ودي اجيك ملهــوف عـــابر بحور الخوف.... لكن كل شي ضدي حظي والدنــــيا والظروف
في بيت بوحمدان اخو بوفهد
بالتحديد بغرفة شويخ
شويخ يالسة ترمس هيوم سناب
شويخ:هيوم تدرين شو نسيناا؟؟؟؟؟؟؟؟
هيوم : شووو
شويخ: نسينا ان اليوم هو اول يوم حق قصايد بالجامعة وكان من المفروض ان احنا نروح الجامعة عسب نعرفها ع المكان
هيوم: اويي سكتي ويلنا منها اكيد ناويا علينا شر انا مايخصني انتي الي قلتي
خلينا نغيب ولا نروح المجمع الثقافي مع البنات
شويخ: هي الحين حطي عليه كل اممممممم اف وانا شو نساني خوفي تخبر اميه العودة كل ولا امي العودة محد سلم من عيرتها.....
هيوم: حوبتج تستاهلين يالدبة ان شاء الله تكسر عظامج فديتها قصايد والله اكيد هي زعلانه منا .
شويخ: لا ماعليج عادي عندها تلاقينها بسرعة بترضى اقول صبري شوي اشوف سكروب شو تبا .
هيوم تضحك من قالت سكروب لان شويخ تنادي بشكارتهم بسكروب بدل سكرين .
هيوم: هههههههههههههههه حسبي الله عليج حتى سكرين ماترومين تلفظين اسمها عدل سكروب هههههههه..........
وراحت تفتح الباب تشوف شو تبا سكرين منها كانت يايبه لها عبايتها وشيلتها من بعد ماكوتهم ...
بنفس اللحظة فتحت قصايد السناب واول ماشافت شويخ وهيوم قصايد توايق على طول طرشت
قصايد: هيوم شويخ ويهد يعلجن بريل احول مايشوف غيركن يالسبالات ..
هيوم: فديت الي زعلان وقسما بالله مو انا كل من شويخ هي قالت نتغيب عن الكلاس عسب الجامعة اليوم رايحين رحلة حق المجمع الثقافي " يالسة تبري عمرها قبل ماتحدر شويخ عليهم "
قصايد: ويا ويهج انا الي يالسة ادوركم بالجامعة ولا لقيتكم ماعلي صبروا علي شويه.
وردت شويخ شافت قصايد مطرشه وقالت في نفسها ياك الموت ياتارك الصلاة
فحبت تسوي جو حلو عسب لاتصرخ عليها ومرة وحدة انها تخبرها وين كانت عسب هم كانو يدورونها بالجامعة
ومالقوها عسب تجذب بس وين وهيوم اعترفت
شويخ: انا اشوف شو هالنور الي منور تلفوني اثاريج ياقصايد وينج عنا من زمان ماشفناج وبعدين انا وهيوم .
دورناج في الجامعة مالقيناج وين كنتي وين تخبيتي ولا ماداومتي شو وين اتفاقنا ان احنا نتلاقى .
قصايد: قلتي لي انج انتي وهيوم دورتوا عليه لا زين فيكن خير والله اقول شويخ روحي شوي فوق شوفي هيوم شو كتبت
وراحت فوق وشافت ان هيوم اعترفت لها واهني انكشفت حقيقة الجذب.
قصايد: ياالجذابة الخراطة يالدبة يالسبالة المقرودة تقصين عليه هين يا شويخ خبرت عليج اميه العودة وهي الحين
مزهبتلج احلى هدية بس انتي اقربي بيتنا .
شويخ: فديت قلبج لاتقولين انج خبرتي اميه العودة اني ماييت الحين شو راح يفكنا منها الله يستر وانتي ياهيوم ليش
خبرتيها كنتي نقعتي عليها شوي .
قصايد: وحطت ويه معصب ,ينقع صاروخ بويهج انتي يالدبة .
هيوم: انا ما احب اجذب على قصايد بعدين مدرعمه وهي مفولة ماتشوفين النار شابة فيها ضو الله يستر جان ماحرقت البيت .
شويخ: هي والله صدقتي الله يستر هههههههههههههههههه .
ويلسن يضحكن على قصايد
قصايد: اضحكن ويا ويهكن والله اني زعلت
شويخ: افا كل ولا قصود تزعل حبيبة قلبي وتوأم روحي وغلات الي بقلبج لاتزعلين منا الي تامرينه راح انفذه
هيوم: فديتج قصود والله انا قلت لج مالي خص كل من بنت عمج هددتني عسب اجذب عليج وانا موافقة انتي امري واحنا انفذه لج
شويخ: انا هددتج ويا ويهج هين .....
هيوم: سكتي انتي عسب ترضى هي بس كل ولازعلها
قصايد وهي تفكر ...
قصايد: امممممممممممممم الي اطلبه تنفذن لي بالحرف الواحد ..
هيوم وشويخ بنفس الوقت ..
هيه ....
قصايد: اوكي عيل العصر بنروح المارينا مول وهناك هيوم انتي تشتريلي عطري المفضل اسكادا مع لوشنه وكريمه
وبودرته على حسابج اما انتي يا شويخ تشترين لي سلة باتجي ولا ماراح ارمسكن ابد.
هيوم: موافقة بس تعالو خذوني لان الدريول راح ياخذ اختي من بيت عمي واييبها بيتنا وانتي تدرين طريج طويل من بوظبي لين خورفكان .
شويخ: اوكي موافقة قصود تعالي اخطفي علي وبعدين نخطف على هيوم .
قصايد: اوكي نسيت بعد اباكم تعزموني على عشى .
شويخ: طرارة ويالسة تتشرط بس شي واحد.
هيوم: شويخ سكتي دخيلج ولاتهون وتزعل كل ولازعلها انا موافقة .
قصايد: ها شويخ شو قلتي .
شويخ: امري لله موافقة شو نسوي كل ولا زعل شيختنا .
واتفقوا على الموعد وانهم بيروحون ع الساعة 5:30, وهناك راح يتعشون وبعدها يلسو شوي يرمسون وكل وحدة راحت تصلي وتزهب عمرها ومرة وحدة تخبر اهلها انها بتروح .
وقبل ما تسكر قصايد الفون اضافت دانة ومياسة عندها
شي بخاطري غامض وأدور عليه .....
من سنين طويلة عايش في رجاه .....
من ناحية ثانية وبالتحديد في رماح نروح لعايلة بوذياب
الكل متجمع في الصالة
ام ذياب ترمس ام هزاع بالتيلفون ............
ام ذياب : ان شاء الله ياام هزاع راح اخبرهم وراح نتلاقى باذن الله الواحد بالعزبة.
ام هزاع: عيل اخليج يالغالية سلمي ع الاولاد والبنات وسلمي على بوذياب.
ام ذياب : ان شاء الله من عيوني , وانتي بعد سلمي مع السلامة .........
سكرت ام ذياب التيلفون ووجهة انظارها حق بوذياب واعيالها الشخصين الوحيدين مو موجودين بالصالة هن ظبية وشيما
ام ذياب ترمس غبيشة : يمة غبيشة سيري زقري اختج ظبية وبنت اخوج شيما وخليهن يقعدن ويانا بالصالة عسب اخبركم شي .
غبيشة: ان شاء الله يمه.
بوذياب: خير يام ذياب شو صاير .
ام ذياب : الخير بويهك يالغالي , بس اخوك ناوي يروح العزبة الويك اند وام هزاع اتصلت عسب نروح العزبة وتكون اليلسة عائلية .
بو ذياب: والكل راح يكون موجود ؟
ام ذياب: هيي حتى مريم اخت ام هزاع راح تكون موجودة .
بوذياب : خير ان شاء الله عيل لازم تشوفون شو تبون اغراض تسجلونها بورقة عسب لاتنسون الله من زمان مارحنا العزبة والله لها وحشة والبوش والغنم ....( لاتلومونه يموت بشي اسمه عزبة ويتريا اللحظة اتي عسب يروح)
حدرت غبيشة ووراها ظبية ماسكة يد شيما
ظبية : خير يما بغيتي شي ؟
ام ذياب : هي يلسي....
ام ذياب : اسمعوا ياعيالي باجر بنروح العزبة وبنقضي الويك اند هناك فزهبوا عمركم وييبوا وياكم ملابسكم.
مبارك : يما بس بروحنا ولا بعد بيت عمي هزاع وعمي سهيل وعمتيه ام غانم .
ام ذياب : الكل بيروح هناك حتى اخت اهم اهزاع وعيالها .
مبارك من سمع ان خالة هزاع بتي تذكر الريم فيعني الريم راح اتي فرح
غبيشة : والله يمه الله وناسة من زمان ماشفت بنات عمي بوسهيل وعمي بوهزاع وعمتيه ام غانم والخالة ام سلطان والله لهم وحشة
مهرة فرحت واستانست انها بتروح وبتستانس بالعزبة ويا البنات صحيح ان مافي بنات على عمرها بس تستانس يوم تيلس وياهم كل ضحك ووناسة
الهنوف: عمتيه اسمحيلي بس انا بروح بيت امي الويك اند من زمان مارحت عند اهلي وابا ازورهم وباخذ وياي ولديه عبدالله
ام ذياب : خلاص يابنيتي روحي وسلمي على امج وايد .
الهنوف : ان شاء الله عمتيه .
ظبية : يمة انا ماابي اروح بيلس بالبيت ما احب العزبة .
ام ذياب : شو بعد بتيلسين بالبيت مافي بتين ويانا ماعندي بنات يقعدون بروحهم بالبيت ولاتنسين اتيبين وياج كتبج عسب تدرسين انا ماشوفج تدرسين ابد كل يالسة ع التلفزيون ولاتنسين اخر سنة لج
ظبية اتحرطمت وعصبت : اف يعني غصب
ذياب : ظبية احشمي وعن الغلط ولاتغلطين على امج واسمعي كلامها .
ظبية : ان شاء الله .
شيما : يدتيه انا ماباروح وياكم باروح ويا امي باروح عند حنين ايلس ياها (حنين هي اخت امها وبعمرها يعني تناديها حنين وماتناديها خالتي)
ام ذياب : خلاص روحي بس عاد ما تتشيطنين هناك .
ذياب يهمس حق الهنوف : بتروحين وتخليني بحالي مسكين انا محد يحبني .
الهنوف : ذياب حبيبي تدري اني اموت فيك بس والله مشتاقة حق اهلي وايد من زمان مارحت لهم يالله ان شاء الله بالويك اند الياي
ذياب : خلاص حبيبي روحي وانتبهي على عمرج وعلى العيال.
الهنوف : من عيوني ...
ومن صوب ميحد يالس ويا عوده يغني اغنية ميحد حمد..........
ام ذياب: وانت ياولديه ميحد مو ناوي اتي ويانا العزبة ؟
ميحد : اكيد راح اي وحد يفوت فرصة ثمينه شرات هالفرصة .
