لبده أنسير

𝑝𝑎𝑟𝑡 𝟚

ايلاف شاليل ✰

لبده أنسير 🦅

➖لا تنسون ياحلوين المتابعه وتصويت واكيد تعاليقكم الحلوه ؏ البارت

🎥**

-: لك عوف اترك ياأبني متفيدك وانتَ تعرف ابهل شي

-: اشش اش احمد كلشي كلشي مو بيدي صدكني

-: ولكككك اشبيكك اتخبلتت صارلك اشكد عَلئ هل حاللل
كافي ماتعبت؟

-: انسئ كُلشي مِن اشوفها احمد

-: أمهر حبيبي انتَ ليش ماتفهم هي مو الك

-: لاااااا الييي افهمممم الييي
ءءاانت مشايف اشلون ادحكلي هي اتحبني احمد
اي اي اتحبني أنتَ مشايف ابتسامتها احمد مايشايف

-: لشوكتتتتتت كول لشوكتتتتت تبقئ هيججج شوففف نفسك أمهر والله لانعلللل
ابوو الحب الي يخلليي البني أدم هيج

اخذ اغراضه وراح خلاني ابنار تاكلني اكل لا بيه اطفيها ولا بيه اضل بيها كُلشي صعب
حبيتها بَس ماريد ادفع ثمن هل حب
صعب اصير بين خيارين صعب جدا طول هل سنه واني امر عَلئ بيتهم وزاد الامر مِن صارت بكليه جانت النظرات كفيله تحجي كُلشي

نظرات الاستغراب نظرات الحب نظرات الشوگ طول هل سنه واني ماسامع صوتها اذكرت احمد مِن يكول

-: ولك اشلون حبيتها

مجنت اجاوبه لان فعليا ماكو جواب اشلون حبيتها؟ ماعرف وليش. شوكت كُلشي ماعرف
بَس شكلها ضحكتها عيونها الخضر عفتها كُلشي جان يجذبني الها

قررت افاتح اهلي بالموضوع بعد ماعرفت نجاحها مِن السادس بَس انصدمت مِن رد ابويه ..

-: شني اتريد اجيب وحده غريبه حتئ تهجم هل بيت

بستغراب اردفت -: شني ابويه؟ شهل حجي

-: گطنه. وشيلها مِن اذنك اتريد تزوج هذيج بنت عمك محسن غير هل حجي ماعندي اني

-: شنييي هل حجي هذا شني بنت عمك يابه افهم البنيه ما اريدها اتروح مِن ايدي واني احبها
وماريد بنت عمي يابه

انصعقت مِن كال -: اذا ماتزوج مِن بنت عمك تنسئ فكره الزواج مِن بالك واذا يا أمهر اتريد تكسر جلمتي اتبرئ منك ليوم الدين

سَكتت واني اعرف ابويه مِن يكول شي راح يسوي طلعت مِن البيت وتوجهت لبيت احمد دكيت الباب طلعلي هو ..

-: أمهر؟ خير صاير شي

-: ساعدني احمد اخوك ضايع

-: ادخل ادخل

طبيت لبيت وكعدنا بالحديقه -: اصاير أمهر

-: كُلشي ضدي احمد