‎اشوفك ديرةٍ ضمت مداد دنياي؛وانت العزيز الي رويت الحشا ري

الثالث

‎اشوفك ديرةٍ ضمت مداد دنياي؛وانت العزيز الي رويت الحشا ري
٤١
مداد بحرج:اعتذر لاني اشغلك بوقت اجازتك
هز راسه بالنفي:لا ما عليك..لو يأثر علي الشغل سلباً قلت لك نخليها لبعد ما تخلص اجازتي..ايوه من وين نبدأ؟
مداد وهي تفتح ملفها:الصراحه فكرت ندمج افكارنا..يعني مو ضروري نكون متفقين على فكره وحده كذا بنطمس على ابداع واحد فينا..يعني الحين هالجلسه بتكون مجرد طرح افكار رح نسجلها ونحاول ندمجها عشان نبدأ نرسم التصميم بشكل مبدئي على ورق عشان نعطيه لمهند يشوفه واذا وافق نبدأ نختار الخامات ونشرف عالعُمال كذا بنخلص ان شاءالله بالتمام بشهرين
هز راسه بهدوء:تمام..اتفقنا مسبقاً انه بيكون اسلامي محلي وعصري..كيف بنجمع هالثلاث تصاميم في مشروع واحد؟
مداد وهي تفكر:طبعاً مو ضروري نخليها كلها فنفس المكان..غير سلبيات جمع ثلاث تصاميم فيها التضاد كثير الزائر مارح يستمتع بوقته بسبب التشوه البصري الي يشوفه..لو نحط ثلاث اقسام للمشروع..قسم تصميم يتبع الاسلامي البحت..قسم التراث المحلي..وقسم العصري
عبدالمجيد يمسح على لحيته باندماج التفكير:افكر نخليه واحد من معالم الرياض..يعني بحكم موقعه فعنده مؤهلات انه يكون مَعلَم..وزاره الثقافه لو نرفع لهم طلب بانشاء متحف في القسم الي فيه الطراز المحلي..بتزداد معدلات الزياره للمشروع..ومثلاً نخليه معلم سياحي ونقدم بطلب لوزاره السياحه بانهم يسوقون لمشروعنا..ما اظن ان في افضل من دعم المنظمات الحكوميه لنا على الصعيد المحلي والعالمي
مداد عقدت حواجبها:ما تحس انها خطوه كبيره؟..ما اظن هذا من اختصاصنا
هز عبدالمجيد راسه:طبعاً مو اختصاصنا بس اختصاصنا اننا نهتم بتلبيه احتياجات افراد مجتمعنا..كبار السن رح يزورونا بسبب المتحف الي يشوفون فيه ذكريات اجيالهم وما قبلها..طيب كيف بنجيب الاثار؟..لازم نتعاون مع طرف خارجي عشان يوفر لنا هالاحتياج..اختصاصنا تصميم الي يدخل من ضمنه التصميم الداخلي لما داخل هالمشروع
مداد سندت ظهرها عالكرسي وبتساؤل:شفت الموقع انت؟
هز راسه:اي
ابتسمت وبتساؤل:وش رايك نغير وجهتنا له؟..لاني الصراحه ماشفته وماعندي فكره تقريبيه لشكله
أيد فكرتها وهو يبادلها الابتسامه:تمام ماعندي مشكله ومنها ننقل بعض افكار لارض الواقع
هزت راسها وهو قال:بس جلسنا عندهم وما اخذنا منهم شي..ذوقاً بروح اطلب منهم شي..وش تفضلين؟
مداد بهدوء:قهوه سوداء ولا عليك امر
هز راسه وهو يوقف ويتوجه لجهه الطلب
لملمت اوراقها ولفت وهي تراقبه وهو يطلب وما ان جا وقت الدفع قربت له ومدت بطاقتها بسرعه عالجهاز وهي تدفع
لف عليها وملامح الصدمه واضحه عليه
ابتسمت للكاشير الي مد لها الفاتوره وقالت:شكراً
لفت على عبدالمجيد وبابتسامه:قهوه تمني الشفا العاجل
ضحك على فعلتها وقال:اكرمك الله
مداد بابتسامه:حياك الله
٤٢
ضحك على فعلتها وقال:اكرمك الله
مداد بابتسامه:حياك الله
ردت لطاولتهم وهو تقدم لها وهو يمد لها كوبها
اخذته منه وهو اخذ ملفه وخرجوا كل منهم بسيارته
————————
عند ثامر الي كان جالس بمنتصف مجلسهم ويستثير حده اعصابه امر امه وابوه المسلم به
نطق بحده:الحياه انا الي رح اعيشها وانا ما ابيها لي زوجه!..انا حتى كأخت ما احبها كيف تبوني اتقبلها كزوجه؟؟
ابوه بحده:تعصي تقاليد عائلتنا!!
ثامر بغضب:مو مجد اني انولدت بعائلتكم!..دام تفكيركم كذا بدعي عليكم بالعقم  عشان ما تكبر اجيال مقتنعه بفكر عقيم مثل فكركم..الله رازقكم ورزق غيركم حلالكم مارح يطلع للغير!
ابوه بغضب:الفلوس تعبنا عليها وجبناها عيشناكم عيشه ملوك والحين تبي تعبنا يروح لغيرنا..لو مت وورثوك عائله ثانيه؟..هذا سبب غير الالف الي غيرهم من ضمنهم عيالك الي بيكون اصلهم ثابت لعائله وحده
ضحك ثامر من شده رجاعه فكرهم وقال بحده:اهل بيت الرسول عشان يكون اصلنا ثابت؟اذا بتزوج بنت اخوك..عساني للموت قبل اوقع..عسا عمري اقصر من لحظه زواجي..وقتها بتورثوني انتم وانا ماتزرجت وتبعت افكاركم..ما ابيها وش الغير مفهوم فالموضوع؟..تختار ولدك يا يبه ولا تفكيركم الغبي ذا!
ابوه بحده:اختار عائله كنت انت احد ثمارها
ضحك ثامر بسخريه:بالله عليك؟..يعني انا كنت ثمره حب؟..انا جيت على هالحياه لان سنتها الزواج وزينتها المال والبنون..ما جيت لانك تحب امي ولا ان امي تحبك..انا ما ارضى اتزوج وحده ما استلطفها وبنت اخوك ومع كامل احترامي مافيه لها طريق يضمنا سوا..هي ابعد ما يكون عن قلبي
دق ابوه عالطاوله:علم يوصلك ويتعداك..بتتزوجها بتتزوجها
لف على امه الي كانت ساكته من بدأ النقاش وقال:انتي يا يمه تكفين اسمعيني..ترضين وحده تنظلم مثلك وتتزوج ولد عمها بغير رضاها؟
ابوه ارتفع صوته وهو يقول:احشم نفسك يا ثامر!!..امك شافت شر مني يوم انك تتهمني باني الظلم عليها؟
لف ثامر على ابوه وقال:لا يا يبه محشوم..انت وامي كلكم انظلمتوا..ما اتكلم عن اي احد شخصاً انا اتكلم بالعموم..شوف ودور بين عائلتك الي تتفاخر فيها وفي عراقه اصولها..دور لي شخص واحد سعيد راضي بحياته..محد راضي يا يبه..انا ابي ارضى..ابي الرضا الي ابخصتوا حقه ببدعه ابتدعتوها ارضاءًا لغرور كبار عائله توارث هالغرور جميع اجيالها..بالله عليك واسئلك بالله..لو عدد بنات هالعائله اقل من رجالها..بتحكمون على باقي الرجال العزوبيه عشان ما يروحون يتزوجون وحده من برا العائله؟ولا البنت بتتزوج وتتطلق وترجع تتزوج وتجيب من كل واحد طفل عشان نسلكم المبارك ما ينقطع!
٤٣
ابوه بحده:لا تناقش كثير يا ثامر..انا مارح انسلخ عن افكاري ارضاءًا لك..انا اشوف ان الخير لك في بنت عمك
بلع ثامر ريقه وقال:ولدك ولا افكارك؟
ابوه بحده:افكاري
ضحك ثامر وبسخريه:يالله عليك..ولدك انا صلبك..تتخلى عني عشان عائله ولدت فيها مُسير لا مُخير؟؟
ابوه بحده:انا ماتخليت عنك..انا اختار لك الخير الي عيونك منعميه عنه
ثامر ابتسم بسخريه:ربي حاط فكل واحد فينا عقل وفكر ومنطق..مو عشان غيره يجي يفكر عنه ويقرر عليه
وقف وبحده:اخواني كلهم طاعوا امركم وتزوجوا الي اخترتوهم انتم لهم..الي ما تزوجوا منهم مُسَلِمين بامر زواجهم من بنات عماني..لكن انا نذراً علي ان ما يجمعني عقد زواج فيه غير اسم الي ببالي
ابوه بسخريه:وش بتسوي يعني؟
ثامر بسخريه مماثله:ونذراً علي يا يبه..ان رجلي ما توطى بهالبيت دامكم مو راضين عن الي انا اخترتها والي انا ابيها
امه بذهول:تتخلى عننا عشان وحده يا ثامر!!
ثامر بحده:انا ماتخليت عنكم..انتم الي تخليتوا عني بعز ما انا محتاجكم عشان اصد فكر مؤذي لحقي
تخلى عن نبرته وهو يقول بحزن:استودعت الله قلبكم..لكن عقلكم مع شديد الاسف ما اثق فيه فالله لا يحفظ افكاره
كان بيخرج بس قال له ابوه بسخريه:وشلون بتعيش؟راتب وظيفتك البخس بيكفيك؟..بتتنازل عن حياه الغنى هذي والي يحلم بها مليون شخص؟..اعرفك انا يا ثامر..غرورك ما يرضيه غير فلوس والكثير من الفلوس
لف عليه وسحب بوكه من جيبه
فتحه وكان فيه بطاقتين بنك..الاولى ينزل فيها راتبه من وظيفته المتواضعه والثانيه اودع فيها ابوه ملايين من عقارات كانت باسم ثامر
سحب البطاقه الي فيها فلوس من ابوه ورماها عالطاوله قدامه وبحده:ماعرفت ولدك زين..ماعرفت كيف اقدر ابخس الدنيا وفلوس الدنيا عشان وحده انا ابيها زوجه لي وابيها ام لعيالي..خوال عيالي انا الي رح اختارهم ومارخ اسمح ان خوالهم يكونون عماني انا
خرج من هالبيت مطبق لنذره الي حلف باغلظ الايمان انه ما يضطر يكسره ويعمل بكفارته
ركب سيارته الي تقدر بمبلغ قادر انه يعيش عائله كامله بعز وحرك بغضب اكبر منه عازم على نيه كسر زواجه من بنت عمه قبل نيه زواجه من حنين
الي ما كان ثامر يعرفه انه حكم على نفسه بالوحده طول عمره من بعد هالليله..وبلحظه غضب انسلخ من كل راكز في حياته يركزها ويسانده
————————
عند مداد وعبدالمجيد
وصلوا للموقع وطبعاً كان للان قيد الهدم
اعطاهم المسؤول من الشركه عن اعمال الهدم خوذتين بيضاء والي يلبسها المهندسين والمشرفين
شال عبدالمجيد كابه ومسكه باطراف اصابع كفه اليمين الي ما يخدمه هالفتره كثير
لبس الخوذه ولف على مداد الي كانت تثبتها:يلا؟
مداد وهي تمشي بجنبه بس على مسافه:يلا
دخلوا للموقع وكان كل شخص فيهم يستخدم ملاحظته فقط بدون ما يجمعهم اي حديث مشترك
كان مشروع ضخم..ويشغل مساحه ضخمه وكان لأحد المستثمرين المعروفين بالسعوديه وضخامته ابداً مو غريبه على مثل استثمارات هالمستثمر
كانت وهي تمشي تستحضرها بعض الافكار
ابتسم وبهدوء:خل نسوي فهنا بالضبط مكتبه
لف عليها وباستغراب:هنا بالضبط؟
٤٤
دخلوا للموقع وكان كل شخص فيهم يستخدم ملاحظته فقط بدون ما يجمعهم اي حديث مشترك
كان مشروع ضخم..ويشغل مساحه ضخمه وكان لأحد المستثمرين المعروفين بالسعوديه وضخامته ابداً مو غريبه على مثل استثمارات هالمستثمر
كانت وهي تمشي تستحضرها بعض الافكار
ابتسم وبهدوء:خل نسوي فهنا بالضبط مكتبه
لف عليها وباستغراب:هنا بالضبط؟
هزت راسها وهو قال:مايجي..هنا يعتبر ممر فنستغله بالديكور المكتبه لازم تكون بمكان هادي
هزت راسها بالنفي:الديكور بيكون المكتبه..ونقدر نجبر الزوار يسكتون
ضحك وبتساؤل:بنقول لهم اسكتوا بتدخلون مكتبه؟
رفعت كتوفها وبهدوء:مدري..بس جدتي كانت تحب تقرأ فاحس كبار السن بيكونون قطعوا مسافه كبيره وصولاً لهنا فيجلسون شوي ويقرأون شوي ويكملون رحلتهم
حك حاجبه وما وده يناقضها بالافكار
لفت وابتسمت:عادي لو ما اعجبتك الفكره نخليه مثل ما قلت ديكور بس
هز راسه وبمجامله:لا عادي نخليها ضمن الافكار المقترحه ليش لا؟
ابتسمت وبهدوء:تمام؟
كملوا لحد ما غطوا كامل المكان وخرجوا
عبدالمجيد بهدوء:لازم هاليومين نطلع كل افكارنا عالورق
مداد وهي تأيده:اي ضروري..اصلاً قال لي المشرف ان الي لسى ما انهدم مارح ياخذ غير اسبوع
عبدالمجيد عقد حواجبه:كل هذا!..احس مانمشي على كلامه لان الواضح مشوار الهدم طويل
رفعت كتوفها:الصراحه حتى انا ما اقتنعت ان باسبوع بس رح يكون هالمكان ولا شي..بس هو فاهم بشغلته اكثر
لفت عليه وبهدوء:خل نحط لنا وقت تسليم ما نتعداه
هز راسه وبهدوء:انا اشوف ثلاث ايام تكفي..واليوم الرابع نسلمه
ضحكت وهي تقول:كنت رح اقول يومين
ابتسم وقال:مو مجبورين نركض..نزيد يوم نصير يومين نصمم اليوم الثالث نراجع التصميم ونكمل التفاصيل..اليوم الرابع نسلمه لمهند
مع الويكند يعني بتكون ثلاث ايام ويوصلنا رد مهند..يصير من الاحد الجاي نبدأ بالتصميم الداخلي
مداد بتأييد:وبرضوا في نفس الوقت رح يبدأ تنفيذ عمليه اعاده البناء على التصميم الي احنا صممناه..اتوقع اسبوع ونخلص من تصميم ما بداخل المشروع وبعدها عاد نبدأ نبحث عن خامات
هز راسه وبهدوء:تمام..بهالوقت انتي رح تهتمين بالاشياء الي داخل الشركه..انا رح اشوف موضوع وزاره الثقافه والسياحه..رح احاول بالويكند هذا ارتب اجتماع مع منسوبي الوزارتين واعرض لهم كيف التعاون معنا رح يخدم المجتمع قبل كل شي
هزت راسها:تمام
ضحك ولفت عليه باستغراب وهو قال:اخر عرض سويته وقتها كنت بالجامعه..اخخ الدنيا تركض
ابتسمت وبتساؤل:خريج اي دفعه؟
لف عليها وبهدوء:٢٠١٨
ضحكت وبذهول:دقيقه دقيقه..حتى انا
رفع حاجبه ووقف عن المشي وقال:مستحيل!..اي جامعه؟
مداد بضحكه:جامعه******
ضحك وهو مو مصدق:جامعتي!
مداد بذهول:تكذب صح؟..يعني انت نفس تخصصي نفس جامعتي ونفس دفعتي!
رفع كتفه الايسر:شايفه الصدف كيف!
٤٥
مداد بذهول:تكذب صح؟..يعني انت نفس تخصصي نفس جامعتي ونفس دفعتي!
رفع كتفه الايسر:شايفه الصدف كيف!
ضحكوا وهم يكملون مشي لسيارتهم وهم مو مصدقين انهم بنفس العمر
توجه كل منهم لسيارته وقالت له مداد:يلا الله يقويك
عبدالمجيد بابتسامه:اجمعين يارب
ركب كل منهم وحركوا متوجهين لبيوتهم
———
عند عبدالمجيد الي وصل لبيته
وقف سيارته داخل البيت ونزل وهو يدخل
لفته ضوء قادم من المطبخ واستغرب كونها ليله دوامات ان في احد صاحي لهالحزه
تقدم للمطبخ وكان وليد موجود
رفع حاجبه باستغراب:شتسوي انت هنا؟
وليد وهو يشير على الجزء الي مايشوفه عبدالمجيد من المطبخ:خاله حنين تسوي لي اكل
عقد حواجبه وهو يدخل للمطبخ
كانت حنين معطيتهم ظهرها وهي تجهز لوليد ساندوتش ياكله
تقدم لها وبهدوء:حنين؟
حنين تداركت حزنها لفت عليه وقالت بنبره بُحت من شده البكاء:هلا؟
عبدالمجيد بتساؤل:مو عندك دوام بكرا ليش صاحيه للحين؟
صدت مره ثانيه وهي تشغل نفسها:رح انام بعد ما ياكل وليد
هز راسه وهو ملاحظ صدودها لكنه تقبله لمعرفته المسبقه بشيء غريب يحصل معها
لف على وليد وتقدم له
انحنى لحد ما صار بمستواه وهمس له بصوت ما تسمعهم فيه حنين:امي مستحيل تنومك جوعان..وش سر هالجوع المفاجئ؟
وليد هز راسه بالنفي وبهمس مماثل لهمس عبدالمجيد:ماما نامت..وش اسوي اشرب حليب عبدالعزيز؟
ضحك ورفع حاجبه من مرادد وليد له وهمس:شوف لا تخرب الي بيننا..فيه سالفه وراك
ضرب جبينه بخفه وهمس:ورا هالراس مصايب..انطق
ابتسم وليد وقرب له وبهمس:خاله امجاد قالت بتعطيني عشره ريال مصروف بكرا عشان اقول لحنين تنزل تسوي لي اكل واقول لها ان ماما نايمه ومافيه احد صاحي
رفع عبدالمجيد حاجبه وبتساؤل:وابوك مايعطيك مصروف؟
سكت وليد وهو يقلب بانظاره لكل شي عدا عيون عبدالمجيد الي قال بحزم:يوسف مستحيل ينسى مصروفك يوم لا تكذب يا وليد!
وليد تأفف وهو يتكتف:يعطيني بس وش فيها لو اخذت مصروف زياده من امجاد واحطه بحصالتي!
عبدالمجيد بحده:كلامي معك بعدين..خل اروح اشوف وش بتهبب هالامجاد!
صعد بعجل لفوق وتقدم لغرفه حنين من توقع افعال امجاد
٤٦
دخل وضرب الباب بقوه كافيه لافزاع امجاد الي كان جوال حنين بيدها
فزت امجاد وقفلت جوال حنين بسرعه ورمته عالسرير ولفت
ازفرت براحه من شافت انه عبدالمجيد وقالت بغضب:خوفتني!
عبدالمجيد تقدم لها وبحده:قلت لك اعرفي!..ماقلت تجسسي عليها!
امجاد ارتبكت من قرب لها وهي تغطي جوال حنين عشان ما ياخذه ويعرف ايش فيها
لاحظ حركه امجاد وقال بحده:تحركي لغرفتك الحين حنين بتجي
اخذتها حجه وهي تهرب منه وخرجت مسرعه
لحقها عبدالمجيد الي ما سمح لها تقفل غرفتها من دخل وقال:جبت لك فلوسك
امجاد بربكه:معد ابيها..خلاص مابي اشتغل لك
رفع حاجبه وبحده:الحين مشقيه وليد المسكين وعلمتيه حركاتك الشينه عشان تجين الحين تقولين لي ماتبين؟
طلع من جيب ثوبه الألف وحطها على تسريحتها وبهدوء:هذي فلوسك
سحبتها ومدتها له:عبدالمجيد ما ابي!..ما ابي اعرف وش فيها حنين
رفع حاجبه وبشك:وش شفتي بجوالها؟
امجاد بربكه ونبره تهجم:ولا شي!
عبدالمجيد بهدوء:عرفتي شي وخايفه تقولينه
امجاد تأففت وهي تبعد وتصد عنه:وش بعرف مثلاً؟..مزوره شهادتها يعني؟
عبدالمجيد:عرفتي شي وتتهربين..قلت لك بعطيك عشر الالف يا امجاد لو قلتي لي!
امجاد بحده:وانا قلت مابي لا ألفك ولا العشره
رفعت حاجبه وهي تعرف ان عبدالمجيد مستحيل يسويها:روح افتح جوالها واكتشفت الشي الي تقول اكتشفته
بلل شفايفه وقال:زين يا امجاد..هالشي الي عرفتيه كايد..بس اعرفي اني ابي اعرف وش فيها عشان اساعدها..مهما كنت هالشي ما يعطيني صلاحيه محاسبه حنين..بقول لك الحين تمام ماعرفتي شي وانا واهم..بس لا تظنين اني غفلت عن عيونك الي كانت تحكي صدمتك من شي شفتيه بجوالها..انا رح اعرف وش بهالجوال بس بدون ما اقرب منه واتجسس مثلك عليه
خرجت وازفرت امجاد براحه
جلست عالسرير وهي تستوعب الي شافته..محادثه حنين مع واحد اسمه ثامر!..كيف حنين سوت كذا!..كيف خانت ثقه اهلها فيها!..كيف غامرت بعلاقه ماترضي الله!..كيف حنين اختها الي تشوفها قدوتها بتفوقها ونجاحاتها وقوة ايمانها تصير كذا!
مسحت على وجهها بذهول وندمت عالساعه الي وافقت على الي يبيه مجيد وندمت اكثر عالساعه الي جتها فكره البحث في جوالها
————————