"Be me with you" (ရပ်နား)

အပိုင်း - ၁၁

                       《Unicode》

          ဒီဇင်ဘာလသို့ စတင်ဝင်​ရောက်လာသည်နှင့် ယူနီဗာစီတီနယ်​မြေထဲ၌လည်း အားကစားပွဲများ  အလျှိုလျှို​ပေါ်​ပေါက်လာကြ​တော့၏။ အထူးသဖြင့် ​ဘောလုံးပြိုင်ပွဲများပင်။ ရန်ကုန်တက္ကသိုလ်မှာ ကမ္ဘာ့အဆင့်မှီတက္ကသိုလ်များအနက် တစ်ခုအပါအဝင်ဖြစ်သည်မို့ အားကစားအဆင့်အတန်းသည်လည်း အထိုက်အ​လျောက် မြင့်မားတည်ရှိရာ ​ဘောလုံးအားကစားသည် တက္ကသိုလ်အားကစားအဆင့်အတန်း၏မျက်နှာစာဟုပင် ဆိုရမည်။

            မြန်မာနိုင်ငံတွင် ၁၉၀၀ပြည့်နှစ်မှစတင်ကာ BAA ( Burma Athletics Association )မှ ကြီးမှူးကာ အမှတ်​ပေး​ဘောလုံးပြိုင်ပွဲများ စတင်ကျင်းပလာခဲ့၏။ ပထမဆုံးအကြိမ်ကျင်းပ​သော ပြိုင်ပွဲ၌ စိန်ဂျွန်း​ကောလိပ်မှ ပထမဆုရရှိခဲ့သည်။ ထိုအချိန်က ပြုလုပ်ခဲ့​သော​ဘောလုံးပြိုင်ပွဲများတွင် ပါဝင်ယှဥ်ပြိုင်သည့်အသင်းအဖွဲ့အများစုမှာ ဗြိတိသျှဩဇာခံအသင်းများသာဖြစ်ပြီး ရန်ကုန်မြို့​စောင့်တပ်၊ ပထမဘုရင်ရီဂျီမင့်၊ ပထမဒီဂျွန်ဂျီရီဂျီမင့်၊ ပထမရွိုင်ရယ်စ​ကော့ ဗြူဇီလာ၊ နယ်ခြား​စောင့်တပ်၊ ပထမမန်ချက်စတာ ဗြူဇီလာ စသဖြင့် အင်္ဂလိပ်စစ်တပ်အသင်းများသာ ရှိ၏။

           ရန်ကုန်တက္ကသိုလ်​ဘောလုံးအသင်း၏ပထမဆုံး​အောင်ပွဲမှာ ၁၉၁၅တွင် စတင်ခဲ့ပြီး ဆက်တိုက်ဆိုသလို ၁၉၁၆၊ ၁၉၁၇တို့တွင် သုံးနှစ်ဆက်တိုက် BAAပထမတန်းချန်ပီယံဖြစ်ခဲ့သည်။ သည့်ပြင် တစ်နှစ်သာခြားပြီး ၁၉၁၉နှင့် ၂၀၌လည်း ထပ်ဆင့်ချန်ပီယံဖြစ်ခဲ့​သေး၏။ ထို့​နောက်၁၂နှစ်တိတိ ချန်ပီယံဆုနှင့်လွဲခဲ့ရပြီး ၁၉၃၂တွင် ​အောင်မြင်မှုတဖန်ပြန်ရလာကာ ​နောက်နှစ်များတွင် မြန်မာနိုင်ငံတက္ကသိုလ်​ပေါင်းစုံမှ လက်​ရွေးစင်​ကျောင်းသားအားကစားသမားများ အသီးသီးပါဝင်ယှဥ်ပြိုင်ခဲ့ကြသည်။

               ထိုအ​ကြောင်းအရာတို့မှာ ​ကောလိပ်​ကျောင်းသားများနှင့် မစိမ်း​ချေ။ ​ဘောလုံးအားကစားသည် ဗမာတစ်နိုင်ငံတည်းသာမက တစ်ကမ္ဘာလုံးမှသ​ဘောကျနှစ်သက်ကြ​သော အားကစားမျိုးပင် ဖြစ်သည့်ပြင် တက္ကသိုလ်​ဘောလုံးသင်းမှာလည်း ဩဇာသက်​ရောက်မှုကြီး​လေသည်။ ​ဘောလုံးအားကစား၌ ကျွမ်းကျင်​သော ​ကောလိပ်ဂျီယံ*များကိုလည်း ပြည်သူလူထုကပါ အသည်းစွဲချစ်ခင်အား​ပေးကြ​သေး၏။ ​'ကောလိပ်ချ်အယ်ဗင်း'အသင်း​ခေါ် ​ကောလိပ်၁၁​ယောက် ​ဘောလုံးအသင်းမှာ ဗမာတစ်ပြည်လုံးအနှံ့ပင်​ကျော်ကြားသည်​လေ။