطاقة
عصام:مبقاتش كتهم دبا ،المهم دبا واش غتقبلي تزوجي بيا ولا... '' هنا عصام تفكر بلي هدد باها بالقتل ودبا لاقال ليها انقتل باك تقدر تكرهو وعمرها تبغيه وخا غي تزوجها بزز'' قاطعاتو أسيل من تفكيرو
أسيل:كمل ولا اشنو
يتبع.....

📍جحيمي الأبدي
البارت التاسع
عصام بعد تفكير:ولا غنلوح باك يتمرمد فالحبس...
قاطعاتو ضحكت أسيل وهوا بقا بنفس النظرة الباردة كيتسناها تسالي
أسيل:ههه و زوينة هادي، واش تسحابني غيبقا فيا بابا ونترجاك مدخلوش لحبس، أنا بغيتو يدخل ويتعفن فيه حيت هداك حرام فيه كلمة بابا، كنفضل دخل معاه شي حد لحبس يبقا كل نهار يضربو كيف كان كيضرب ماما، وسمع اداك ل... مغنتزوجش بيك وخا نبقاو غير انا وياك، دي بابا الحبس انا ادعمك لك كل التوفيق
وقبل ميجاوبني درت خارجة فحالي كيف حال آخر مرة، وكي حطيت يدي على بواني دلباب حتا سمعت كلمة كالصاعقة
عصام:إلى دخل لحبس غدخل معاه حتا ماماك
اش كيقصد هدا عاوتاني
أسيل:ومال ماما اش دخلها فهاد شي
عصام:حيت ماماك كانت عارفة كلشي وسكتات
أسيل:كذاب، ههه اكيد كتكذب عليا ميمكنش نتيق واحد وحش ومسخ فحالك
عصام بعصبية:گلت ليك هاد لسان عندك راه سليط وهو لي ايخرج عليك
زاد خطوة بخطوة لعندها حتا قرب منها وجرها لعندو وخشا يديه فالخسر ديالها حتا صدرات أسيل انين من كترت مقصحها، وحاولات أسيل تبعد منو ولكن مقدراتش بسبب الحجم ديالو حيت كان مزير عليها بزاف
أسيل بغضب:اش كدير طلق مني متقيسنيش، بعد يديك المسخين عليا
من بعد منطقت بهاد الكلام زاد زير عليا حتا حسيت بضلوعي غيتهرسو وتبدلات نظراتو ليا
عصام وهو ضاغط على سنانو:مغنبقاش نعاود نفس لهضرة، وكنقسم ليك هاد لسان سليط لي عندك غنروضو مزال غنروضو ليك حتا تعلمي تهضري
اويلي اش تيگول هدا واش حمق ولا جهل، واش بصح نطق بهاد الهضرة
أسيل:طلق مني اشريف، بعد مني اهاد المس..
ويالاه غنطق ونعاير حتا حسيت بصباعو تغرسات اكتر فخسري وتراجعت ليصدق فارعني
عصام كي شافها تقصحات طلقها وبعد من حداها وقال
عصام:بغيتي تعرفي شنو بغيت منك ياك؟ ساهلة، عاماين وانا كنعاني بسبابك، بسباب تعلقي بيك الدائم، بسبات حبي لي عطيتك ومستحقيتيهش ومسمحتيس لراسك تعطيني فرصة باش نبرهن ليك... ولكن ليوم مبقيتش باغي فرصة بغيت فعل
أسيل:شنو كتعني؟
أسيل بدات كتخاف منو ومن هضرتو وألغاز
أسيل:عصام ،سمعني ممكن نهضرو بالعقل، أنا راه مخطوبة وكنبغي خطيبي بزاف وقريب غنتزوجو،وسمعني مزيان انا راه مغديش نسمح لتهديدك باش يدمر ليا حياتي وتبرد نتا من جيهت انتقامك ليا، واش فهمتي ابنادم
عصام:صافي كيف بغيتي، غا متنايس من غدا بداي توجدي لقفة لعائلتك وتهلاي ليا فماماك بالخصوص
مقدراتش أسيل تصبر ليه ولهضرتو، كلشي الا الأم ديالها حسات بالكره والحقد من جيهتو وهاد شي خلاها ترفع يديها عليه باش تصرفقو ولكن عصام انتابه ليها وكان خفيف
عصام:وياك تفكري ديريها مرة أخرى، كنقسمليك غنح*وي مك
هنا حتا غواتك يوصل لداك الزامل دخطيبك
حلات أسيل عينيها ومقدراتش تصدق كيفاش هدا كينطق بهاد الكلام واش مكيحشمش، كيفاش كيتجرأ يدوي معايا هكا
أسيل:نتا وحش، مسخ كنكرهك
ابتسم عصام ليها باش يزيد يفقصها ولكن هيا مبغاتش تبين ضعفها ليه ولا حتا دمعة باش ميحسش بيها مقهورة وضعيفة
عصام:كنعتارف اه انا منحرف ومهووس... مهووس بيك بحبك لي كيلخيني نمارس الجنس وانا كنعيط بسميتك، ولكن مبقاش بزاف بعد زواج غنولي كنطبق ماشي كنهضر
أسيل:صاف سككككككت مبقيتش باغا نسمع منك شي حاجة
يتبع...