ឡានទំនើបបរទៅចតយឺតៗនៅខាងមុខក្លឹបកំសាន្តមួយកន្លែង រាងស្រឡូនឈានជើងចុះពីឡាន បង្អួតសម្រស់ដល់គេឯង នាងបោះសោរឡានទៅបុរសដែលឈរធ្វើមុខស្លើមើលនាង រួចបោះជំហានចូលទៅខាងក្នុងដោយកាយវិការទាក់ទាញ។ ភ្នែករាប់សិបគូរបាញ់មករកវត្តមានស្រីស្រស់ក្នុងរ៉ូបខ្មៅបញ្ចេញស្បែកសខ្ចីដល់គល់ភ្លៅ បូករួមនឹងដំណើរដ៏ជឿជាក់ និងស្នាមញញឹមមានស្នេហ៍របស់នាង ធ្វើអោយប្រុសៗងាកមើលមកនាងសឹងបាក់ក.។ មេយ៍ ដើរកាត់ហ្វូងមនុស្សជាច្រើនទៅរកកន្លែងស្រួលអង្គុយ តែមិនមែនជារឿងងាយព្រោះនាងត្រូវស្វាគមន៍ជាមួយនឹងខ្សែភ្នែករាប់សិបគូរសម្លឹងមកនិងនិយាយរាក់ទាក់ដាក់នាងពីមួយទៅមួយ។
«សួស្តី ស្រីស្អាត! ចាប់អារម្មណ៍ទៅអង្គុយតុជាមួយខ្ញុំទេ?» ប្រុសមុខមាត់ស្អាតបាតម្នាក់កាន់ស្រាមួយកែវក្នុងដៃដោយប្រើពាក្យលេបខាយចាស់គំរឹលមកកាន់នាង។
«ខ្ញុំមករកប្តីខ្ញុំទីនេះ! លោកមានឃើញគេទេ?» ស្រីស្រស់ផ្អៀងក.ធ្វើមុខមិនដឹងអី ព្រមទាំងមិនភ្លេចបង្ហាញរូបមនុស្សប្រុសក្នុងទូរស័ព្ទទៅគេ។
«មិ...មិនឃើញទេ...» ទឹកមុខស្លន់ស្លោររបស់គេធ្វើអោយស្រីស្អាតញញឹមក្នុងចិត្ត រួចញាក់ស្មាដើរឆាសរាងខ្ពស់ទៅរកកន្លែងទំនេរសម្រាប់អង្គុយ។
«អ្នកនាងត្រូវការអីដែរ?» បុគ្គលិកចូលមកសួរនាំនាងភ្លាមតាមតួនាទី។
«ណេះ!» មេយ៍ មិនឆ្លើយតែហុចកាតទៅបុគ្គលិក។
«បាទ?» បុគ្គលិកប្រុសធ្វើមុខឆ្លេរឆ្លារព្រោះមិនយល់ពីអត្ថន័យពីភ្ញៀវ ទើបទីទើរមិនហ៊ានទទួលកាតពីនាង។
«ខ្ញុំនឹងចេញលុយទាំងអស់សម្រាប់គ្រប់គ្នានៅទីនេះ!» មេយ៍ លើកដៃច្រត់ចង្ការហើយញញឹមស្រស់យ៉ាងសមចិត្តពេលឃើញមុខភ្ញាក់ផ្អើលរបស់គេ។
«អរ៎...បាទ???» គេងក់ក្បាលយល់ តែមិនយូរក៏បើកភ្នែកធំៗសម្លឹងនារីចំពោះមុខទាំងមីងមាំង។
«ខ្ញុំនឹងប៉ាវគ្រប់គ្នានៅទីនេះ អូខេ? បើយល់ហើយក៏យកកាតនេះទៅ ហើយយកទឹកអោយខ្ញុំមួយកែវផង»
YOU ARE READING
វង្វេងស្នេហ៍ម៉ាហ្វៀកំណាច
Romanceម៉េយ៍យ៉ា, កូនស្រីបណ្តូលចិត្តរបស់ប្រធានាធិបតេយ្យនៃប្រទេសអ៊ីតាលី ត្រូវបានឪពុកចាប់អោយរៀបការ តែស្រីក្រមុំបដិសេធដាច់អហង្ការ ទើបលើកនេះនាងសម្រេចចិត្តរត់គេចមករុស្សីលាក់ខ្លួនមួយរយៈ តែពេលមកដល់ទីនេះត្រូវប្រុសមិនស្គាល់មុខចាប់យកទៅឃុំទុក នឹងបង្ខំអោយនាងពពោះកូនរបស់...
