#لـيـل
#البارت_الرابع
#مشيره_محمد
عادت ليل مره أخرى للعمل بالمشفى ولكن يملؤها الخوف وفاقده للشغف والحماس
يخيل إليها أن الجميع يشير إليها ويقول ها هى القا&تله.
أسرعت الخطى الى مكتبها من يراها يظن ان أحدهم يلاحقها.
اغلقت الباب وجلست تبكى واضعه راسها على مكتبها مستنده على ذراعها. طرقات على الباب فحاولت إزالت دموعها وأذنت للطارق بالدخول.
أدخل رأسه من الباب بطريقه مرحه.
_صباح الخير. ياترى وقت الدكتوره يسمح تقابل حد.
_ أكيد طبعا إتفضل يا تيم صباح النور
دخل تيم وجلس أمام مكتبها ولكنه رأى دموعها الباقيه على وجهها.
_ليل انتى بتعيطى؟
_متضايقه شويه ماتشغلش بالك
_إزاى ماشغلش بالى إحنا مش أصدقاء ولا إيه؟
_صدقنى مافيش. قولى جاى علشان تعمل
. Check up
ولا عايز الشغل؟
_تمام طالما حابه تغيرى الموضوع انا مش هضغط عليكى بس عايزك تعرفى حاجه إنى جنبك طول الوقت ووقت ماتحبى تحكى او إحتاجتى مساعده او نصيحه أنا موجود
_ربنا يخليك انا فعلا بعتبرك صديق وغالى أوى عندى كمان زى ما إنت عارف أنا ماليش أصدقاء.
_ودا كمان سر من أسرارك يا ليل إزاى ماعندكيش ولا صديقه واحده؟
_دا موضوع كبير هبقى إحكيهولك بعدين
المهم ماقولتليش انت جاى لأنهى سبب
_هو ماينفعش أجى علشان اصبح وأمشى
_إبتسمت ليل من طريقته. ينفع طبعا
واثناء حديثهما جاءت إحدى الممرضات تبلغها بأن أحد الاطباء يريدها معه بغرفة العمليات.
صمتت ليل ولم تقوى على الرد فقط أشارت لها برأسها وبعد خروجها إنتبه تيم على حالتها فهو على علم بما حدث.
_ليل مالك إنتى تعبانه
_نظره طويل من ليل الى تيم ظلت لدقائق
تحولت لدموع بلا صوت فقط صوت بكاء ليل.
عايزه أمشى خدنى من هنا ممكن؟
_هب واقفا. طبعا يلا بينا بس عايزك تهدى ممكن؟
إدخلى إغسلى وشك ويلا بينا.
ـــــــــــــــــــــــــــــــــــــــــــــــــــــ
(يظن البعض أنهم أذكياء فإذا إلتقيت بأحدهم يوما فإعلم أنك تتعامل مع الغباء فى صورة إنسان.)
_إنت تعرف لو عز بيه عرف اللى انت عملته ده هيعمل فيك إيه؟
_مش هيحصل حاجه لو إنت سكت وشديت على بوقك بلاستر.
وبطل رغى بقا الحيطان ليها ودان
_يبقى أبو قسم ياحلو وانا أشد بلاستر وأبقى أعمى وأطرش وأخرس كمان
_نعم ياروح امك وإنت تاخد نص الفلوس ليه؟ كنت عملت إيه؟
بقولك إيه أُضبط كدا وإعقل علشان مانروحش فى داهيه إحنا الإتني
_بص ياصاحبى ماهو يانعيش عيشه فل يا نموت إحنا الكل على رأى الأستاذ عادل إمام
ها قولت إيه؟
_إنت بتهزر يلاه إنت فاكرنى هخاف منك أعلى مافى خيلك إركبه.
_والله انا قولت اللى عندى وشوف بقا هتقول إيه لعز باشا ولا هتجيب الست اللى سربتلها الفيديو منين؟
سلام يا زميلى
ـــــــــــــــــــــــــــــــــــــــــــــــــــــــــــــــ
خرجت برفقته من المشفى بأكمله قاد تيم سيارته والصمت حالهم حتى قطعه تيم.
_فطرتى
_لا مش عايزه ماليش نفس
_انا مافطرتش وجعان جدا هنروح مكان نفطر وهفتح نفسك ماتقلقيش
ذهبوا الى أحد المطاعم وقام تيم بطلب الافطار دون سؤالها فهى فى حاله يرثى لها
_ليل
_ايوه
_ممكن أعرف ليه إضايقتى لما بلغوكى ان فى عمليه
صمتت ليل قليلا ولكنها تريد أن تنفجر فهى لا صديق لها ولا قريب حتى تفضى إليه ما بداخلها فأخذت تبكى فتركها حتى هدأت
وعندما تمالكت حالها نظرت أرضا ونطقت بكلمه واحده لأنى ق&تل&ت.
