‘’ရှင်… ရှင်… ရှင်က ကျွန်မနဲ့ စေ့စပ်ထားတဲ့သူလား’’ သူမ ထစ်ငေါ့စွာဖြင့် ပြောလိုက်သည်။ သူမ၏ ကြီးမားလှသောမျက်ဝန်းများကို မျက်တောင်ခတ်လိုက်ပြီး ‘ ငါက နင့်ရဲ့စေ့စပ်ထားတဲ့သူပါ… ငါက နင့်ဘက်ကနော်… ငါ ဘာမှမကြားလိုက်ဘူး… တကယ်လို့ကြားရင်တောင် ငါဘာမှ မပြောဘူး ‘ ဆိုသည့် အဓိပ္ပာယ်များဖြင့် ပြည့်နှက်နေသည်။
ဝမ်ယွီ အံ့ဩနေမှုများကိုဖယ်လိုက်ပြီး သူမအား အေးစက်နေသော အကြည့်ဖြင့် ကြည့်လိုက်သည်။
ထိုအချိန်တွင် သူနှင့်မည်သို့ ညှိနှိုင်းရမည်ကို ချီကျန်းကျန်း စိတ်ထဲမှ အလျင်အမြန်တွေးတောနေသည်။ တွေးရင်းနှင့်ပင် သူမ မေ့လဲသွားသည်။
ဝမ်ယွီ နောက်တစ်ကြိမ် မျက်မှောင်ကြုတ်လိုက်ပြန်သည်။
ဖုန်းတဖက်မှ အတွင်းရေးမှုးနင် မေးလိုက်သည် ‘’ မစ်စတာ ဝမ်…’’
‘’အဆင်ပြေတယ်..’’ ပြောပြီးနောက် ဝမ်ယွီ ဖုန်းချလိုက်သည်။
ထို့နောက် သူ၏အေးစက်နေသောမျက်ဝန်းဖြင့် ကုတင်ပေါ်တွင် တဖက်သို့လဲကျနေသည့် ချီကျန်းကျန်းကို ကြည့်လိုက်သည်။
ဒါဆိုလဲ သူမ ကြားသွားတယ်ဆိုရင် ကြားချင်လဲကြားပါစေတော့…
အမှန်တကယ်ပင် ချီကျန်းကျန်းကို သူ့မျက်လုံးထဲ၌ ထည့်မထားသည်မှာ အသေအချာပင်ဖြစ်သည်။
သူမ နိုးလာသည်ကိုမြင်သော်လည်း ဆရာဝန်ပင်ခေါ်မပေးပဲ ဘာမှ မဖြစ်ခဲ့သလိုပင် ထွက်ခွာသွားသည့် သူမ၏ခင်ပွန်းလောင်းကို ကြည့်ရင်း ချီကျန်းကျန်း အံ့ဩနေမိသည်။
ဒါက သူမ ယောကျာ်းလား…
ဝမ်ယွီ မျက်မှောင်ကြုတ်လိုက်သည်။
ဖုန်းတဖက်မှ အတွင်းရေးမှုးနင် သည် ထိတ်လန့်တကြားဖြင့် ဖုန်းကိုင်ထားဆဲဖြစ်ပြီး သူ၏မျက်ဝန်းတွင်လဲ အံ့အားသင့်မှုများဖြင့် ပြည့်နှက်နေသည်။
သူ့ဘောစ့်ဖုန်းထဲကနေ မိန်းကလေးအသံတစ်ခုကို ကြားလိုက်မိသလိုပဲ… ပြီးတော့ ယောကျာ်း လို့တောင် အော်ခေါ်လိုက်သေးတယ်…
YOU ARE READING
CP-Free Novel
Romanceချီကျန်းကျန်းသည် ဦးနှောက်ထိခိုက်ဒဏ်ရာကြောင့် အိပ်ယာပေါ်တွင်လှဲနေပြီး မည်သည့်လှုပ်ရှားမှုမှ မရှိပေ။ သူမ စိတ်ထဲတွင် အချစ်အကြောင်းမပါသည့်ဝတ္ထု တစ်ပုဒ်ပေါ်လာသည်။ မူလဝတ္ထုထဲတွင် ကားအက်ဆီးဒင့်ကြောင့် ချီမိသားစု၏သမီးသည် ကိုမာဖြစ်သွားသည်။ စေ့စပ်ပွဲက ဆက်လက်၍...
