ايلاف شاليل ✰
لبده أنسير 🦅
🔹لا تنسون فقراتكم الحلوة عَلئ البارت ياحلوين
أتحملُ محزونَ الفؤادِ قوادمٌ
على غُصُنٍ نائي المسافة ِعالِ؟
أيا جارتا، ما أنصفَ الدهرُ بيننا!
تَعَالَيْ أُقَاسِمْكِ الهُمُومَ، تَعَالِي!
تَعَالَيْ تَرَيْ رُوحاً لَدَيّ ضَعِيفَةً
تَرَدّدُ في جِسْمٍ يُعَذّبُ بَالي
أيَضْحَكُ مأسورٌ، وَتَبكي طَلِيقَة ٌ
ويسكتُ محزونٌ، ويندبُ سالِ؟
✰✰
نيروز
چنت كاعده بالغرفه وراسي بلابتوب مر اسبوع كامل واني هنا شغلي ولسبب معين غير معروف طلب مني بابا اتوقف عنه وبان سوالي اجازه بلا راتب شگَد. حاولت استفسر واكول عليش وليش بَس ماانطاني لا حق ولا باطل
ولو عليش استغرب هذا بابا وهذا طبعه كُلشي يسوي يحب يسوي بسكوت
كُلشي اجه عَلئ بالي حتئ التهديد بَس آرم يروح ويرجع يعني شغله ماتوقف لا هو ولا بابا
اله اني
دحكت لساعه بل 12 ونص باليل وجو مطر وصوت الرعد والبرق الناس اتخاف مِن هيج جو وهيج اصوات اله اني احبهن واحب الشتاء بكل حالاته وخرت الابتوب ورجعته المكانه كمت وكفت كدام المرايه باوعت ؏ نفسي لابسه بجامه نوم عريضه مابيها شي حطيت شال ابهمال عَلئ راسي وطلعت متوجهه لمطبخ
وكلعاده ماكو احد سويت گهوه وفتحت شباك المطبخ ابتسمت اثر الشعور الحاوطني
نسمات هوه بارده ويه رشك المطر عَلئ وجهي
اخذت نفس وزفرته هيج جو ينراد اله سياره
واغنيه رمانسيه ويه صوت المطر والبرق
بَس اكيد مستحيل غير تا يصير ذبحي حلال
لحظه فكرت واذا؟ كلها نايمه هسه بَس رجعت هزيت راسي برفض ابغداد مجنت اكدر اسوي هل شي وحدي اله مِن اطلب مِن بابا او آرم
عاد واحد منهم يتبرع ويروح وياي يم نهر دجله بتحديد بَس مالت اروح وحدي ؏ كولت بابا گطنه وشيليها مِن اذن
انوب عاد هنا واصلا الوضع اشويه مو امان هنا مثل بغداد تااكدر اسوي هيج خطوه
سديت الشباك ورحت للغرفه راسلت مارلين مجاوبت اكيد نايمه او اتراسل الحب اكيد اتراسله اكيدددد
اتندمت لان شربت گهوه خرب دحكت عَلئ الابتوب سحبته وطلعت مسلسل تركي اباوع عليه حلقه اجر حلقه لحد مااذن اذان الفجر صليت ورجعت اكمل المسلسل كملته ڱڵـه والي جان عباره عّن 35 حلقه
فزيت عَلئ صوت المنبه اخذته وطفيته دخلت عَلئ المواقع التواصل طبيت لواتساب جانت مارلين متصله بَس واضح ماسامعته بسبب حاطه سماعات
صبحت عليها ورحت لانستغرام برنامجي المفضل دائمًا وابدا جان عندي حساب ميجاز ال 20 الف متابع ومادري اصلا اشلون جمعت هيج عدد جنا مثل الاصدقاء يجاوبون عَلئ ستورياتي واجاوب عَلئ ستورياتهم فعلا جنا اصدقاء والي محتاج مساعده مني كدكتورة مستحيل اتردد بالمساعده مهما كانت
بَس اكيد اسم مستعار واشياء اهواي مستعاره مثل مايعرفون عايشه ابغداد لا كتلهم عايشه بكركوك شگَد. طلبو مني انطيهم اسم المستشفئ الي اشتغل بيها تا يلتقون وياي بَس چنت اتهرب ابعذار اهواي حتئ مانشر شي عّن شغلي
أنت تقرأ
لبده أنسير
General Fictionهوه عالي صوت الاشجار امشي ممهتم لعاصفه كد العاصفه الموجوده ابراسي وين اروح هسااع؟ المن احجي واكول؟ منو يفهمني؟ احمد ملتحق صار التحاقه وقت نزولي ياريت لو جان موجود يمي عَلئ قل يخمد النار البيه رفعت ايدي اشوف الساعه جانت 2:43 ليل مضل وگت راح يأذن الفج...
