حدث في الفصل السابق...
- ليه يا أدهم كده يا حبيبي ليه، هو انت ماشي بـ مبدأ اذا لم تسطع اسعاد نفسك فـ عَكِر مزاج الآخرين!
- ليه مقولتليش ان الكائن ده مكتبي؟! هو انتي كل مره بتعملي فيا كده؟!!
- نورا هو انتي ليه محسساني اني مِجرب و مضطره تتعاملي معايا على بعد ثلاثه متر
- ايه يا سامي اللي انت بعتهولي ده! حرام عليك يا أخي، انت عايز تموتني بالحياه!
- استنى يا حاتم ابوس ايدك، الغلطه هنا بفوره وانا مش ناقص يخصمولي
- اقسم بالله حاسه ان انا عامله عامله ولا مستخبيه من العميد ايه ده!
- لا لا لا.. لا مستحيل لا، ارجوك قولوا انه لا.. اكيد مش الي.. لااااااااااااااااااااا
___________
تندفع ندى لداخل اوضة النوم وفي ايديها غطايين لـ حلتين مختلفتين وبدأت تضربهم في بعض بشكل متواصل مما سبب صوت عالي جداً وبتنادي نبره واحده عالية أيضاً
" اددهااااااام اصحى يلاااااا "
قام أدهم مفزوع مفزوع من النوم كان هيقع بره السرير بس لحق نفسه وصاح تلقائي من فزعه
" في ايه مش كده على الصبح!!!"
بهدوء اردفت ولا كأنها عملت حاجة
" قوم يلا "
صاح مره تانيه
"ما اتنيلت قومت!"
" كويس، يلا بقى علشان توصل العيال المدرسه و هتتاخر على شغلك أنت كمان "
زفر بقوه من الازعاج والضيق بصلها بعين ناعسه واردف
" فكريني كده احنا مشتركنالهومش في باص المدرسه ليه؟؟ "
بنبره ببديهيه اردفت ندى
"علشان الزياده ٥٪ بتاعه كل ترم مثلاً؟ "
" ايوه ايوه صح.. مهي بردو الي مدرسه مستفزه عاوزين ياخدوا كننا اي فلوس وخلاص حاجة تغم! "
زفر في نهايه جملته مره تانيه وبدأ يشتم المدرسه في حين رفعت ندى اكتافها متحدثه بأعتياديه
"خلاص اشتركلهم"
"ما انا هعمل كده وأمري لله - التفت وانفعل بالقول - خليكوا كده احلبوا فيا لحد ما هتفضوني قريب "
أدارت حدقة عينها واردفت وهي بترمقه
"مش انت الي مش عاوز توديهم في طريقك؟ البس بقى ومتشتكيش"
أنت تقرأ
فريندز ٢ | Friends 2
Humorكلنا عارفين ان كل ما يمر الزمن بتتغير الأحوال وحتى الناس بس؛ هل نفوسهم بتتغير بردو ولا بيفضلوا على حالهم؟ السنين خدت أبطال قصتنا لمغامرة جديدة في مرحلة انتقالية جديدة في حياتهم أصعب من الي فاتت، فهل هيستحملوها وهيقدروا يتعاونوا و يساندوا بعض زي الاو...
