___عند عقاب___
توجه ل فهد وهو يسلم عليه : السلام عليكم ورحمة الله وبركاته
فهد رد السلام عليه : شرايك نكشت
عقاب هز راسه بالنفي : والله اني كارهه البر بعد سالفة صديقة غفران
فهد : ياشيخ عادي قضاء الله وقدره
عقاب : وماودي اترك غفران هنا تعبانه
فهد عقد حواجبه : انت تصرفني
عقاب : افا لا والله بس ماودي
فهد : يلا عادي اجل نأجله عادي ايوا يالعريس شصار علئ العروسه تبعك يالخفيف
عقاب يناظره بطرق عينه ويبتسم : اعقب
فهد : امزح
عقاب : والله مدري الرد عندكم انتوا انا شدخلني وبعدين اشفيك قلبت لبناني
فهد ضحك بصوته : ياخي قم خلنا نروح مكان
عقاب : يلا قم
فهد توجه للسياره مع عقاب
عقاب اخذ الجوال وشغل شيله تعجبه وجدا
فهد : طلع العرق
عقاب : يالكذاب تراك ماتسمع الا شيلات ماتغيرت الا عشان اختك
فهد : اعقب
____عند بطلتنا ___
وهي ترسل في قروب البنات
بنات ترا جهزت اغراضي ودخلت الشنطة فالسيارة انتظركم تخلصون والي خلصت تكتب امرها
ربئ : انا خلصت
ابرار : تمام شوي واجيك
ندئ : حتئ انا خلصت
ابرار : تمام باخذ ندئ وبعدها ربئ لان ندئ الأقرب ومها ايش صار عليها؟
مها : بنات عبيت ربع الاغراض بس احسب بنمشي بكرا علئ حسب كلامنا
ابرار وهي تسجل لها فويس : مهاا يازق انتي اكثر وحده تدرين اذا قلنا بكرا نقصد اليوم نفسه واذا قلنا بعد يومين يعني بعد يوم
مها : ياخي راح عن بالي اجل علئ بال ماتجون انا بدخل نصه واذا وصلتوا وانا ماخلصت تجوا تساعدوني
ابرار وهي تاخذ المفتاح وتسجل فويس وهي تدخل السياره : اجل كذا بسوق عالراحه لين تخلصين
مها : اقول بس تعالي برق تساعديني
ابرار : شغالتك انا
مها : ابرار تكفين
ابرار : طيب طيب خلاص
وصلت بيت ندئ وخرجت تسلم علئ عمها وعمتها
ابرار : كيف الحال ان شاء الله انكم بخير
ام فيصل : حمدالله كلنا بخير يلا روحي استمتعي بوقتك
ابو فيصل قام وحضن ابرار بحنيه
ابرار : يا حياتي ياعمي
ندئ : بغار يا بابا
ابو فيصل بحنيه : تعالي تعالي
ابرار : اجل بنتظرك فالسياره ودعي اهلك وتعالي
ابرار توجهت للسياره وهي تفكر لو كانت معاهم ولاء بتكون السفره احلئ قطعت تفكيرها ندئ وهي تفتح الباب الي بيمينها
ندئ : ياشيخه هاتي جوالك بشغل شي
ابرار مدت الجوال ل ندئ : تفضلي واكتب ل ربئ تخرج عند الباب ناخذها ونروح طيران عند مها
ندئ : غريبه ماسألتي عن فيصل
ابرار باستغراب : ليه
ندئ : سافر مكه
ابرار صدت وهي مبتسمه من ذكراه : يوصل بالسلامه ان شاء الله
ندئ وهي تشغل محمد عبده وتطالع بالامام
ابرار وصلت ل ربئ وقامت توجهت للخلف ترتب الشنط بشكل مرتب عشان الاغراض تكفي
وربئ دخلت بالخلف وتحديدا خلف ندئ
ابرار حركت السياره عند مها وشافتها خالصه تنتظرها برا وشافت الين معاها
مها : نوصلها عند امها
ابرار : ناخذها معانا؟
مها : لا تكفين بتصدع لي راسي
ابرار : تمام ارسلي لي لوكيشن بيت اختك
مها وهي ترسل لها : ارسلت لك
ابرار وهي تخرج عشان تحط الشنطه بشكل مرتب
ودخلت السياره وشافت مها وندئ يتهاوشون علئ جوال ابرار عشان يشغلون اغاني
ابرار : اقول انتي وياها الي بتاخذ جوالي تعطيني جوالها عشان افتح اللوكيشن
اثنينهم تركوا جوال ابرار وربئ اخذته واخذت جوالها تعطيه ابرار
ابرار بنغزه : اعترفوا وش تخبون عليا
مها : شدعوه بس خصوصيه
ابرار : اي صح خصوصيه اسمعي ربئ ارسلي اللوكيشن ل جوالك وخذي انتي جوالي
ربئ هزت راسها وقامت ارسلت لها وجلست ابرار بأعتدال تربط حزام الامان قامت شغلت اغنية رامي صبري وكل وحده قاعده تصور نفسها الا ابرار كانت تسوق بهدوء وحطت القير علئ ال P عشان تنزل الين
ابرار : مها يلا نزليها وتعالي
مها : ياليل تكفين تكفين انتي انزلي
ابرار : مها انزلي ياخي عشان تركبين ونحرك علئ طول
مها توحهت للباب ودقته شافت نجد كاشخه
مها بغمزه : اف اف ايش هالكشخه
نجد : ليه جيتي
مها : والله يا اختي العزيزه بنسافر بنروح ينبع نقعد اسبوع ثم نرجع
نجد : بحفظ الله انتبهي لنفسك
توجهت مها للسياره وابرار حركت وقاعدين علئ نفس الحال يتصورون وربئ قفلت الاغاني ونامت ومها وندئ كانوا نايمين الا ابرار وقفت السياره تاخذ الجوال من عند ربئ وشغلت قران بصوت "عبدالرحمن مسعد" ومشت بالخط بهدوء وهي تشرب من قهوتها عشان لاتنعس
مرت خمس ساعات ووقفت عند محطه
ابرار بصوت شبه عالي : بنات قوموا روحوا الحمامات "يكرم القارئ" انا بعبي بنزين واشتري لنا شي من البقاله
ندئ : ياليل ابرار محد بيروح
ابرار بحده : اقول قوموا بسرعه ماني موقفتكم مرا ثانيه نزلوا كلهم وابرار راحت تعبي بنزين وتاخذ سناكات من البقاله وحطتها فالسياره وراحت للبنات شافتهم يغسلون يدهم
ابرار بمزح : يلا بنات بشتري لكم قهوه عشان ماتنامون قاعده لوحدي فالخط محد مونسني خيانه ذي
مها بنعس : ياشيخه انقلعي نعسانه مانمت زين
ابرار : تمام يلا انتظركم انا
توحهت للسياره ومشوا وراها البنات وكانت مروقه بدون سببب
ربئ : كم باقي لنا؟
ابرار : لو قلت لك حتنصدمي
ربئ : كم
ابرار : عشر ساعات و 36 دقيقه بالضبط
ربئ : يلهوي
مها : يخراشي
ابرار : بدور مكان لنا هنا نرتاح لان مابقدر اسوق الوقت ذا كله
مها : تمام
رجعوا كلهم ناموا الا هي وشغلت قران بصوت "عبدالرحمن مسعد" وتسمع صوته تحس براحه وتمشي والطريق الي كان شبه مظلم وقت المغرب
وقفت السياره وتكلمت : بنات قوموا وصلنا الشقه
ندئ فتحت عينها : كم ساعه واحنا فالسياره
ابرار : والله من المحطه ل هنا ساعتين واخذت لنا شقه نرقد فيها وبعدها الصباح نعين من الله خير
ندئ : لو رحنا بالطياره احسن
ابرار : مها راعية الفكره وانا الي ماكلتها
مها : سواقتنا الجديده
رمت عليها علبة المويه وخرجت تنزل الشنط لهم وكل وحده تدخل بشنطتها
ابوار وهي تنط عالسرير : انا اول وحده انام كل وحده تدور لها مكان تنام فيه انا فالسياره صار لي سبعة ساعات اسوق يبيلي جلسة مساج بس يلا اذا ردينا الشرقيه
ربئ : اقول قومي رتبي معانا
ابرار وهي تشغل المكيف وترقد : معليش والله تعبانه ولازم كمان اصحئ الصباح اسوق فيكم 8 ساعات
ندئ : خلاص طيب ارتاحي باي
____عند ولاء ____
ولاء وهي تشوف البحر : صقر
صقر : وش
ولاء : بكرا لازم اروح المستشفى بدري ومابرجع الا متأخر
صقر : ليه؟
ولاء : والله طال عمرك عندي عملية ل وحده ولازم نبدأ بدري بنطول فالعمليه
صقر : خلاص فكيني من الدوام، الا بسالك
ولاء حركت راسها بمعنئ : ايش
صقر : صراحه معليش يا ولاء لكن شفت الكتابات الي بالدفتر
ولاء غطت وجهها : مافي خصوصيه يعني
صقر بجدية : ولاء تدرين اني عندك ليه ما تفضفضين لي وتسولفين معايا
ولاء هزت راسها بنفسي : انت كنت كل شوي مع اصحابك ماتجيني الا اليل فاضيه انا افضفض فاليل
صقر هزت راسه بأيجاب : يصير خير
صقر ووقف : قومي يلا نرجع البيت
ولاء : مسرع؟
صقر حك راسه : تقولين عندك دوام ومنها انزلك واروح عند اخوياي والوقت تأخر دحين
ولاء : نقدر نقول رجعت حليمة لعادتها القديمه، ترا تو مخلصين صلاة العشا وين التأخير بالموضع
صقر بضحك : قومي يلا روحي السياره انا بدخل الاغراض
ولاء : تم
____عند فيصل____
فيصل وهو نازل من الطياره وساحب شنطته وبجانبه ذياب
ذياب : تأخرنا خلينا نرتاح اليوم وبكرا نروح نسوي عمره
فيصل : اللي ودك بس تعال نتعشئ
ذياب خرج من المطار الي بجده واستأجر سياره
وتوجه بالسياره ل فيصل وركب يمينه
ذياب : لو اني داري اني بسوق ما استأجرت
فيصل : سوق وانت ساكت تراك جاي بفلوسي
ذياب : لو اني عارف بذوق الذل ذا كله منك ماجيت
فيصل بضحك والضحكه ترج في انحاء السياره دخلوا الفندق وحطوا اغراضهم
ذياب : متئ نتعشئ
فيصل : امشي نخرح ندور لنا شي ناكله
خرجوا اثنينهم وفيصل في مقعد السائق وذياب يمينه
ذياب : فول وتميس؟
فيصل : شرايك بس
ذياب : ياشيخ اذلف
فيصل : اقول وش زينه الفول الي هنا لذيذ و مابوه شي
، قوم انزل اطلب
ذياب : تعال معايا
فيصل قفل السياره وخرج معاه وبعد ٥ دقايق بالتحديد عند دفع الحساب
فيصل مد بطاقته وذياب مد بطاقته
فيصل : ياشيخ خليني ادفع الحساب انا
ذياب : اي عشان انذل
فيصل : كنت امزح معك والله وخلاص انا بدفع
ذياب حط يده بيدفع وبسرعه بديهه من فيصل حط يده ومن حسن حظه هو الي دفع
ذياب رفع حاجبه : مردوده
فيصل : غصب
ذياب : ياليل بدأ من دحين يلا بس وصلني الفندق جوعان وبنام
فيصل : لا شرايك تناديني السواق فيصل
ذياب بصوت عالي : سواق فيصل تعال وصلني
فيصل اعطاه كف خفيف بكتفه
____عند عقاب____
عقاب : ياشيخ خلصت الاماكن جبتنا هنا عند مطعم فيه صيانه
فهد : جيت اشيك عالشغل وبمشي
عقاب : تشتغل هنا؟
فهد : لا بس المطعم مطعم اختي وسحبت عليه فتره بتأثث ثاني وتضيف اصناف جديده من الاكل
عقاب : ماشاءالله الله يرزقها ان شاء الله
فهد : امين امين يلا امشي ناخذ لنا عشا ونرجع البيت
عقاب : شوف لنا اي مطعم قريب من هنا
فهد : لو كان المطعم مافيه شي كنت خليتك تذوق الاكل مابتندم صدقني، و ان شاء الله في كوفي قريب بينفتح بس اعجبها موقع المكان كانت مخططه تبدأ كل شي مع صحبتها ولاء بس للاسف ولاء فهمتها خطأ و ماعاد ترد علئ اختي وقررت اساعدها انا بللون الصمغ والاثاث الا ان ترجع صديقتها
عقاب بجرأة : ان شاء الله ماترجع الا وهي زوجتي
فهد : ابلش صدق
