အသူရာစံအိမ်

ဇာတ်ကောင်မိတ်ဆက် (လက်ရှိခေတ်)

အစပိုင်းတုန်းက ပြောခဲ့သလိုပါပဲ။ ဒီဇာတ်လမ်းက ရှေ့ခေတ် နောက်ခေတ်တွဲရေးထားတာမျိုးမို့လို့ ဇာတ်ကောင်တွေအများကြီး ဟိုလူ့ကိုဒီလူကကျိတ် ဒီလူ့ကိုဟိုလူကဆော်နဲ့ စပရှယ်ပတ်ရှုပ်ကြမဲ့ ဇာတ်လမ်းမျိုးပါ။ (နဲနဲ ကိုရီးယားကားဆန်တာပေါ့လေ 🤣) အဲ အဲ့လိုဆိုတော့ ဖတ်ရင်းနဲ့မေ့သွားရင် လူတွေမရောသွားရအောင် အရေးကြီးတဲ့ပုဂ္ဂိုလ်တွေနဲ့ သူတို့ရဲ့အချက်အလက်အချို့ကို မိတ်ဆက်သဘောမျိုးလေး ရေး‌ထားပေးပါ့မယ်နော်။ ဇာတ်ကောင်တွေနဲ့ပတ်သက်လို့ သိချင်တာရှိရင်လဲ မေးသွားလို့ရပါတယ်နော်။ (spoiler excluded!)

နံပါတ်မှာ ၁ - ကျွန်မတို့ရဲ့ VVIP Character ကတော့ Mr. Johnathan /ဂျွန်နသန် ပဲဖြစ်ပါတယ်။ သူက အမေရိကန်-ဘားမား ကပြားလူမျိုးဖြစ်ပြီး လက်ရှိအသက် ၃၁နှစ်ဖြစ်ပါတယ်။ ရုပ်ရည်သွင်ပြင်အရာမှာ‌ ဇာတ်လိုက်ဆိုတော့ ချောချက်ကတော့ကမ်းကုန်။ ဉစ္စာပေါရုပ်ချောလေး။ အရပ်၆ပေကျော်ရှည်ပြီး ဗလတောင့်တောင့်လေးပေါ့လေ။ လက်ရှိခေတ် တော်ဝင်စံအိမ်ရဲ့ပိုင်ရှင်ဖြစ်ပြီး စီးပွားရေးလောကမှာ အောင်မြင်တဲ့လူငယ်လုပ်ငန်းရှင်တစ်ဦးဆိုပါတော့။
အသေးစိတ်ကို နောက်အပိုင်းတွေထဲမှာ ဖြည်းဖြည်းချင်း‌ထည့်ရေးပေးသွားမှာမို့ ခုတော့ ဒီလောက်ပါပဲနော်။

နံပါတ် ၂ - လင်းခန့်။ အသက်၃၁နှစ်ပါ။ သူက ဂျွန်နသန်ရဲ့ ကျောင်းနေဖက်သူငယ်ချင်းဖြစ်ခဲ့ပြီး အခုအချိန်ထိ ဂျွန်နသန်လိုအပ်သမျှကို ကူညီပေးတဲ့သူပါ။ ကိုယ်ပိုင်လုပ်ငန်းအသေးစားတစ်ခုရှိပြီး စံရတီဆိုတဲ့ မိန်းကလေးနဲ့ ငါးနှစ်တာချစ်သူသက်တမ်းကို အောင်အောင်မြင်မြင် ပိုင်ဆိုင်ထားသူဖြစ်ပါတယ်။ (အားကျစရာကြီးနော် 🥲)

နံပါတ်မှာ ၃ - သူကတော့ မျက်မှန်အနက်လေးနဲ့ အေးတိအေးစက်ဆရာကြီး Mr. Smith ဖြစ်ပါတယ်။ အသက်ကတော့ ၂၉နှစ်ပါ။ ဂျွန်နသန်ရဲ့ အတွင်းရေးမှူးဖြစ်ပြီး သူလည်းပဲ လက်ရှိ တော်ဝင်စံအိမ်ကြီးမှာ နေထိုင်ပါတယ်။ သူက ဂျွန်နသန်လိုပဲ အမေရိကန်-ဘားမား ကပြားလူမျိုးဖြစ်ပြီး အချောလေးတစ်ဦးဖြစ်ပါတယ်။ (အလုပ်ကလွဲဘာမှမသိ ရေမရောတဲ့ single စစ်စစ်လေးဖြစ်ပါတယ် 👀)