ابرار : يلا انت روح جيب السياره وانا بجيب الاغراض مع اوس
فهد : اصلا ذا شغلي
اوس : فهد جيب المفتاح انا اجيب السياره وانت مع ابرار
فهد : دام مع ابرار عادي يلا روح جيب
اوس راح يجيب السياره
فهد : ابرار ترا والله حاس فيك ادري الكلام اثر فيك لكن ماتخطيتي ترا واضح من تعابير وجهك
ابرار : فهد قفل الموضوع خلاص
فهد : طيب يلا تعالي خذي ذا وانا بشيل الفرشه
ابرار : ابشر
اوس وهو يدق البوري : يلا اخلصوا علي
ابرار : يلا والله متحمسه
فهد : طيب نروح البر عشان ماتجيبين العيد
وصلوا البر وابرار قامت وجلست قدام وفهد بالطرف الايمن اوس يوثق ويصور
فهد : شوفي ذا القير وفيه حروف D تمشين قدام و R ورا و P توقفين و N نفس الشي وذا الطويل بنزين والقصير فرمل يلا سوقي شوي شوي
ابرار وهي تسوق وحطت R ماانتبهت واخذت ريوس
فهد : غبيه ماتفهمين انتي اقلك R ريوس
ابرار : استر على ماواجهت
فهد : تخربين السياره يويلك يلا انا بحرك القير وانتي ادعسي بنزين
ابرار : يلا طيب شيل يدك انا بتعلم
ابرار وهي تمشي بسرعه
فهد : ياتيس بشويش انتي اليوم ناويه تموتيني يلا ادعسي بنزين وشيلي رجولك ولا تمشين بسرعه ترا بكنسل كل شي
بعد محاولات ابرار عرفت تسوق بهدوء وصرخت بصوت عالي
فهد وهو يضرب راسها بخفيف : لاتصارخين وطي صوتك
ابرار بغيض : فهد مافي احد هنا شرايكم اوصلكم البيت
فهد : يلا طيب بس بشويش
ابرار : ابشر
وهي تسوق بشويش اوس يطقطق عليها عشان تمشي بطيئ
ابرار : اوس اسكت خلاص
اوس : خلاص انا بنام علئ ماتوصلين
ابرار : اهجد بس
وصلوا البيت ونزلت الاغراض وجات بتقوم اوس وشافت فهد يوقف ويروح غرفه
ابرار بصراخ : اوس ياتيس قوم
اوس : لاتسبين شوي بنام
ابرار : اوس قوم ترا رجعنا البيت
اوس وهوا مابيقوم ابرار راحت تجيب مويه وكبته علئ اوس ولحقها بسرعه وهي تجري وراحت ورا فهد
فهد : ياليل يابزران
اوس : فهد ابعد
فهد : ببعد اصلا
ابرار : خذلتني
اوس : محد بيفكك مني وتحملي مايأتيك وقفل الباب وخرج وقام يصب مويه في سطل باللون الابيض واخذته كامل وفتح الباب بالمفتاح دخل الغرفه وقفل الباب وكب المويه علئ ابرار وهي كانت تهوجس وتطالع في الشباك
اوس : قلت لك تحملي
ابرار : والله يويلك مني بس اصبر علي
توجهت للحمام الله يكرم القارئ واخذت شاور عالسريع وخرجت لبست بنطلون باللون الاسود وتيشرت ابيض وراحت عند فهد
ابرار : ترضاها علئ اختك اخوك يكب علي سطل مويه
فهد : خلاص ابرار روحي نامي ماتتعبين انتي
ابرار : اكلم ابوي بكرا
توجهت تنام
________
عند عقاب
عقاب : كان ماجيت احسن
ذياب : توك داق علي
عقاب : طيب اقبضوا عليه واحنا بنودي رند المغسله
ذياب : طيب
ذياب وهو ماسك يد تركي بعنف وبهمس بأذنه : مااهتميت ايش بيصير لك ترا قصاص
تركي : اهم شي قتلتها هاللي ماتستحي
ذياب : نشوف الموضوع هناك
تركي : سويتها ياعقاب
عقاب : قلت لك بتندم
عقاب اخذ رند في سيارة نقل الموتئ وغفران تبكي بهدوء
عقاب : وراكِ ماتهجدين خلاص سدي حلقك
بدأوا بغسيل رند و غفران فتحت الجوال وشافت المكتوب
غفران بينها وبين نفسها : بسويها عشانك، الله يرحمك
عقاب دق علئ غفران : يلا اخرجي عشان نروح نصلي عليها الفجر
غفران : طيب طيب
عقاب : غطي يدينك هنا في رجال
خرجت برا بسرعه وهي تركب السياره
غفران : وين بنروح
عقاب : بنروح فالمسجد نصلي عليها واروح ادفنها وارجع لك
غفران بهدوء : طيب
عقاب : شفيك ماتبكين؟
غفران : شكلك تنتضرني اضعف
عقاب بحده : خلاص اهجدي
______
عند صقر
صقر بصوت عالي : انت فهمت السالفه اصلا؟
علي الي هو العسكري : ترا واضح من وجهك كل شي واسكت خلاص
صقر : محد جا يزورني؟
علي :للأسف طلعت منبوذ
صقر بحده : والله اوريك بس اخرج وتشوفني وش بسوي فيك
ذياب دخل وسط نقاشهم : خير ايش الصراخ ذا وخلاص فك صقر عشان يخرج
علي : صاحي انت؟
ذياب : فكه وانت ساكت ولاكلمه
علي : ابشر طال عمرك
صقر : يويلك مني صدقني مابتنام وانت مرتاح
علي : اص ولا كلمه
صقر بأستهزاء : ذيااااااااا
علي : خلاص خلاص
صقر بضحكه : طلعت تخاف منه
علي : لا لا
دخل تركي وجا مكان صقر
علي بهمس بأذن ذياب : وش سالفته ذا؟
ذياب : الاخ قاتل اخته
علي بشهقه : وشو ذا ليه يسوي كذا؟
ذياب بأستهزاء وهو يناضر في تركي : يقول الاخ عشان شرفها
علي : ان لله وان اليه راجعون
______
عند ولاء
هيام : ها كيف الاكل
ولاء : ذوقك خورافي
هيام : انا هيام بنت مصلح
ولاء : والنعم
هيام : ماعليك زود
ولاء : شرايك نفرفر بالسياره وناخذ لنا قهوه ونروح مكان هادئ
هيام : والله الود ودي يلا قومي وانا بدفع الحساب
