جحيمي الأبدي

الجزء 12🤍📍

تتمة البارت 35
هنا أسيل عيات متقاوم ولكن مقدراتش وطلقتها بضحكة هي و أمينة.. اول مرة يشوفو شي واحد كيدوي هكا مع عصام
عصام خنزر فيهم:ضحكوو هكك وتاكم ضحك
هز تلفونو خرج من لقصر وهو كيسمع صوت ضحكهم لي غادي وكيجهاد
أسيل:نتا لي درتيها راسك
طلعات أسيل لغرفتها وهي متحمسة حيت غادي تخرج خدات دوش خفيف ولبسات سروال جين مزير فالأزرق غامق لبسات معاه بيل بيضة وكونفيرصة بيضة طالعة جمعات كوب شوفال...دربات فمها بتعكيرة مع ماسكارا وفغاجو هزات صاكها وخرجات كتجري لعند سامي لي كان كيستناها فلوطو لي عجبات أسيل كانت من نوع رونج فلكحل ولكراسا لي لداخل كانو فاللون البرتقالي...حمقاتها بالمعقول  وغير حطات فيها رجلها تغلغلات ريحة عصام لأعماقها
أسيل:سامي ديال من هاد لوطو
سامي:هادي ديال سي عصام عطاها ليك بينما شرا وحدة جديدة هادشي لي قالي عثمان
هزات أسيل راسها بآه والابتسامة على وجهها راكبة لور وكطل من الشرجم والابتسامة مكتفارقهاش فحالي كتكتاشف الطبيعة من جديد
أسيل:وخا اسي عصام المنصوري غادي نخليك تندم حيت درتي ليا جاسوس وندمك حيت عطيتيني لكارط ديالك
توجه عصام نيشان للشركة... دخل المكتب ديالو وعلي موراه كيضحك من بعد معاودلو عصام قصة سامي
علي:ههه غنخرا بالضحك اصحبي... عاود عاود كفاش قالك
عصام:ههه اش غنقولك ازبي.. سيد لصق ليا على يدي و كيشوف فيا بغا ياكلني انا وحشمت منهم
علي:ههه اووه ياربي.. نتا اصحبي كتعجب نسا ورجال... ناري كنتخيل شكل سامي وهو شاد كيشوف فيك
عصام:صاف سكت اتبي باراك.. وحتا نتا ل*بونمك ملقيتي تالوبيا من غير هذا
علي:وخا تسنا انا نمشي ندبر ليك على شي واحد يكون كيبغي رجال الا نتا... المشكل فيك اتبي زينك عجبو
هز عصام فيه حواحبو وهو كيشوف فعلي باستغراب
عصام باستهزاء:متقوليش راك وليتي فحالو
علي:شنووو الل يسترني اتبي
عصام:هههه..خلينا نقلبو هاد الموضوع.. قولي كلشي واجد لجتماع
علي:اه اعصام كلشي واجد... كلشي منتاظر جلالتك وجلالتي باش ندخلو الاجتماع
عصام:وخا يالاه نمشيو
خرج عصام وموراه علي لغرفة الاجتماعات وبينما هوا جالس مترأس الطابلة كيوصلوه بزاف دالإشعارات فالتلفون واحد مور اللاخر... ولكن عصام مكانش عاطيه اهتمام.. اهتمام كلو فالمناقصة وكفاش غيخدمو باش يحقق حلمو أخيراَ.. كل دقيقة كان تلفونو كيصدر صوت خفيف... غمزو علي مستغرب...
علي بالحركات:شنو قصة دوك المساجات
ولكن عصام مجاوبوش وكمل الاجتماع بتركيز تام متجاهل كلشي.. سالا الاجتماع بعد ساعات طويلة وختمو عصام بجملة
عصام:هاد المناقصة غتكون فنصيبنا... و مغديش نقبل بالخسارة ابدا... غادي يكون المشروع لشركتنا وغادي نحققو الحلم.. غادي نفتحو علاقة مع الإيطاليين وعلى الصعيد العالمي.. غادي نبقاو نصدرو ليهم النسيج لي كنخدموه هنا...سمعوني كنقسم برب الكعبة وشي حد تهاون على خدمتو حتا غنسحقو بيدي.. عندنا شهر كامل مغنحبسوش من الخدمة... لا تخادل لا ملل لا كلل فهمتو... وانا بيدي غنشرف على هاد الصفقة ونسهر معاكم عليها
هزر جميع الموظفين راسهم إيجابي ومكينش لي قدر يتجرأ يعتارض... طبعا حيت غياخد عقاب كبير من عند عصام... وقف عصام كيعلن على انتهاء الاجتماع وخرج مع علي متوجه المكتب ديالو
علي:عصام مالك اصحبي متوتر بزاف على هاد الصفقة... يعني ماشي هيا لولا لي غندخلو ليها واصلا حنا ديما كنكونو رابحين
عصام:انا مخايفش لنخسرو ولكن هاد الصفقة هيا حلم حياتي وهاد الحلم خاصو يولي حقيقة ومخاصناش نتهاونو بقوة الشركة المنافسة...خالد الكناني غيحاول بجميع قوتو يسلبها منا... وسمعت بلي كيقوي علاقاتو الخارجية
علي:امم يعني غنبداو فالمعقول دبا
عصام:اكيد علي اكيد مخاصناش نتهاونو
جلس عصام فوق الكرسي تاع المكتب حتا كيسمع صوت اشعار آخر من تلفونو
علي:شوف اتبي مال داك تلفون رآه برزطني
هز عصام تلفونو حتا كيتصدم بلي شافو ودوز يدو على شعرو
عصام:اش هادشي تاني
علي:شنو كاين اعصام
دوز عصام يدو تاني على شعرو وهو كيضحك
علي:عصام وقولي اش كاين بلاما تمرضني فزكي... علاش كضحك هكا واش شي حاجة على الصفقة