#لـيـل
#البارت_الخامس
#مشيرة_محمد
قد تجاوزت حدود خيبتي، صدمتي بك أكبر بكثير من ان تعد مجرد خيبة.. اليوم خيبتي بك كبيرة.. حزني قاتم و روحي ساخطة.
( أثير عبد الله النشمي)
_لم تقوى قدميها على حملها فإرتمت بقوه على مقعدها لا تدرى ماحدث منذ قليل حقيقه أم كابوس.
تسأل حالها لماذا يغدر بها كل من تحب كل من ظنت أنهم سيظلو بجانبها تركوها.
كانت تعيش حياة غير مستقره ولكنها راضيه يكفى أنها بين أمها وأبيها حتى وإن كانت دائما ما ترى الرفض بأعينهم لها
( فلاش باك)
كانت بالصف السادس الابتدائى وكانت فتاه هادئه متفوقه.
بالرغم من انها دائما كانت تَلقَى المعامله الجافه من والديها ولكنها كانت تحبهما وتلتمس لهما الأعذار لضيق حالهم.
ولم تكن تعلم أنهم سوف يتخلو عنها ويتركوها تصارع أمواج الحياه بمفردها
_قولتلك إمسكى إيدك شويه أنا هجيب منين خلاص ما فيش مكان أجيب منه فلوس مش فاضل غير إنى أسرق.
_وانا جبت إيه زياده عن الناس مش طلبات البيت ويدوب إشتريت عبايتين جداد ليا حتى قولت بلاش أجيب للبت المره دى
_كنتى هاتى ما إنتى ماعندكيش دم.
ياما قولتلك اللى زينا مالهوش يجيب عيال أصبرى على الخلفه شويه بس مافيش فايده،
مبسوطه دلوقتى بضيق الحال اللى احنا فيه؟
_وانا كنت جبتها لوحدى؟
وبعدين ما قولتلك أروح لدكتور ينزلى الجنين ووقتها برضوا قولتلى مافيش فلوس وإتصرفى إنتى.
كنت هتصرف أعمل إيه يعنى؟
_تعملى أى حاجه غير إنك تكملى فى الحمل يافالحه، عجبك حالنا كدا
_وإنت ما إتصرفتش ليه وإستخسرت الفلوس كنت فاكر إن مخنسره فلوس من وراك مش كده
وبعدين خلاص مش كل شويه هنتكلم فى الموضوع ده. وقولى عملت ايه مع اخوك هيخلى البت عنده
_لسه ما كلمتهوش يا شاديه أصبرى
_ليه ياسمير هو هيمانع يعنى إن ليل تقعد عنده دا بيحبها اكتر مننا.
_هو أه بيحبها بس مراته لا.
_ إنجز ياراجل خلينا نعيش لينا يومين فى العز كفيانا فقر بقا
ألا قولى صحيح ليه صحاب الفيلا دول شارطين إن اللى يشتغلوا عندهم مايكونش عندهم عيال.
_انا عارف بقا اللى يهمنى المبلغ اللى هانخده لا وكما إيه هنسافر معاهم كل بلد يروحوها. عايزنا نشيل ونجر عيال ورانا رايح جاى يعنى.
إعملى إنتى بس حسابك على السفر فى أى وقت.
وانا هكلم أخويا خلينا نخلص ونشوف حالنا
_تركوها للوحده ومرارة اليتم المزيف
ولم يمر الوقت طويلا حتى تركها عمها هو الأخر فلم يقوى على أن يقف أمام رأى زوجته فأولادها أحق بالرعايه من إبنة أخيه
وخاصة أن أخيه توقف عن إرسال المال الخاص بليل بعد مرور عام من سفره. إنقطع أيضا الإتصال والرسائل إلى أن جاء خبر وفاة أخيه وزوجته أثر حادث سياره
فأصبحت ليل يتمه فعليا
مما جعل زوجة عمها تصر على أن تترك ليل المنزل لعلمها انه لم يعد أحد يعولها
وسيتكفل زوجها بكل صغيرة وكبيره تخصها.
