(Complete)အေးစက်တဲ့မြွေဘုရင်ကြီးကိုလက်ထပ်ဖို့ တွန်းအားပေးခံရတယ် (Bl)

အပိုင်း (7.1)

(7.1)

ငွေရောင်မြွေငယ်လေး! ?

စုယွမ် က နေရာမှာတင် အေးခဲ သွားလေတယ်။ ဒါက သူ့အိမ်မက်ထဲက ငွေရောင် မြွေငယ်လေး မဟုတ်ဘူး လား။

ဒါဆိုရင် ထိုအဖြစ်အပျက်က အိမ်မက်လား ဒါမှမဟုတ် တကယ်ဖြစ်ခဲ့တာလား?

ထိုမေးခွန်းတွေက စုယွမ်ရဲ့ ဉာဏ်ရည်လေး နဲ့ ဖြေရှင်းဖို့ရာ အတွက် အရမ်းကို နက်နဲလွန်းနေ ခဲ့တယ်လေ။

မြွေဘုရင် ဟဲလျန်ချန်း ကတော့ စုယွမ်ရဲ့ အမျိုးမျိုး ဖြတ်ပြေးသွားတဲ့ ခံစားချက် တွေကို ဖမ်းမိခဲ့တာကြောင့် သူက အရမ်းကို ပြင်းပြ စွာ ခံစားလိုက်ရတယ်။

တုန်လှုပ်ခြင်း ၊ စိတ်ရှုပ် ထွေးခြင်းနဲ့ အနည်းငယ် ဆုံးရှုံးမှု ။

ဘာကြောင့် သူက တုန်လှုပ်ရတာလဲ?

သူက ဘာအတွက်ကြောင့် အံ့သြ သွားတာလဲ?

ပြီးတော့ ဘာလို့ တစ်ခုခု ကို ဆုံးရှုံးဟန် ပြနေရတာလဲ?

သူက စုချင်းရှု အပေါ်မှာ ဘာ ထင်မြင်ချက်မှ အရင်က မရှိခဲ့ပေ။ သူက သူမကို မြင်တဲ့ အချိန်မှာ ဒါက စုမိသားစုရဲ့ ပါရမီရှင် မိန်းကလေးလို့ ပြောနေတာကို ကြားခဲ့ ရတယ်။ ဒါကြောင့် မလို့ သူက သူ့ရဲ့ ငွေရောင်မြွေ ကလန်ထဲကို ဝင်ပြီးတော့ လက်အောက်ငယ်သား အဖြစ် အမှုတော် ထမ်းချင်လားလို့ သာမန်ကာလျှံကာ မေးခဲ့မိတယ်။

ဒီတစ်ချိန်မှာတော့ စုယွမ်ရဲ့ အမူအရာပေါင်းစုံ ဖြတ်ပြေး သွားတာကြောင့် ဟဲလျန်ချန်း က စိတ်ဝင်စား သွားလေတယ်။ ပြီးတော့ သူ့ရှေ့က အမျိုးသမီး ကို သေချာလေး ကြည့်နေခဲ့တယ်။

အနက်ရောင် ရေတံခွန်လို ကျဆင်းနေတဲ့ ဆံပင်တွေရယ်၊ ဖီးနစ်ငှက်လို သွယ်လျတဲ့ မျက်လုံးတွေရယ်၊ မိုးမခ လို ကွေးညွတ်နေတဲ့ မျက်ခုံးတွေ၊ နီရဲရွန်းစို နေတဲ့ နှုတ်ခမ်း ၊ လနတ်ဘုရားမလို လှပတဲ့ ရုပ်သွင်နဲ့ သွယ်လျတဲ့ ကိုယ် ရှိလေတယ်။

သူမက အမှန်တကယ်ကို ကမ္ဘာပေါ်က အလှလေး ဖြစ်တာကြောင့် အလှဆုံးဆိုတဲ့ အမျိုးသမီး ဘွဲ့ကို ရတာက ထိုက်တန်ပါတယ် ။