ဝမ်ယွီ သည် ရုတ်တရက်ပင် သူတို့အမြင်တွင် ဟာသတစ်ခု ဖြစ်လာသည်။
သို့သော်လည်း သူထိုအရာများကို ဂရုမစိုက်ခဲ့ပေ။
အိမ်မှ စောစောထွက်ပြီး နောက်ကျမှ ပြန်လာတတ်ကာ တခြားသူများ သူ့အပေါ် လှောင်ပြောင်နေသည်ကို ခွင့်ပြုထားလေသည်။ ထို့နောက် သူ့ထောင်ချောက်အတွင်းကျဆင်းသွားသည့် ချီနှင့်ဝမ် မိသားစုနှစ်စုကို မပြောင်းလဲသည့် မျက်နှာထား လှောင်ပြောင်သည့်အကြည့်တို့ဖြင့် ကြည့်ကာ လျစ်လျူရှုထားခဲ့သည်။
တစ်နှစ်အတွင်းမှာပင် သူတို့ကိုယ်သူတို့ ဂုဏ်ယူနေခဲ့သော ချီနှင့်ဝမ်မိသားစုသည် ဝမ်ယု၏ လက်တစ်ချက်ဝှေ့လိုက်ယုံနှင့်ပင် ပျက်စီးသွားလေသည်။
ချီကျန်းကျန်း ‘ ဒီ အဓိကဇာတ်လိုက်က အရမ်းမိုက်တာပဲ…’
(သူပါ ရောသေမှာကို မေ့ပြီး အားပေးနေသော ချိမ)
အားပါးတရကြွေးကြော်ပြီးနောက် ဒီစာအုပ်သည် မည်သည့်အချစ်ဇာတ်ကွက်မျှ မပါသည်ကို သူမ သတိရသွားမိသည်။
ချီကျန်းကျန်း အေးခဲသွားသည်။
တွဲဖက်မပါဘူး… ဒါဆို အမျိုးသမီးဇာတ်လိုက်မလဲ မရှိဘူးပေါ့….
ဒါဆို အခု သူမက သူ့ရဲ့ စေ့စပ်ထားသူလေ…
သူမ ဂရုတစိုက်ဖြင့် မူလပိုင်ရှင်၏ ဖော်ပြချက်ကို ကြည့်လိုက်မိသည်။ ထိုအရာကို စာကြောင်း နှစ်ကြောင်းဖြင့်သာ ဖော်ပြထားလေသည်။
ပထမ စာကြောင်းမှာ [ မစ်ချီသည် အိပ်ယာပေါ်တွင် တိတ်ဆိတ်စွာဖြင့် လှဲလျောင်းနေပြီး ဝမ်ယွီ သည် သူမအား သေလူတစ်ယောက်ကဲ့သို့ အေးစက်စွာဖြင့် စိုက်ကြည့်နေသည် ]
ဒုတိယ စာကြောင်းမှာ [ ချီမိသားစု ဒေဝါလီခံပြီးနောက် သူမအတွက် ဆေးရုံစာရိတ်မပေးနိုင်သောကြောင့် မကြာခင်မှာပင် သူမလည်း သေဆုံးသွားလေသည်။ ထိုသတင်းအားကြားပြီးနောက် ဝမ်ယွီ သည် နှာခေါင်းတစ်ချက်ရှုံ့လိုက်ပြီး ထိုအရာအားစိတ်ထဲမှ ထုတ်လိုက်လေသည် ]
ချီကျန်းကျန်း ‘ !!! ‘
ထိုအရာအား အတည်ပြုရန် သူမ စိတ်တွင်းမှ ထပ်ခါထပ်ခါ သေချာအောင်ပြုလုပ်နေမိသည်။
YOU ARE READING
CP-Free Novel
Romanceချီကျန်းကျန်းသည် ဦးနှောက်ထိခိုက်ဒဏ်ရာကြောင့် အိပ်ယာပေါ်တွင်လှဲနေပြီး မည်သည့်လှုပ်ရှားမှုမှ မရှိပေ။ သူမ စိတ်ထဲတွင် အချစ်အကြောင်းမပါသည့်ဝတ္ထု တစ်ပုဒ်ပေါ်လာသည်။ မူလဝတ္ထုထဲတွင် ကားအက်ဆီးဒင့်ကြောင့် ချီမိသားစု၏သမီးသည် ကိုမာဖြစ်သွားသည်။ စေ့စပ်ပွဲက ဆက်လက်၍...
