حدث في الفصل السابق...
- ساااللمماااى يا ساااللااامماااه روحنا وجينا بالساالااامة~
- انتوا تحمدوا ربنا ان انا نزلت ادور عليكم أساسا
- وبعدين معاك يا أمير الطيور، هنفضل واقفين كده مستنيينك تمسكه زي طلاب الكشافة؟!
- في اربع بنات ناقصين من عدد الطلبة لازم نلاقيهم فوراً
- انتوا واقفين كده ليه، هو انتوا شايفين عفريت؟!
- وهو انا لو بقبض المبلغ ده كنت رميت نفسي الرميه السودة دي معاكم في جامعه حكومية معفنه المعاش فيها ميجيبش كيسين رز دلوقتي
- انا مش عندي كوووررروونناااااا!!
- انا درست طب سنه ممكن اكشف عليك
- بقولك ايه يا ساره خليكي في حالك بمشاكلك وعقدك النفسية بعيد عني
- وايه الفكره يعني اننا نشوف الجمل قبل ما نمشي؟!
- اعتقد ان الوقت فات على اننا نتناقش في حاجة زي دي
- عمر.. أنا موافقة
_______
بتجري بيري كالعاده بتلاحق الزمن علشان تلحق تدخل المدرج قبل ما يدخل طارق، واللي كان عليهم في أول محاضرة في بدايه أول يوم دراسه بعد العوده من اجازه نص السنه
بتدفع الطلاب بخفه بأيدها تمر من جانبهم وبتعتذر بين كل ثانيه والثانيه بسبب الطلاب اللي بتخبط فيهم ، طلعت السلم بتجري بتلاحق انفاسها المسلوبة بتبص في ساعه ايدها ملاقتش غير فاضل اقل من ثلاث دقائق على بدايه المحاضره ودكتور طارق اكيد في طريقه للمدرج دلوقتي
شتمت نفسها تحت انفاسها المتلاحقة على تأخرها وزادت من سرعتها حست بروحها بتطلع مع طلوع السلم، وصلت للدور المطلوب ومفيش آخر سلمه اتكعبلت فيها نزلت على وشها على الارض ولكنها وصلت الدور بسلام
في نفس الوقت هادي بيعدي حاطط ايده في جيبه مرّ من فوقها كأنها مطب وكمل طريقه عادي جداً كانها شفافه ، بيري رفعت راسها الى الاعلى بتنفخ على شعرها اللي جاي على وشها
"يلا نكمل جري"
واستقامت بسرعه مره تانيه كأن مفيش حاجه كملت الجري الى المدرج وهي شايفه طارق خلاص فاضلله بضع خطوات ويدخل المدرج فبدأت تسرع أكتر و تصيح علشان يقف مكانه
أنت تقرأ
فريندز ٢ | Friends 2
Humorكلنا عارفين ان كل ما يمر الزمن بتتغير الأحوال وحتى الناس بس؛ هل نفوسهم بتتغير بردو ولا بيفضلوا على حالهم؟ السنين خدت أبطال قصتنا لمغامرة جديدة في مرحلة انتقالية جديدة في حياتهم أصعب من الي فاتت، فهل هيستحملوها وهيقدروا يتعاونوا و يساندوا بعض زي الاو...
