Unicode
မနက်စားပြီးလို့ဆေးကြောသိမ်းဆည်းပြီးတာတောင်သားကမနိုးသေးတာကြောင့်သဝဏ့်မှာသွားနှိုးဖို့ပြင်ရတော့သည်။ ကလေးဆိုတာကများများအိပ်သင့်ပေမယ့်လည်းသူ့အတိုင်းအတာနဲ့သူပဲကောင်းတယ်မဟုတ်လား။
("ကျွန်တော်သားကိုသွားနှိုးလိုက်အုံးမယ် အစ်ကို......")
ဧည့်ခန်းမှာTVကြည့်နေတုန်း လာပြောတဲ့မြတ်သဝဏ်ကြောင့်တစ်ချက်သာကြည့်ပြီးမျက်နှာပြန်လွှဲလိုက်သည်။ ဒါတွေကအထူးအဆန်းမှမဟုတ်ဘဲ......အမှန်ဆိုသူ့ကိုလာပြောနေစရာတောင်မလိုဘူးလေ......။
ဘာမှပြန်မပြောလိုက်တာကြောင့်အိပ်ခန်းဘက်ကုပ်ကုပ်လေးထွက်သွားတဲ့သူကိုကြည့်ရင်းသတိရမိတာကတစ်စုံတစ်ယောက်ကို။
"ငါ့ဘေးမှာရှိနေတာ...မြတ်သဝဏ်မဟုတ်ဘဲမင်းဖြစ်နေရင်သိပ်ကောင်းမှာပဲ ယစ်......"
ဟုတ်တယ်......ယစ်။ ကျွန်တော့်ရဲ့ယစ်။ ကျွန်တော့်နှလုံးသားလေးရဲ့နာမည်က ' ခက်ထန်ယစ် ' တဲ့။
လူတူမရှားနာမည်တူမရှားလို့ပဲပြောရမလား ၊ မြတ်သဝဏ်နဲ့ ကျွန်တော့်ရဲ့ယစ်ကရုပ်ချင်းခပ်ဆင်ဆင်ရယ်။
ဒါပေမယ့် မြတ်သဝဏ်ကတော့ယစ်ကိုဘယ်ယှဉ်နိုင်ပါ့မလဲ။ မြတ်သဝဏ်ရဲ့အေးချမ်းတဲ့မျက်ဝန်းတွေက ယစ်ရဲ့စူးရှရှအကြည့်တွေလောက်ဆွဲဆောင်မှုမရှိဘူး။ အမြဲပြုံးပြတတ်တဲ့ခပ်ထူထူနှုတ်ခမ်းတွေကတစ်ထပ်တည်းတူနေပေမယ့်လို့တင်းတင်းစေ့ထားတတ်တဲ့ယစ်ကိုမမှီပြန်ဘူး။ နောက်ဆုံးတစ်ခုကတော့ သြဇာရှိတဲ့အသံသြသြလေးပေါ့။ ညှို့ဓါတ်တစ်ခုနဲ့အရှိန်အဝါတစ်ခုရှိနေတဲ့ယစ်ရဲ့အသံလေးကတကယ့်ကိုနားထောင်လို့ကောင်းတာ။ မြတ်သဝဏ်ကတော့......အာ မေ့သွားတယ်။ မြတ်သဝဏ်ကအ,အပဲကို။
"ဖေဖေ......"
ခေါ်သံချိုချိုလေးနဲ့အတူအနားရောက်လာတဲ့သားကိုမြင်မှလူကအသိစိတ်ကပ်မိသည်။ သူအတွေးလွန်နေတာဘယ်လောက်တောင်ကြာသွားပါလိမ့်......။
"သားသားချောလား......"
ဘေးတွင်ဝင်ထိုင်လာတဲ့သားကသနပ်ခါးလေးနဲ့မို့တစ်မျိုးချစ်စရာကောင်းနေပြန်တယ်။ အုန်းဆီပါသေချာလိမ်းပေးပြီးခေါင်းဖြီးပေးထားသေးတာမို့ နဂိုကတည်းကထွားတဲ့သားရဲ့ပုံစံကသုံးနှစ်သားကလေးနဲ့မတူဘဲမူကြိုတက်တဲ့အရွယ်လောက်တောင်ထင်နေရပြီပင်။
YOU ARE READING
Second life ( အချို့သောချစ်ခြင်းတို့သည် )
De TodoHydrangeaတွေနဲ့အတူ အမြဲနောင်တရနေလိုက်ပါအစ်ကို။ နောင်တတရားတွေ အားနာစိတ်တွေနဲ့နာနာကျင်ကျင်ရှင်သန်နေလိုက်ပေါ့။
