لم تخرج من غرفتها منذ سفره تنتظره بفارغ الصبر تعد الدقائق والثواني تكلمه كل ٥ دقائق يبتسم عندما يجدها اتصلت به وكانت قد انهت معه منذ دقائق وصوتها نفس اللهفة والاشتياق يتذكر حالها عندما سافر وكان سيلغي سفره بسبب حالتها ..
فلاش بااااك
تجهز حقيبته بصمت تمام على وشك الانهيار بأي لحظة كان متأكد انه ان تكلم ستنهار
انهت الحقيبة وكان قد جهز نفسه وصديقه علي بانتظاره اسفل المنزل
اخرجت الحقيبة للخارج وعادت للغرفة لدفعه وهي تتنفس بسرعة
آدم: شهد مش حتأخر
نظرت له بصمت قليلا ثم رمت نفسها في حضنه وهمست : آدم ما تسافرش مش عايزاك تسافر.. طيب حلبس واسافر وياك انت حتقعد شهر بعيد عني وحتكون تعبان وانا مش جمبك حموت صدقني حموت
ربت على ظهرها بحنان وهمس : مش عايزاني اخف وارجعلك واقف واشيلك كل شويا معلش خلينا نستحمل الشهر ده غصب عني صدقيني بس مش حابقى مطمن وانتي لوحدك هناك
شهد ببكاء شديد : بس خليك واثق اني حكمل معاك ايا كانت النتيجة
آدم بحب: غصب عنك اساسا
وما ان وصل باب المنزل حتى ركضت لحضنه مرة أخرى تبكي بشدة ضمها بكل قوته وهمس : خلاص مش حسافر حارجع مش حاقدر اسافر وانتي كدة
روان بدموع وهي تسحب شهد : شهد ما ينفعش خلي يسافر مطمن .. مش عايزاه يرجع لشغله ويرجع حياته طبيعي سيبي يسافر
هزت شهد رأسها وذهبت في حضن اختها حتى سافر ومن وقتها وهي في غرفتها تنتظره بفارغ الصبر
بااااك
رن هاتفها لتمسكه بلهفة : حبيب قلبي عامل ايه
آدم بحنان : كويس اوي يا روحي لسة حابسة نفسك في الغرفة برضو
شهد : مش حاخرج غير اما ترجع
آدم: طيب ينفع تعطيني روان اصلها وصتني على برفن نسيت اسمه وباتصل بيها مش بترد اعطيها التلفون بس
شهد : ماشي
خرجت للصالون لتشهق من المفاجأة فآدم أمامها يقف على قدميه وفي يده عكاز سقط هاتفها منها وما زالت تحدق به غير مصدقة وهو ينظر لها بابتسامه وسعادة فتح يديه لها لتركض لحضنه حتى كاد يسقط وصوت بكاءها عال جدا وهو يبكي ويربت على ظهرها
شهد : مش بيفرق معايا واقف قاعد نايم المهم انك رجعت وحشتني اوي اوي اوي
آدم بحب : وانتي يا نور عيني ربنا يعلم الايام اللي فاتت عدت عليا ازاي
روان : الحمد الله احسن كتير حتكمل العلاج الطبيعي هنا عشان نستغنى عن العكاز
آدم: ان شاء الله بس كنا فين وبقينا فين
شهد : ليه ما قولتليش انك جاي كنت استنيتك
آدم: حبيت اعملك مفاجأة
شهد : اجمل مفاجأة بالدنيا
آدم : احم منورين يا خالتو وياماما ويا روان ولا ايه يا روان
روان: ييي خالتو الاكل عالنار تحت حيتحرق
فاطمة : اكل ايه
امسكت يد والدتها وخالتها وهمست : تعالوا ساعدوني الجدع مسافر وعايز يتغذى
&&&
محتضن وجهها بكفيه ويهمس بدموع : قوليلي اني مش بحلم
آلاء بضحك: اما اصدق انا الاول ابقى اقولك
عادل : ياريت اسراء ظهرت من زمان
آلاء : اسراء؟؟ وايه دخلها بالموضوع
عادل باستغراب : انتي ما تعرفيش انها كلمتني يوم ما سبتك وقالتلي انها خدت الرقم من تلفونك .. سألتني انت بتحب الاء بجد.. استغربت قولتلها ايوة ليه .. قالتلي عشان عايزة اعرف حتستاهل التضحية
آلاء باستغراب : يعني هيا سابت البيت وخلت يوسف يلف حوالين نفسه عشان ترجعنا لبعض .. انا عايزة ابوسها
عادل : طيب ما انا بدالها ممكن توصليلي اياها عادي
ليضمها لقلبه غير مصدق ان حلمه تحقق بعد ١٠ سنوات
&&&
أنت تقرأ
جريمة لا تغتفر (مكتملة )
Randomان فكرت في الخيانة تحمل النتيجة ... لا تندم بعدها لأن الندم لن يفيد
