ايلاف شاليل ✰
لبده أنسير 🦅
انا الما بيه حَيل، وبيه أشِد حَيلَه
انا الشايل تَعب جيلَه
✰✰✰
عهود
منظر مرعب شوفتها وهي بالكاع ومدمايه
خله هل شي مستحيل ينسي مِن عقلي
عَلئ صوتها وصوت اعياط النسوان
انتبهو الزلم دخل هارون يركض الها وهو يشيلها اخوانها وابوها يصيحون حرفيااا جان شي شبه خيال شعرها نازل عَلئ وجها
ركضت وحده مِن النسوان تنطي شال بعد ماواحد مِن الموجود صاح بيهن يجيبن شي يسترنها
اخذوها وعافونا امها ملخت نفسها واخواتها يهدن بيها ويحاولن يسيطرن عَلئ حركتها
الدم نشف ابجسمي
اخذت كاسه مي وشربت اتقدمت وجدان يمي
-: مراح يصير الها شي مو؟
هزيت راسي بـ لا -: لا لا اسم الله عليها
شهكت وهي اتحط ايدها عَلئ وجهاا
-وجدان: بسسس الدم الدم عهود
حضنتها واني احاول اهديها الوضع جان حيل مأساوي امي وام عُلا كعدن وحده كبال الثانيه وهنه ينعن وكان ماتت؟
-: لا ياربي لا لا تفجعنا بيها
دعيت بكل حسن نيه مر وكت واحنا عَلئ اعصابنا والمشكله محَد يجاوب
اكو زلم بره بَس مايخلون احد يروح عليهم ويسفسر منهم
صارت الساعه 8 مساء واحنا ماعدنا ايي خبر عنهم ياتره شنو وضعها هسع؟
لحد ماوحده مِن كرايبهم زوجها امخابرها كاللها بعدها بالعمليات
وماكو اي خبر
عفتهم وطلعت بره لان اختنكت شنو حال هارون هسع ياربي لا تفجعه بيها هارون حبها حب مو طبيعي لمعه عيونه اشوفها مِن ينذكر اسمها
قراب الساعه وانفتح الباب الخارجي دخلو ابويه وابوها واحد مِن اخوانها وكم رجال هم
چنت كاعده امكان ماابين وشبه اظلم
نهضت نفسي كمت رحت جوه اجاني صوت ام عُلا وهي تحجي ويه زوجها ابحركه
-: الله واكبرررر عليكم ولكم بنتتتتتي هاااااي بنتي وانييي ماعرف عايشه لووو لااااا
لزمها ابنها حيلل يسيطر عَلئ حركتها -: اسم الله يمه والله مابيها شي والله بنتج عايشه
دفعته عنها ورفعت راسها-: عجللل ليش ماتخلونييي اروح ولكمم خلوني اشوفها اطمئن عليهاااااا گلبي يكول بنتي مو زينه
أنت تقرأ
لبده أنسير
General Fictionهوه عالي صوت الاشجار امشي ممهتم لعاصفه كد العاصفه الموجوده ابراسي وين اروح هسااع؟ المن احجي واكول؟ منو يفهمني؟ احمد ملتحق صار التحاقه وقت نزولي ياريت لو جان موجود يمي عَلئ قل يخمد النار البيه رفعت ايدي اشوف الساعه جانت 2:43 ليل مضل وگت راح يأذن الفج...
