البارت الاول
سامر : واحشتيني
اسراء : كداب عشان كدة سألت عني الاسبوع اللي فات
سامر : والله كنت مشغول اوي
اسراء : و الشغل اهم مني
سامر : والله ما في شي اهم منك انا اسف اي عقاب انا راضي بيه
اسراء : اي عقاب اي عقاب
سامر : اه اي عقاب
اسراء : تعزمني ع الغدا
سامر : قولي و الله يا ما انت كريم يارب
اسراء : بحبك ي معفن
سامر : بموت فيكي ي قلب قلبي
رحنا تغدينا كان من زمان يطلب مني نتغدى و انا كنت اخاف نتغدى سوا كان كل حياتي 3 سنين جامعة بنحب بعض ودلوقتي السنة الرابعة و حبنا بزيد اضعاف
ستوب
انا اسراء عمري ٢١ سنة مش حلوة اوي يعني عيوني عسلي وواسعة شعري طويل لآخر ضهري بشرتي حنطية طويلة بادرس لغة عربية و دي السنة الأخيرة و ده سامر حب عمري اكبر من سنتين سنة رابعة إدارة أعمال أسمر بعيون عسلي طويل و جسمه عريض ٣ سنين و احنا بنحب بعض بس طبعا ما اعترفش بسرعة ده طلع عيني انا ححكيلكوا تعرفت عليه ازاي بس ادعولي يكون من نصيبي لاني بيني و بينكوا بحبه اوي اوي اوي
فلاش باااك
سها و دي ماما : يا بنتي استني افطري الاول
اسراء : معلش يا ماما متأخرة لازم ألحق أسلم التعيين اليوم اخر يوم ادعيلي يا ماما والنبي
قبلت ماما من خدها و جريت عشان ألحق المكتبة اكيد اليوم زحمة ربنا يستر و ألحق اسلمه
في المكتبة
اسراء : والنبي يا عمو انا مستعجلة اوي فاضل ساعة وينتهي التسليم
سامر :يعني انتي جاية دلوقتي وعايزة تخلصي اول وحدة انا هنا بقالي ساعتين عفكرة
اسراء : انا أسفة بس الدكتور ده غلس و بيتلكك ليا ممكن بس أسلمه انا الأول
سامر : لا طبعا ...
لسة حيكمل كلامه لقى الدموع بعينيا بصلي فترة وفضل يبصلي بعدها نزل عيونه
سامر : احم تمام كملي انت بحثك وانا بعدك
اسراء بابتسامة وهي بتمسح دموعها : ميرسي اوي اوي
سامر وهو ينظر بعينيها : العفو
خلصت البحث وطلعت جري عالمحاضرة كان لسة فاضل ربع ساعة فضلت ارتب بالورق و أدعي ربنا يكون كويس و ما يقوليش عيدي بقالي شهر في الجامعة وسنة أولى لكن الدكتور ده كرهني في عيشتي
كان مطلوب منا بالاسم نسلم التعيين ونناقشه واحد واحد جه دوري وقفت و روحت للدكتور و سلمت التعيين و بدأ الدكتور يسأل فيا كنت متوترة شويا بس بعدها ركزت
بعدها اسم سامر أحمد و نزل يقدم التعيين ابتسمت لما شوفته و فرحت انه لحق و ما أخرتهوش كنت قاعدة بالأول بصلي وضحك و بدأ الدكتور يسأله بس بصراحة كان ممتاز جدا و كان أعلى درجة فينا انتهت المحاضرة و حمدت ربنا انها عدت على خير
و أنا خارجة كان واقف عالباب بصتله و ابتسمت كان واقف مع صاحبه وكان ببص عليا اتكسفت و مشيت قعدت في الكافتيريا ووقفت أوقف تاكسي فضلت واقفة ربع ساعة وكانت الدنيا حر اوي
كان سامر واقف وشايفها من بعيد وقف قدامه بسيارتها
سامر : مرحبا اسراء
اسراء : احم و عرفت اسمي ازاي
سامر: من المحاضرة اذا حابة ممكن اوصلك
اسراء : لا متشكرة انا حركب تاكسي
سامر : يا بنتي انا شايفك بقالك ساعة واقفة في الحر و مش لاقية تاكسي
اسراء: بنتي هاا ماشي يا بابا متشكرة حركب تاكسي لوحدي
