အစေခံဇနီး{Unicode}
#အခန်း၁#
ခွမ်း...ဒုန်း...
''ဟင်!!´´
အားလုံးရဲ့အကြည့်များဟာ ကျူးရိပ်ဆီသို့ စုပြုံလျှက်...
''သွားပြီ...သူတော့ အလုပ်ဖြုတ်ခံရတော့မယ်´´
''အပြစ်ပေးခံရတော့မှာပါ´´
အားလုံး တီးတိုးပြောကာ ကျူးရိပ်ကို သနားသလို စိတ်မကောင်းသလို စုပြုံကြည့်နေကျ၏။
ကျူးရိပ် လက်ချော်ပြီး ဟင်းရည်ပန်းကန်လေးဟာ ကြမ်းပြင်ပေါ်သို့ ကျကွဲသွားလေ၏။လက်တွင်ပူလောင်နေသော်လဲ ထိုအပူဒဏ်အား ဂရုမစိုက်အားပဲ ကျကွဲသွားသော ဟင်းရည်များကိုသာကြည့်၍ ဝမ်းနည်းစွာဖြင့် မျက်ရည်များ စီးကျနေမိ၏။
''ဘာဖြစ်နေကျတာလဲ´´
''ဟင်!! သခင်မလေး´´
အသံကြောင့် ကျူးရိပ်မော့ကြည့်လေတော့ကျူးရိပ်ကို ဂရုဏာသက်စွာဖြင့် ငေးကြည့်နေသော သူငယ်ချင်းဖြစ်သူနှင်းစက်ကြွေ...ဒီအိမ်ရဲ့ သခင်မလေးပင်...
''ဟို သူ..သူက ဟင်းရည်တွေလွတ်ကျပြီး ဟင်းရည်တွေမှောက်´´
''ရရဲ့လားကျူးရိပ် နင့်လက်ပူသွားသေးလား ပြစမ်း ပြစမ်း´´
ကျူးရိပ်အနားထိုင်ချ၍ လက်ကိုဆွဲယူကာကြည့်လေ၏။ ကျူးရိပ် အလန့်တကြားဖြင့် လက်ကို အတင်းရုန်းမိလေသည်။
''သ..သခင်မလေး အဲ့ အဲ့လိုမလုပ်ပါနဲ့ ဟို ဟိုလေ သခင်မကြီးသိရင်´´
''ကဲ နင့်လက်အပူလောင်ထားတယ်လေ မဟုတ်ဘူးလား ငြိမ်ငြိမ်နေ ငါဆေးထည့်ပေးမယ်´´
ကျူးရိပ်လက်ကိုအတင်းဆွဲကာ ထိုင်နေရာမှထစေ၍ အနားရှိခုံပေါ်ထိုင်စေ၏။
''ဘာဖြစ်နေတာလဲ သမီး...´´
''ဟင်!!´´
''သခင်မကြီးလာပြီ...´´
အနောက်မှ ပြက်သားသောအသံကြောင့် အစေခံအားလုံးငြိမ်ကျသွားကာ ခေါင်းကိုငုံ့လျှက် အနောက်သို့ဆုတ်၍ ရိုကျိုးစွာ ဆက်ဆံကျလေ၏။
''မဟုတ်ပါဘူးမေမေရယ်..ကြွေ့ကြောင့်လေ ဟင်းရည်တွေ ကျူးရိပ်ပေါ်ဖိတ်ကုန်လို့ ဆေးထည့်ပေး´´
