#لـيـل
#البارت_الثالث
#مشيرة_محمد
إقترب منها وأحاط وجهها بين يديه وهو يتطلع لكل إنش بوجهها.
_مش عارف هسافر إزاى وما أشوفكيش كل يوم إنتى بقيتى أهم حاجه فى حياتى يا ليل
( لو أننى أقول للبحر ما أشعر به نحوك لترك شواطئه وأصدافه وأسماكه وإتبعنى)
نزارقبانى
_إبتعدت ليل وهى فى حالة إرتباك.
مستر عز لو سمحت....... وضع عز يده على فمها لكى لا تكمل حديثها ليقترب أكثر ويهمس لها.
لو سمحتى ياليل انا مش عايز اى تعليق منك دلوقتى خلينا نتكلم لما أرجع ممكن؟
أشارت برأسها بموافقه وهى بحالة لا تحسد عليها.
أخذها عز من يدها وأجلسها بجواره على أريكة مكتبها.
_ليل أنا هسافر وهسيب المستشفى دى فى أمانتك يعنى إنتى عينى هنا وليكى كل الصلاحيات يعنى إنتى مسؤله عن كل كبيره وصغيره هنا فى غيابى
_إزاى بس فى ناس أقدم منى بكتير وكمان فى هنا فعلا ناس مسؤله إزاى أنا هعمل ده وأنا لا عندى خبره ولا أقدميه؟
_بس إنتى أكتر حد بثق فيه وبعدين إنتى بقا ليكى مكانتك هنا
وبنظره غير مفهومه قال. وقريب هتبقى صاحبة المكان ولاوعندك مانع
_لم تفهم ليل معنى جملته فالتزمت الصمت.
ـــــــــــــــــــــــــــــــــــــــــــــــــــــــ
_أصبحت ليل شبه مسؤله عن المشفى بالإضافه انه أصبح لديها كامل الصلاحيات من إتخاذ القرارات والتوقيعات الضروريه بغياب عز.
_بشقةِ ليل حوالى الثانيه ليلا يصلها إتصالاً هاتفيا من المشفى بضرورة الحضور لوجود حاله طارئه وبالفعل ذهبت على الفور وكان بإنتظارها أحد موظفى المشفى ليبدى إعتذاره.
_دكتوره ليل معلش إننا إتصلنا بيكى فى وقت زى ده بس الحاله خطيره ومافيش دكاتره موجوده. دكتور فهد بره مصر ودكتور علاء فى العمليات ولسه قدامه سعات.
_ليل وهى بحاله من التردد. أيوه بس انا ماينفعش أدخل عمليات لوحدى وكمان ممنوع.
_بس الحاله خطيره يا دكتوره ليل وممكن تموت هتسبيها تموت؟ كمان حضرتك فعلا عملتى عمليتين زيها قبل كدا.
_ايوه بس ماكنتش لوحدى كنت تحت إشراف أساتذتى.
_طيب والحل يا دكتوره؟
لم تجد ليل مفر من إجراء العمليه لإنقاذ حياة المريض. إستجمعت شجاعتها وبدأت بالفعل بإجراء العمليه وبعد ساعتان من بدأ العمليه خرجت ليل وهى فى قمة الاجهاد والفرحه والخوف معاً
فهى حقاً دكتوره ماهره وأجرت العمليه بمهاره.
_أشارة للمرضه وأخبرتها انها بمكتبها إذا حدث شئ وعليها متابعة إفاقة الحاله كلياً وإخبارها.
ـــــــــــــــــــــــــــــــــــــــــــــــــــــــــــــــ
منذ ذلك اليوم الذى ذهب ليصارحها بعشقه لها ولكن قَدَّرَ الله أن يخطأ فى الوصول لغرفتها ليعلم ما هى فيه وما يدبر لها
( فلاش باك )
_كان عادل بإنتظار عز بمكتبه وكان يتحدث الى شخص ما على الهاتف.
_بقولك البت بقت تحت سيطرت عز باشا خلاص وقريب قوى هتكون معانا ماتقلقش.
أصل الحب بيصنع المعجزات
وأهو يكون معانا وجه حسن بدل الخناشير اللى شغاله معانا
وليل مش بس وجه حسن دى مُزه على حق
