لبده أنسير

part 17

ايلاف شاليل✰

لبده أنسير 🦅

🔹لا تنسون /فقراتكم الحلوه ؏ البارت ياحلوين

أنا المنطيك گلب أبيـض
عليش تخلي أصبعي من الندم ينعض
عليش تخلي حچي الماحچيته
وياك يم الغربة يتفضفض !

-----------------

نيروز °

المغرب اتصلت عَلئ بابا تايجي ياخذني بس ماجاوب نزلت التلفون من اذني واني اتافاف ابملل
اخذت غراضي وطلعت بره كعدت عَلئ وحده مِن المساطب الي جانن موجودات
رفعت ايدي راح اصير الساعه بل 7 مساء
والجو بده يكص كص مِن ابرودته

ضليت اباوع عَلئ الناس صارو كدامي جماعه طلعو وهمه فرحانين واضح مولود جديد الهم
صعدو بسيارتهم ومشو

لزمت راسي بوجع اذكرت ماماكله شي غير قطعه كيك اكلتها مِن الصبح
ردت انهض نفسي بَس استوقفني صوت التلفون رفعته شفته بابا وبدون اي تفكير جاوبته

-: الوو

-: اسف حبيبتي بَس صار عندي شغل وماكدر ارجع لانبار

-: ارجع لبيتنا

-: اياججج هساع ادز واحد يجي ياخذج وراح اتكونين ابامانته وتروحين لبيت جدج

ردت اعترض بَس مالي خلك روحُي كوه ساندتها سديته منه بالموافقه وخبرته اني بره المستشفئ مو داخلها
مر وگت مو قصير والبرد گتلني حسيت عظامي يصلن عليه

دقايق وصار ظل شخص فوك راسي رفعت انظاري اشوف منو
وكان المدعو ياز عگدت حاجبي باستغراب

-: يلا انروج

-نيروز: وعليكم السلام

ضحك تك خد بستهزاء فهمت كُلشي ومشيت وياه صعدت بسيارة وهو صعد

-: انجبرت اسوي شي آني مااريده

-نيروز: اي عــفيـه

نطقتها وهو مشه رجعت سندت نفسي عَلئ الكرسي غمضت عيوني لثواني حسيت بطني اتگطعت مِن الجوع خجلت احجي وياه او اخاف يفشلني بَس استجمعت قواي
وأردف

-: بلا زحمه عليك ممكن توكف يم مطعم قريب

-: وعود ليش؟ اتريدين اتعزميني عَلئ عشه؟

-: اي

باوع عليه ورجع يباوع لطريق صِدوك مجان الي خلك احجي وياه واعرف اذا اجاوب عليه اكثر مِن هل كلمه راح اصير مشكله

توقف يم مطعم نزلنا وطبينا جوه طلبت اكل وهو هم اكلنا بدوَن مانحجي

بعد ماخلصنا وسديت جوعي سحبت جنطتي اطلع منها افلوس طلعت محفظتي وطلعت حساب الاكل وهو جان يباوع ومكتف ايديه