فريندز ٢ | Friends 2

بـدايـة

~ من وجهه نظر سارة ~

ساعات بتفتكر إنك وصلت لنهاية القصة وان خلاص مش هيحصل أحداث جديدة فيها بس فجأه بتتقلب كل الموازين؛ واحداث القصة تاخد منحنى آخر تماماً لحد ما تلاقي نفسك وقعت في أعمق هاوية وملهاش خروج

ساعات بردو أحداث الحياه بتخلي الواحد يشوف الحلو وِحش.. والعكس، أو ممكن يكون كان بيحب حاجة في يوم وفجأه بقى يكرهها ومبقاش قادر يقرب منها وجي طبيعة الحياه

لكن الي معرفتوش أن بعد سنين طويله هترجع القصة من تاني بس ببداية مختلفه تماماً

أنا سارة ودي حكايتي..

~~

زي اي يوم عادي حياتي مكنش فيه جديد، بروح الجامعه و ارجع و الوضع مستقر تماماً، لحد ما جه اليوم الي غير حياتي كلها.. في لحظة كل حاجة اتغيرت بشكل مبالغ فيه

في يوم كنت راجعة من الجامعه بدري عن المعتاد لأننا خلصنا بدري المحاضرات على غير العادة بردو ، وده حسسني بشعور مش لطيف وحسيت ان في حاجة مش كويسه هتحصل لسبب ما انا كنت جاهله شعوره

حاولت أتجاوز ان أفكاري وكملت طريقي للبيت عادي.. وكل ما أقرب من طريق البيت قلبي بتقبض اكتر واحس ان في حاجة غريبة بتحصل جوايا لدرجه اني فكرت اكلم بابا اشوف في ايه.. وهو كان أول واحد جه في راسي وقتها

وصلت عند البيت وحصل الي كنت حاسه بيه، أتجمدت مكاني وكأني فقدت كل حواسي في اللحظة الي لقيت فيها النار محاوطة البيت كله بطريقة مرعبة، والمطافي بيحاول يطفيها بكل ما عنده ولكن مفيش فايدة

وكأن الحلم الي شوفته من سنه اتكرر قصاد عيني من جديد بس في الحقيقة وبصورة مرعبة أكتر مكنتش اتصورها

ببص لقيت نهال خارجه من جوه بصعوبة بمساعده بعض الناس وحاضنه ابنها الصغير في حضنها وبتكح وكأنها بتحاول تلفظ أنفاسها بصعوبة بسبب الدخان الكتير

تلقائي روحت ناحيتها وأنا حاسه ان قلبي هيقف من كتر الخفقان والترقب لما سألتها : هو بابا فين؟؟

شاورتلي ناحيه الاسعاف فـ روحي حسيت انها خرجت مني لثواني وحسيت ان كل مشاعري كانت حقيقية لحد ما لقيت نهال بتشدني من أيدي وبتخليني اروح وراها وأنا من الصدمه الشديدة كنت زي المغيبة لا سامعه ومدركة أي حاجة بتحصل حواليا

لحد ما لقيت نفسي جوه المستشفى فعلاً من غير ما أحس ولا أدرك أي شيء، واقفه في المرر الأبيض لوحدي مستنيه نهال تخرج من الأوضة الي قدام عيني.. وكأني مستنيه خبر يرجع الأمل جوايا والخطفة الي حاسه بيها جوة قلبي