حدث في الفصل السابق..
- ايه يا جماعه في ايه، صوتكم سامعه من تحت!
- مش هنتجوز بقى! بقالنا سبع سنين مخطوبين!
- روّح بيتك يا لؤي
- ايه يا أدهم مش تصوب صح شويه، كل مره تيجي فيا انا!
-فاكره يا بسنت لما اتخطبت لـ أحمد في الأول خالص وجيت قولتلك انا حاسه اني اغبى من الجاموسه نفسها
- ايوه يعني هو ايه الي حصل علشان تيجببي الراجل من آخر الدنيا؟!!
- حاتم حاتم الحقني بسرعه حااتتاممم!!
- على فكره.. انا معايا سلاح حاد جداً انا بحذر اهو
- بس انتي كنتي من شهر بتقولي مستحيل ترجعي دلوقتي، ايه الي خلاها تطق في دماغك و تيجي تقعدي على طول
- طنط ،انتي كويسه؟؟
- يا حرام دي طلع قلبها رهيفه اوي مستحملتش الصدمه
- متكسريش بقلب حد مهتم بيكي تاني.. ماشي ؟؟
_____
~ من وجهه نظر سارة ~
مكنتش اتخيل في يوم أني أرجع تاني ومكنتش اتخيل بردو أن الفراق هيكون صعب للدرجادي
معرفش ليه جمله بسنت امبارح خلتني أحس شعور كنت قربت انساه.. هو انا عمري ما نسيته بس محستوش بالقرب ده اوي كده للدرجه الي تخليني أحس بشعور قديم فات
حسيت بشعور غريب جوايا وعلى طول جه في بالي عمر، انا عارفة انها مش قصدها حاجة او مش في دماغها اصلاً.. بس انا الي افتكرت كده، اخر حوار بيني وبين عمر فاكراه لحد دلوقتي وكل ما افتكره بكون كأني بسمعه من جديد
لأنه كان صعب و مؤلم عليا.. واظن انه مؤلم عليه كمان
فضلت طول الفتره الي فاتت دي اسأل نفسي سؤال واحد بس.. هو كان بحبني بجد؟؟ طب هو انا كنت بحبه اصلا؟ ولا انا واهمه نفسي اني بحبه بسبب اهتمامه بيا وانه بيحاول دايماً يراضيني و يساعدني؟؟
وهل فعلاً كان هيستناني لو رجعت زي ما قالي ولا هيكون خلاص نسيني أو خرجني من دماغه لأني وجعته زياده و قولته كلام المفروض ميتقالش اصلاً وقاسي جداً عليه
بس بينتهي بيا الحال دائماً اني مش لاقيه إجابة لأي سؤال تريحني أو عقلي بيخدعني أو بقول أكيد لا
أنت تقرأ
فريندز ٢ | Friends 2
Humorكلنا عارفين ان كل ما يمر الزمن بتتغير الأحوال وحتى الناس بس؛ هل نفوسهم بتتغير بردو ولا بيفضلوا على حالهم؟ السنين خدت أبطال قصتنا لمغامرة جديدة في مرحلة انتقالية جديدة في حياتهم أصعب من الي فاتت، فهل هيستحملوها وهيقدروا يتعاونوا و يساندوا بعض زي الاو...
