فوت و كومنتار من فضلكم
..................
على 7 صباحا :
ترررن تررررن تررررن (صوت المنبه )
ملامح وجهها كشبرو (كلمة يونانية الاصل خخخ) و نفخت تتأفف من الصوت هذا.. قعدت تتقلب في بلاصتها
اوووف منك يا ملاك علاه درتي هاد الصونري تقول رانا في كازيرنا دارت تشوف في الجيهة الزاوجة لقاتها غارقة في سابع نومها و كيفاش ماترقدش و هي نومها ثقيل كي الباندا لوكاان تطرطق عند وذنها قنبلة ماتفيقش.. لوكان مشي يارا الي تفيقها ما تنوضش
ناضت من بلاصتها و هي تتكسل شعرها مكشرد سروالها رجل طالعة و رجل هابطة قدمت عندها قعدت تهز فيها
ملاك ملاك ...والو ....ملاااااك
ملاك : امم
يارا : و اخيرا رضيتي علينا هيا نوضي راه الوقت باش نروحو
ملاك : مالكي شاخصك نتي تاني علا صباح ربي
يارا : كيفاه شاخصني ...حق مااراني نوض فيك يا البقرة ..ماكيش حابة تنوضي تخدمي نتي
شافت فيها ملاك و عينيها عاد معمشين تستوعب وين و كيفاش و وقتاش ناضت ....تبسمت يارا عرفتها راها في حالتها تاع كل يوم راحت و خلتها لحظات و تفيق على روحها
راحت يارا غسلت وجهها و بدلت قشها و بدات تدير فالقهوة حتى تسمع في الجري تاع الاميرة النائمة و هي تحوس على تقاشيرها و فردة ملبوسة و فردة لا ..تبسمت على طبيعة صحبتها عمرها ماتتبدل عيات تسيي تخليها تنوض وحدها بصح مانجمتش لوكان تخليها ..تنوض حتى المغرب عادي زعما ....كملت كل وحدة صوالحها تقهواو كيف كيف و خرجو مع بعض للخدمة بحكم اليوم ويكاند فيخدمو الصباح ....و يامات الفراية يخدمو لغشية
دخلت ملاك و يارا من الباب الخاص بالخدامين تاع الفندق الي يخدمو فيه راحو لغرفة تبديل الملابس لبسو لبسة الخدم و راحو دخلو للمطبخ باش يجتامعو و يخبرهم رئيس الخدم كل واحد خدمتو
كي شافها تبسم و ناض ليها
رضا : صباح النور يارا
ملاك : صباح الظلمة حنا ماراناش نبانو واقيلا
يارا : ههه غرتي
ملاك : يعع و علاه نغير علا هاد البنادم ...وراحت وخلتهم
يارا : صباح الخير رضا ما ديرش عليها غير تضحك معاك
رضا : علابالي بلي تكرهني غير خليها
يارا : لا لا و الله والو هي هدرتها هاكا
رضا : تدبر راسها ...ديجا قوليلها عندنا شعور الكره متبادل
يارا : هههه اصلا نتوما كيف القط و الفار قاع ماتتشاموش ... المهم كيراك مش كنت مريض .. ريحت شوي
رضا : الحمد لله و كي طليت علا وجهك زدت ارتحت
ملاك : يسلمك يسلمك عارفا نفسي دواء لكل داء بسلامتي ههه
رضا : ههه في هادي ماغلطتيش
يارا : هيا هيا دوك يجي الشاف يبهدلنا عل صباح ربي
رضا : هيا
راحت ملاك تدور تشوف واش كاين و واش ماكانش بيلاما عيطلهم الشاف ...حتا تفكرت حاجة تبسمت و راحت للحديقة الخلفية فرحانة عمرت الماء من التيو و داتو لعند وحد الوردة مغروسة في جيهة من الجاردان قاع ماتبانش الجاردينيي مايقدرش يتولهليها باش يسقيها ...رجعت هي تعتني بيها و تسقيها كل يوم والفتها كانها بنادم ولازم تشوفو كل صباح باش نهارها يفوت مليح ...سقاتها و هي تشوف فيها و فرحانة ...طلت من و من ادا كاش واحد شافها ماتحب حتى واحد يكتاشف هاد الجانب من شخصيتها حتى يارا ...صونا تيليفون خلعها قفزت من بلاصتها ..قعدت تسب و تلعن في هاذا الي عيطليها لقاتها يارا ...عرفت الي الشاف عيطلهم .ردت عليها و راحت تجري .قعدت تتمشى و تهدر معاها
ملاك : الو يا مصيبتي
يارا : مشي انا مصيبتك الشاف هو مصيبتك اليوم...خفي روحك ارواحي قبل مايجي ..وين رحتي ديجا
ملاك : ماتحوسيش و هاني وصلت راني حذاك
دورت يارا راسها لقاتها جاية تجري كوبو حطو تيليفوناتهم في جيوبهم ...وقفت ملاك جنب يارا فالصف و هي تنهج من الجري تستفو قاع دخل عليهم الشاف حسين راجل كبير شوي بصح فايق لكلش هو الي ينظم امور الخدامين فالفندق بحكم انو الفندق ملك لعايلة كبيرة فدايما حارص يكون كل شي تحت السيطرة و مايخيبش الثقة الي دارها فيه السي مالك الجد الكبير تاع العايلة
بدا يدور عليهم و بالواحد يملي عليه واش يدير بالرغم من طبيعتو التامرية الا انو قاع دايرينو في بلاصة عمهم و محتارمينو ..كي وصل عند يارا و ملاك تبسمولو ببلاهة تنهد و ضاف فيهم مكشر
السي حسين :ااااه منكم اه ..انتوما لثنين راح تجيبو اخرتي ..
يارا: علاه بابا حسين تهدر في خاك هدرة بعيد الشر عليك يا روحي
س حسين : ايه بلعطيني بلعطيني نعرف هدرتك المعسلة هاذيك
ملاك: ياو فاقلك غير سكتي
يارا : بلعي بلعي .. ماتديرش عليها و الله نعزك بابا حسين
س حسين: علابالي حتى انا دايركم كيف بناتي و لا اكثر عارفين معنديش البنات غير نتوما
ملاك : ربي يخليك عمي حسين و يطولك في عمرك و تقعد كل يوم تعيط عند ريسانا
س حسين: لسانك خصو قصة نتي
ملاكو: ههه غير نضحك معاك شبيك تزعف فيساع
س حسين : نقعد معاكم نتوما نهبل علالبالي ..امشو قدامي نعطيكم خدمتكم... اليوم لازم تحضرو الطابق الي لفوق كامل.. احفاد العايلة راهم جايين ...نظفو الغرف الي لفوق كاين بنات و ولاد و نظفو ثاني الجناح الخاص
يارا : لشكون
س حسين :للحفيد الكبير
يارا : اممم و علاه دايرينلو جناح وحدو
س حسين: متحوسيش تفهمي خدمي شغلك بزاف عليك و دوركا طيرو خدمو خدمتكم
ملاك: عمي كلش باش نظفووه وحدنا يخي ؟
س حسين : لا بش نرسل وحدين يعاونوكم هسيا خفو رواحكتيكم
راحت يارا و ملاك متوحهين للطابق الفوقاني طلعو بالمصعد تاع الخدامين لفوق و بداو ينظفو من و من ...كانت يارا تمسح فالغبرة و يارا ترتب فالفراش.
يارا : و الله ما كذبوش كيف قالو ناس عايشة و ناس متطايشة السيد ينظمولو في جناح بكلو ليه وحدو
ملاك : هاذي هي الدنيا واش نديرو لازم نرضو بواش كتبلينا ربي ديري في بالك كاين الي راهم متمنيين بلاصتنا احنا
يارا : صح عندك الحق الحمد لله الي عندي نتي مانحتاج حتى شي اخر
ملاك : بديتيهالنا حنانة
يارا : ههه خلاص خلاص ماقلت والو
كملو ينظفو فالجناح الكبير و رسلو الخدامات لخرين ينظفو الغرف لخرة
.
.
.
.
.
أنت تقرأ
🍁أقدار ضائعة 🍁(باللهجةالجزائرية-التونسية)
Romanceأقدارنا و حياتنا ضائعة ...تهنا و نحن نتخبط في أمواج هائجة صنعها لنا البعض ..تعبنا من طلب النجاة من آذان تتعمد تجاهلنا لذلك لن نبقى هكذا ..سنصنع أقدارنا بأنفسنا "تعبير مجازي " ...سنشق طريقنا بأنفسنا لسنا بحاجتكم يا هؤلاء ...لسنا بحاجة لوحوش تحت أقن...
