ايلاف شاليل ✰
لبده أنسير 🦅
-ملاحظه* البارت بدوَن تعديل فااتغاضو عّن اي اخطاء املائيه
••
-: لج حقير والله
-: حقير عَلئ نفسه المهم اعصابج
اتنهدت ماخذه نفس آني ماسويت شي غلط بَس دكتور كرم جانو محتاجينه وايد الشخص شي بسيط
نفضت الافكار مِن راسي ورجعت لشغلي
خلص الدوام ورجعت لبيت هيج وقت بَس آني اكون موجوده بابا وآرم بدواماتهم
غيرت ملابسي وطلعت جدر دولمه مِن الفريز
عاده عَلمتني عليها داده نرجس
ابتسمت مذكرتها بالي صار اسبوع ماجايه النا
حطيت الجدر ؏ الطباخ
وشغلت قران وكعدت اگلب بتلفوني اجاوب عَلئ رسائل المتابعين واستفساراتهم ،،رفعت راسي عَلئ فتحه الباب
دخل آرم وجنطه دوامه بيده
-: سلام عليكم
-: وعليكم السلام حبيبي الله يساعدك
-: ويساعدج
خليته يذب سترته ورحت قدمتله مَي
-آرم: عشتي
-: بالعافيه حبيبي
أردف وهو يحط الكلاص ؏ الميز
-: ابوي بعده؟
-: اي اكيد مشغول
عافني وكام يسبح توجهت لمطبخ اجيك الدولمه
سويت مقبلات عَلئ صفحه واني بالي ويه بابا
مِن يتاخر يتصل ويبلغني
طردت هل افكار ورحت كعدت يم آرم
عاده عودنا عنها بابا مِن احِنـا وصغار كُلشي ابيومنا نحجي لبعض
اتربعت وبديت احجي لارم
-: كلمه حقير قليله آرم تصرفي مجان بي اي اسائه
-آرم: ممكن صح بَس طريقه كلامج غلط حبيبتي
-: شلون؟
-: مرات الانسان ينفهم غلط تدرين ليش؟
-: بسبب عقليه المقابل
-: لا حبيبتي اسلوب الكلام هي اتخلي المقابل يفهم غلط هسه لو أنتِ حجيتي بطريقه ممكن اتخليهم يخضعون الج ويوافقون
-: ابدً اسلوبي وكلامي مو غلط
-: لا غلط،لو كلتي اسفه دكتور بَس محتاجين الك ضروري وراح اصيح ممرض يكمل مكانك
برئيج مِن يشوفون هيج اسلوب راح يرفضون
طبعا لا
اتاكيت عَلئ خدي افكر ممكن صح حجيه بَس بنفس الوگت صديقه قلل ادب جان يكدر يصرف احسن مِن تصرفي بَس اتواقح
طلعت مِن شرودي عَلئ صوت آرم
-: هاهيه لتفكرين زياده عّن الزوم
همهمت بصوت وكمت طفيت عّن الطباخ لحظات ونفتح باب الكراج دخل بابا بسيارته
طببها جوها نزل هو ورحت اله
أنت تقرأ
لبده أنسير
General Fictionهوه عالي صوت الاشجار امشي ممهتم لعاصفه كد العاصفه الموجوده ابراسي وين اروح هسااع؟ المن احجي واكول؟ منو يفهمني؟ احمد ملتحق صار التحاقه وقت نزولي ياريت لو جان موجود يمي عَلئ قل يخمد النار البيه رفعت ايدي اشوف الساعه جانت 2:43 ليل مضل وگت راح يأذن الفج...
