គ្រួសារនេះមានរឿងល្អៗចូលមករហូតម៉ង
រឿង #ល្បួងស្នេហ៍សាតាន 💘 #ភាគ៤៦
នាយបោះជំហានញាប់ៗរត់តាមប្រពន្ធ ហើយក៏ឃើញនាងតូចដើរលើឆ្នេរសមុទ្រតែម្នាក់ឯង គេរហ័សរត់ទៅក្បែរ យ៉ាងលឿន។
" អូនមកធ្វើអីនៅទីនេះ " ជុងគុក ដើរទន្ទឹមសានសាន នាងងើយមុខមើលសមុទ្ររួចសួរបកទៅគេវិញ។
" ម៉េចក៏បងតាមមក? "
" បងចម្លែកចិត្តដែលអូនដើរចេញពីគ្រប់គ្នាមកទីនេះម្នាក់ឯង កើតអីដែរទេ? "
" អត់ទេ! អូនគ្រាន់តែចង់មកលម្ហែអារម្មណ៍ "
" បងនាំអូនទៅកន្លែងមួយ..." ជុងគុក ក្រសោបប្រអប់ដៃនាងជាប់ហើយបណ្តើរភរិយាទៅកាន់តំបន់មួយ។
// កោះត្រចៀកកាំ //
ទីនេះជាកោះចិញ្ចឹមសត្វត្រចៀកកាំផ្តាច់មុខរបស់គ្រួសារចន ដែលរកសុីមកច្រើនជំនាន់ហើយបន្តមកជំនាន់ជុងគុកជាអ្នកគ្រប់គ្រងស្នងអាជីវកម្មនេះបន្តពីដនគ្រីស្ទីន។ នាយកម្លោះដើរចូលទៅខាងក្នុង ដែលមានកម្មករប្រុសៗកំពុងប្រមូលស្លឹកត្រចៀកកាំយកទៅទុកបញ្ចូនឲ្យភ្ញៀវ។ ចៃដន្យនៅទីនេះមានបញ្ហា ខូចគុណភាពទំនិញទើបគេចុះមកមើលដោយផ្ទាល់។
" ចៅហ្វាយ! "
" សួស្តីចៅហ្វាយ!! "
" សួស្តីគ្រប់គ្នា! ធ្វើការវិញចុះ ខ្ញុំដើរពិនិត្យបន្តិច..." កម្មករទាំងអស់សុទ្ធតែគោរពគ្រួសារចន ដោយសារតែបានការងារធ្វើនិងកន្លែងរស់នៅសុខស្រួលបមិនចាំបាច់ចេញទូកទៅនេសាទទាំងប្រថុយប្រថានជីវិតឡើយ។
" អូនអង្គុយទីនេះសិនទៅ! " គេទាញកៅអីឈើមួយឲ្យនាងអង្គុយ ហើយដើរចូលក្នុងរោងតង់មួយ ចេញមកវិញកាន់ដបទឹកត្រចៀកកាំឲ្យសានសាន។
" ញាំទៅ! នៅទីនេះអាចមើលឃើញព្រះអាទិត្យលិចបានច្បាស់ល្អណាស់! "
" ទីនេះស្អាតណាស់! ធម្មជាតិទាំងអស់ សម្រាប់ទឹកត្រចៀកកាំក៏ឆ្ងាញ់ដែរ! " នាងនិយាយទាំងញញឹមតិចៗ ពេលឃើញជុំវិញខ្លួនមានសមុទ្រមានដើមឈើ មានសត្វត្រចៀកកាំជាច្រើនរាប់ពាន់លានក្បាលដែលចិញ្ចឹមនៅទីនេះ។
" បើអូនចូលចិត្ត ពេលក្រោយៗអាចមកលេងបាន ព្រោះទីនេះក៏ជារបស់អូនដែរ "
" តើមានន័យថាម៉េច? " នាងចងចិញ្ចើមសួរស្វាមី ជុងគុក ញញឹមឆ្លើយទៅកាន់ៅរិយាយ៉ាងផ្អែមល្ហែម។
" ពួកយើងរៀបការហើយ គ្រប់យ៉ាងដែលជារបស់បង ក៏ក្លាយជារបស់អូនដែរ ចង់មកលេងទីនេះតាមចិត្តអូនចុះ មិនបាច់ក្រែងចិត្តបងទេ "
" ពិតជាមកបានមែនហេស៎? "
" ប្រាកដណាស់! " គេងក់ក្បាលដាក់នាង សានសានសប្បាយចិត្តព្រោះទីនេះទេសភាពស្អាតខ្លាំងណាស់ នាងដកទូរស័ព្ទមកថតក្រឹបៗជាច្រើនប៉ុស្តិ៍ទុកជាអនុស្សាវរីយ៍។
" ទៅលើភ្នំថតរូបលេងទេ? "
" ចាស៎..." ស្រីតូចញញឹមផ្អែម ដើរតាមជុងគុកទៅលើភ្នំជាប់កោះនេះ ដែលមានទេសភាពយ៉ាងស្រស់ស្អាត។
YOU ARE READING
ល្បួងស្នេហ៍សាតាន រដូវកាលទី២ { Completed }
Romanceប្រមាញ់ស្នេហ៍សាតាន រដូវកាលទី១ ល្បួងស្នេហ៍សាតាន រដូវកាលទី២
