~I may be a coward who's always ready to break up. But what I did was because I wanted you to be happy. Why don't you look happy?~
"တီ...တီ..."
ဖုန်းသံက ခဏလေးမြည်ပြီးတာနဲ့ ပျောက်ကွယ်သွားသည်။ ဒါပေမယ့် နောက်ထပ်တစ်ခါ ထပ်ဝင်လာပြန်သည်။
"တီ...တီ..."
သြဒိသတစ်ယောက် ဖုန်းလာနေတာကိုသိပေမယ့် အခုအချိန်မှာ ငွေ့သက်နဲ့စကားပြောဖို့ သူအဆင်မပြေသေးဘူး။ မနက်က သူတို့ဖြစ်ခဲ့တဲ့ကိစ္စမှာ သူမှားတာမှန်ပေမယ့် သူ့အမှားတစ်ခုတည်းကြောင့်တော့မဟုတ်ဘူး။ မပြတ်သားတဲ့စိတ်နဲ့ သူ့ကိုတွေ့နေတဲ့ငွေ့သက်ကို အခုအချိန်မှာတော့ လက်မခံပေးနိုင်သေးဘူး။
' ကိုယ်တောင်းပန်တယ်... ကိုယ်အဆင်သင့်မဖြစ်သေးဘူး '
သူအခုရုံးခန်းထဲမှာပဲရှိသေးသည်။ အဲ့ဒါကြောင့် လာနေတဲ့ဖုန်းကိုလစ်လျူရှုပြီး အလုပ်ကိုပဲအာရုံစိုက်နေလိုက်သည်။ တစ်ဖက်သူက ဘာလို့ဖုန်းခေါ်လဲဆိုတာ သူမသိချင်တော့ဘူး။ သူ့ကိုတောင်းပန်ဖို့လား။ ဒါမှမဟုတ်ရင် သူ့ကိုရှင်းပြဖို့လား။ တစ်ကယ်တော့ အကူအညီလိုအပ်နေတာဖြစ်သည်။ အဲ့ဒါကို သြဒိသတစ်ယောက် လုံးလုံးကြီးကိုမတွေးမိခဲ့ဘူး။
အဲ့ဒါကြောင့်ပြောတာ... ဘဝမှာလေ ကိုယ့်ဘက်ကဘယ်လောက်ပဲစစ်မှန်တဲ့ခံစားချက်ကိုပေးနေပါစေ တိုက်ဆိုင်မှုကံတရားသာမရှိရင် မဖြစ်နိုင်ဘူးတဲ့။ မျက်နှာသာပေးတဲ့ ကံတရားကြီးက သြဒိသကိုကျောခိုင်းထားခဲ့တာများလား။
"အစ်ကိုအဆင်ပြေလား"
သန့်စင်ခန်းကနေပြန်ထွက်လာတဲ့ဧည့်သည်အစ်ကိုက နည်းနည်းတော့ ခေါင်းထောင်လာနိုင်တာမြင်ရသည်။
"အင်း။ ပြေတယ်"
ပြေတယ်လို့ပြောပြီး ဧည့်သည်ကသူ့အိတ်သူလွယ်ပြီး ပြန်မယ်တကဲကဲလုပ်လာသည်။ လမ်းလျှောက်တာတောင် ယိုင်နေသေးတဲ့လူက သူ့ဘာသာပြန်မယ်တဲ့လေ။
"အစ်ကို တစ်ယောက်တည်းပြန်မလို့လား..."
နောက်ဝန်ထမ်းကောင်လေးတစ်ယောက်ကလည်း သူ့ကိုပြောလာပြန်သည်။
"တစ်ယောက်တည်းမပြန်လို့ မင်းတို့လိုက်ပို့မလားပြော..."
"အဲ့ဒါက...
ဟေ့ရောင် ဘယ်လိုလုပ်မလဲ"
VOCÊ ESTÁ LENDO
Writing Pages Over Story ~💔~ လေပြေလွင့်စင်သွားသောအရပ် (Completed)
Romance"I LOVE YOU" Love is a Shawdow and a Mist. It passes quickly by and it's no more...But I hope you'll miss this feeling when it is gone~? မင်းသောက်နေကျဆေးလိပ်အရသာအစားမင်းကိုချိုမြန်တဲ့အရသာတစ်ခုငါအစားထိုးပေးမယ်။ အဲ့ဒီအရသာကိုမင်းဘယ်တော့မှမမေ့လိုက်နဲ့။ ...
