النحيط وجذل

بارت<١٩>

↺➛ ┄┄┄┄┄➛↺
-

شهل ضياع الماله تالي
اني من ياوكت صاير لا ابالي
انا اول تالي افز ماعندي غالي!
وهذه من يمته البرود
بروححي هچي!
شغيرج ياروحي احجي"

..........................
سالار::- رجعت للغرفه شفتها نايمه بعمق شصاير بيج
يعيون الغيم
تعبوج بجوج
قهروج وهضموج
من عمت عين الدنيا
الي ذلتج وتعبتج وعمت عين ناسج الي وجعو كلبج

ضليت مكابلها وكاعد وهيا مره اتون ومره تبجي اعرف مو بوعيها كمت الحمام سبحت وتوضيت اريد أصلي.

من اول سجده حسيت الجبال الي على كتافي بدت تنزاح احس كلبي الي يوجعني بدت تنتظم دكاته

شعوري بين يدين الكريم اتخليني أعجز أمام كرمه وعطفه عليه وحبه.الي

خلصت وكمت رحت للمطبخ جان عندي ضرف مال شوربه جاهزه بس شوي يحتاج إضافات سويته وحضرته ودخلت للغرفه شفتها.

نايمه بعدها والتعب واضح عليها
وعبالك ابنيه حامله هموم الدنيا كلها وماكو احد اشاركها بيهم

ولا عبالك بنت العشرين ولازم اتكون احلا وأهم فتره بحياتها

غيرها تطلع وتدخل تتونس ويا صديقات مو هذه حالها

كعدت يمها مسحت على شعرها الي اول ماشفته وانه اموت عليه احسه ناعم جوه يدي وملولو .دنكت راسي يم ذانها. وهمستلها.

جنت امشيلج خطوه وتبتعدين انتِ ومن ابتعد انه تتقربين انتِ هجي جنت اشوفج بس هسه

خلاص كلشي انتهى راح اضلين طول العمر بحضني وجوه عيني

عفتها وطلعت جبت ماي ودخلت شفتها اتفتح وسد بعيونها.

روسيل::- فتحت عيوني وانه احس بغواش قوي وراسي يوجعني ضليت مركزه بالسقف درت وجهي على فتحت الباب.

سالار::-الحمدلله على السلامه.

::- ضليت صافنه عليه
اول مره اشوفه ماعرفه منو.

سالار:- رفعت الغطه عنها وساعدتها تنهض وهيا صافنه حتى ماعدها رادت فعل اخذتها من يدها اريد اوديها للحمام تغسل بس شفتها

ترجف جو يدي كلها ماعرف جوع لو خوف

شلتها بس حسيت بعضامها كلها طالعه جانت ضعيفه الدرجه
اتحس هيكل عضمي مكسي بجلد فقط
وكفتها على مغسله وصرت وراها سندت جسمها عليه اعرف

اصلا ماحست بهل شي لان ماتكدر توقف
ولا تساعد روحها

رغت الصابون بيدي وسحبت يديها بين يدي وضليت اغسل بيهم بعدها صعدت الوجها خلصت وسحب المنشفه نشفتها وطلعتها وصلت الجربايه كعدتها وضليت انطيها من شوربه