لبده أنسير

part 45

ايلاف شاليل ✰

لبده أنسير 🦅

فأنتَ وحدَك مَن بالحُبِّ يسكُنني
وأنتَ أجمَل ما ضمَّتهُ أقداري
وأنتَ أروعُ خُلقِ اللهِ في نظري
وأنتَ عِشقي بإعلاني وإسراري
أراكَ شَمساً وأفلاكي تطوفُ بها
طافت بحُبِكَ يا دُنيايَ أقماريَ
واللهِ لستُ أرى إلّاكَ مُنفرداً
كالبدرِ مُكتملاً أشغلتَ أنظاري

..

صدمة ورة صدمة رجلية بعد ماحملوني وگعت اجت عُلا تركض اساعدني اسند نفسي مصدوومة ومامستوعبة شنو صار؟ وشنو الي سمعتة نيروز وين؟ هذولة شنو جاي يسون كعدتني ؏ القنفة وخالتها موتت نفسها بالبجيي الي يشوفها راح يفكر وصلها خبر موتها اسم الله عليها -: عُلا گلبي

كلتها واني الزمة حسيتة راح يطلع مِن كد نبضاتة العالية والسريعة -: اهدي وجدان الله عليج ماكو شي بَس اخذي نفس

اخذت نفس وزفرته وهي راحت ؏ خالت نيروز اتهدي بيها عهود والبنات يم الباب يدحكن برة
نهضت نفسي گوة صعدت اخذ تلفوني مِن غرفتي خابرتة وهو جاوب -: هلا ابحبيب الروح

ماتحملت وبجيتت بجيت بجي وهو يعيط حتئ يفهم ويعرف ليش ابجي-: اخذوها ظلام اخذو نيره

-: بسسس فهميني وجدان

هزيت راسي واني اسرد اله الي سمعتة والي صار -: جااااي وجدان جاااي

سدة واني نزلت جوة وكفت يم البنات وعيونا كلها ادموع ولدنا كلها برة ابو ياسين واكف يم عمو ولازمة يهدي بي راحت عيوني ؏ ياز الي جان واكف يم السيارة وبصفة زعام واجهية البيت مليانة زلم اجو مِن جديد

-عهود: راح اتخبل ليش واكفيييين ليش

-أسيل: خل يرحون يجيبوها

-وجدان: اشلون صار هل شي مافهمت آني عهود

-عهود: چنت اسوي ريوك لصدام ماحسيت اله وهو ينزل ركض  راد يطلع بَس مِن خوفي والافكار الي صارت ابعقلي منعته يطلع وحلفته بغلات عبود يلا حجة يكول خابرني زعام يبلغني انو دازين سيارة نيره ابحلك الباب مِن طالع عمو شايفها وجانت السيارة كلها رصاص
والاسوء جان اكو دم

شهكت ابخوف. مِن الي سمعتة والافكار الصارت ابعقلي تعبت مِن التفكير ومن الوگفة والاستنتاج مر وقت صاحتلي عهود -: اجة ظلام

ركضت ؏ الشباك وفعلا شفتة وهو ينزل مِن سيارتة راح لعمو وهو يحضن ويسوالف وياه

وراها ابنص ساعة كلها طلعت ولحد هسع مافهمنا شنو الي صار وليش عمو جان اهنا رُغم نيروز انخطفت مِن ابغداد
صار العصر واحنا ؏ نار خابرت رهف تتمطئن وتسال -: آني كاعدة ؏ نار لا يمي احد ولا اكدر اخابر زعام. واطمن بالي وگلبي