النحيط وجذل

بارت <٣>

↺➛ ┄┄┄┄┄➛↺
-

- هناك صخرة غير مرئية في صدري, تكوّنت بفعل الكلمات المُتراكمة ,وأخرى في رأسي كونتها الأفكار المستمرّة ,يسحبني حملها الثقيل إلى الأسفل ,
نحو هاوية لا أعلم لها قاعاً...

......
.....

روسيل::- فتحت عيوني على وسعها
اباوع بالوجه
ماما اللي نفشت ريشها
وبابا وخر عني وضل صافن بوجهي
حسيت نفسي متهمة
حتى الساني انبلع
ما اگدر احچي
بس اريد انطق ولو حرف واحد

ماشوف غير ماما اجت دفعتني
ردت اوگع بس حسيت على بابا
حضني من وراي
وعبالك يرد يضمني بضلوعه

عدي::- تخبلتي ولچ شلون تسوين هچي
وياها باعي حالها
وانتِ تعرفين كلش زين
ساره تكره اختها
شوفي حقدچ وين وصل
بناتج راح اضيعيهم من ايديج
وقتها مايفيد الندم.

درت وجهي اباوع على روسيل
بس صافنه
جانت نضراتي اسف
بس ماكو شي يمكن يتعوض
لان حتى الأسف ماله معنى
باللي جاي اتمر بي

اسندتها ودخلتها للغرفة
گعدتها وخذت ملابسها
بصفها على جربابه 

گعدت يم رجليها اسف بنيتي
ولو كلمة اسف ما تكفي
وماعرف شلون راح أگدر اعوضچ
عن كل  وجع وندبه وكل اللي يصير وياچ
بسبب حقد صارله اسنين

::- يمتى يصير الوقت
اللي اعرف ليش وشنو وصل ماما الهل حقد
والكره

عدي::- خليت ملابسها
بيدها گومي بابا
دخلي سبحي
ولفي رجلچ
لو أگدر اساعدچ چان ساعدتج
بس ماعرف شلون راح تگدرين

:::- عادي أگدر ادخل وحدي
شكرا الك حبيبي.

دخلت الحمام
وهنا بعد متحملت
صرت ابچي من كل گلبي
شنو هل الكره اللي خله اختي تتهمني
بشي صعب صعب الطعن بالشرف
لو ما بابا وياي الله يعلم بحالي.

طلعت من الحمام
شفت بابا محضر المشط
گعدت بدون اي كلمة
مشط شعري
وسوالي التسريحة اللي احبها (گصايب)
صح انا ثالث متوسط

بس يمكن معاملة بابا الي
هية اتخليني ادلع واصغر بنفسي
بس طبعا يم اي شخص غريب
اعيش دور الاكبر من عمرها

خلص التمشيط
ومثل كل مرة
اخذ شمة من شعري
وگام مددني بفراشي وغطاني
وباس عيوني وطلع.

گعدت الصبح شفت الساعة
بـ ١١ ظليت افرك بعيوني
معقول ماما مصاحت عليه
بالله من ناحية المدرسة
اخذولي اجازة
بس شغل شعجب ؟!

گمت اريد افتح الباب
لگيته مقفول
شسالفة
حاولت اكثر من مرة ماكو
اسمع صوتهم بره وعبالك اكو خطار.

گعدت وسكتت شريد اسوي
شوي ونفتح لباب
اجت ماما
شبعتني ضرب
بس اريد احمي نفسي ما اگدر