النحيط وجذل

بارت[٣١]ولاخير

↺➛ ┄┄┄┄┄➛↺
-

:أبقى يمي
صرت اشوف الدنيه كلها بيك
الدنيه ماتوكف عله احد
بس اشو وكفت عليك

.......

وفا::- دخلت عليه شفته كاعد على الكرسي بهدم  اسود متغير حيل اخوي حيل متغير
شعره طويل ونازل على جبينه عيونه

        اخ يعيونه     هموم
    وتعب   وحب
    واشتياق  ولهفه.

آلدنيآ بيهم من جان اشوف غيمته اشوف المعه بيهم عبالك شي نبته خضره وسقيتها.

نزلت دمعتي هسه كلشي مجاي اشوف
غير بقايه انسان وين اخوي
مات
وانتهي
خسارته جبيره حيل جبيره.
.....
همستله ماكافي بس ارجع
للبيت ارتاح مو صار اسبوع على هل حاله.

سالار::- فززني صوتها
  اشرتلها براسي بدون ماحجي بلا.

وفا :- الحد يمتى اضل هجي.

سالار::- الحد ماتفتح غيمتي عيونها.
  واشوفها بخير يلا.

وفا::- فهمني انتَ دكتور ليش مجاي يستجاب جسمها.

سالار::- بلي اليوم الصبح جسمها استجاب العلاج بس انه قلبي المحترك.
خسرت طفل والله عالم احتمال اخسر ثنين الي بطنها وخسرها فوقها .تعرفين شنو صار ثلاث شهور حامل وانه ماعرف شلون ماحسيت.

جنت دائما اشوفها ديخه وين متجي تنام توقعت تعب عادي اشكد اتوسلت بيها انروح انسوي تحاليل اريد اعرف شنو بيها بس جانت ترفض ماعرف اذا جانت حاسه اكو روح جوها لو لا.

وفا::- انه متأكدة ماتعرف لان هيا جانت دائما اتكول أتمنى طفل اكون نسخه من سالاري احس الله ما كاتبلي اصير أم.

سالار::- كافي تحركيني بحجيج

وفا::- تقربت حضنته اسفه والله اسفه.درت وجهي اريد  أرجع بس لفت نظري ترمش بجفنها بهدوء وعبالك جفن عينها الفوق يرجف هجي حسيت رجعت وكفت يم راسها.

سالار::- شبيج رجعتي ليش تباعين عليها هجي.؟

وفا::- قربت وجهي عليهآ ولك والله جاي تحرك جفنها والله .

سالار:"- تقربت عليهآ وانه كل خليه بجسمي ترجف تعبان من كلشي
هدومي احسها ثكل جبال على جسمي.

تقربت ومديت يدي ترجف الوجهه فتحت عيونها تكرمشهم من اصير الضوه عليهم .رحمتك ربي.

رجعت اريد اعيد الكره فتحت هيا عيونها على كيف وعبالك طفل اول مره يفتح عيونه على هل آلدنيآ.

وقتها ماشفت نفسي غير ساجد اربي الي باوع على حالي .
باوع الضعيف
باوع قله حيله الي اانه بيها.

وفا::- دخل مهران على صوتنه واول مااجت عينه عليه شافه ساجد ويبجي بصوت عالي  ويناشغ عبالك طفل جان خاسر امه ورجعتله هجي شبهت وضعه.