غزالتى

الفصل الثالث

الساعة2بعد منتصف الليل..
كان ادهم عائدا من المرحاض مرورا بجانب غرفة صغيرته ريم ولكن استوقفه صوت آنات ضعيفه وشهقات خافته تصدر منها فقطب جبينه قلقا ودخل سريعا ليجدها منهارة بصمت

أدهم بقلق:مالك ياحبيبتى فيكى ايه،فى حاجه بتوجعك طمنينى يابنتى اجبلك دكتور طيب

ريم بخجل وشهقات متقطعه:لا يابابا اطمن بس من فضلك ناديلى ماما انا محتاجها اوى

ادهم بسرعه:ياريم طمنينى فيكى ايه يابنتى مامتك تعبانه اليوم كله فى شغل البيت وانا مش عايز اقلقها طيب قومى البسى ونروح اى مستشفى نشوف فيكى ايه

ريم منكسة رأسها بخجل:بطنى وجعانى شويه

ادهم اماء لها بفهم للأمر ولم يتحدث مراعاة لخجلها قائلاً:
طيب ياحبيبتى دقايق وهرجعلك..قالها وهو ينهض من جوارها وخرج من الغرفه سريعا قاصدا المطبخ
               ~~~~~~~
بعد عدة دقائق من غياب ادهم فى المطبخ وبكاء ريم الخافت عاد ادهم حاملا كوباً من مشروب النعناع الساخن وجلس بجوار ريم مرة أخرى مادا يديه بكبسولة من دواء

ادهم:امسكى ياحبيبتى ده مسكن للوجع واشربى كوباية النعناع دى هترتاحى شويه ونامى وبكره مفيش مدرسه اقعدى فى البيت ارتاحى

ريم بخجل:شكرا يابابا انا هرتاح شويه وهصحى اروح المدرسه باذن الله علشان عندى مواد مهمه مينفعش مروحش

ادهم بحزم:اسمعى الكلام ياريم انا عارف لما بتتعبى التعب ده مش بتقدرى تتحركى يومين ازاى عايزة تنزلى وتعملى مجهود..ثم أضاف مدللا لها:
انتى تقعدى فى البيت بكرة برنسيس كده وانا هشرحلك المواد الثقافيه وماما هتشرحلك الشرعى اوعى يخدعك مجموع امك فى الثانوى لكن هى بصراحه ممتازة فى الشرعى.قالها ضاحكا

ريم بضحك:اه لو ماما سمعتك يابابا

ادهم بضحك ايضا:ليه هو انا مجنون علشان اسمعها

وظل ادهم يمزح معها حتى ينسيها المها قليلا وبعد ان انتهت ريم من المشروب الساخن ضمها ادهم لاحضانه ووضع يده فوق بطنها وهو يقرأ عليها آيات من الذكر الحكيم حتى غفت فعدل وضعية نومها ودثرها جيدا مقبلا جبينها ثم خرج من الغرفه قاصدا غرفته لينعم بقليل من الراحه
             ~~~~~~~~
الساعه 6صباحا..فى غرفة ادهم ونور
استيقظت نور وكادت أن تنهض لتيقظ صغيرتها حتى استيقظ ادهم ليوقفها عن ذلك

ادهم بغزل:صباح النور على نور حياتى

نور بخجل:صباح الخير يا شمس حياتى

ادهم: ياسلام عالدلع اهو لو كل الستات تتعامل مع اجوازها كده محدش هيتطلق خالص

نور بغيظ:وانت مالك انت ومال كل الستات مش مالية عينك ياباشمهندس ولا ايه

ادهم بضحك:ده انتى نور عينى بس بلاش نكد الستات المصريه اللى عالصبح ده

نور بغيظ:بقى كده ماشى انا هسيبك وأقوم ولا هنكد عليك ولا ادلع انا مش هكلمك اصلا واروح لبنتى حبيبتى..قالت الأخيرة مغيظه إياه