حدث في الفصل السابق...
- مهمووووووومم و موووجوووووع قلبي
- يعني خلاص هنموت بجد؟!
- انا حاسة ان حلاوة البدايات بتفضل في البدايات بس
- انا الي اعرفه ان المرئ لا يلدغ من نفس العمله مرتين،
- دي عيله صغيره يا عزمي لو الأمن شافك وأنت بتعمل الحركات دي هيعمل منك شاورما فراخ
- يالهوي يالهوي لا لا مش هيموت، انا هعملكوا كل الي انتوا عاوزينه بس قواضي و محكمة لا
- مهو كله من شورتك الهباب، كانت شوره منيله بنيله اقسم بالله
-انا بجد آسف اني خرجت عن شعوري معاكي
- 'هي عندها انفصام ولا ايه؟ هي بتتعامل معايا كده ليه؟ انا مش مصدقاها، ومش هثق فيها مهما عملت
- هي على طول بتقول عكس الي عايزه تعترف بيه و هيجيلها يوم و تعترف بالحقيقه
____________
صباح يوم جديد في الفندق وفطار يوم جديد بردو، في ساحه الفندق الخلفيه حيث ادهم اللي بياكل الفطار وكأنه مجبر برغبه في النوم، غالبه النعاس، فكان لابس نظاره الشمس علشان يداري عينيها الناعسة
وجنبه ندى بتاكل بردو بس بنشاط ، وقدامهم بسنت اللي كانت قاعده حاطه ايدها على خدها بتشرب عصير ما يفوقها وجنبها ليللي وسارة اللي كانوا صامتين ناعسين وكل واحد شارد في افكاره
احمد بيتقدم منهم ماسك كوب قهوته في ايده، سحب الكرسي الفارغ ناحيه ادهم وقعد عليه واردف في ابتسامه خفيفه
"صباح الخير عليكم يا جماعه"
اردفوا بردود متفاوته بينهم واللي كانت خافته مفيهاش أي نشاط أغلبهم كأنهم مجبورين على الرد فرفع حاجبه متعجب من تغيير مزاجهم الواضح ونعاسهم
ندى حطت الشوكه جنب طبقها والتفتت أدهم مردفه بنبرتها النشطه
"أدهم فاكر النهاردة يوم ايه؟"
تنهد أدهم عالم بكبر مصيبه السؤال الي سألتهوله
"ااه انا مبخفش غير من الأسئلة الكمين دي بقى"
رمشت ببراءه مردفه
"ليه ده سؤال سهل خالص! "
"آه مهو واضح قولي يا اختي قولي.. ولا اقولك، اديكي عشرين جنيه وتسكوتي وتحلى عن سمايا؟ "
رفعت ندى حاجبها من قول أدهم الي بيرشيها
"ومين قالك اني لما اخد العشرين جنيه هسكت؟! "
أنت تقرأ
فريندز ٢ | Friends 2
Humorكلنا عارفين ان كل ما يمر الزمن بتتغير الأحوال وحتى الناس بس؛ هل نفوسهم بتتغير بردو ولا بيفضلوا على حالهم؟ السنين خدت أبطال قصتنا لمغامرة جديدة في مرحلة انتقالية جديدة في حياتهم أصعب من الي فاتت، فهل هيستحملوها وهيقدروا يتعاونوا و يساندوا بعض زي الاو...
