هلااو
آرائكم فالكومنتس من فضلكم
تفاعلو و علقو على الاحداث
و توقعاتكم للقادم
نكملو ...🌷
♡♡♡♡♡♡♡♡♡♡♡♡♡
دخل لمكتب المحاماة متوجه لبيرو السكرتيرة الي كان فالواجهة ..شافتو جاي تبسمتلو و حكات
رؤيا : عالسلامة مسيو الياس عاش من شافك يخي ...هذا وين تفكرتنا
الياس : يعيشك رؤيا ..راك تعرفي الخدمة لراسي ..سقسي راجلك يحكيلك
رؤيا : ههه خلاص خلاص يا سيدي معذور...
الياس : اسامة لداخل يخي
_ايه راه هنا تفضل
_يزيد فضلك ...دخلت سابقاتو لبيرو راجلها حلت الباب و ضحكت
_ضيفك جا راجلي لعزيز...تبسم على كلام مرتو و شاف وراها الياس داخل
اسامة : اهلا اهلا بعشيري ناض عنقو و سلم عليه
_ يعيشك ..واش راك
_و الله نحمدوه و شكروه راه خصنا غير وجهك
_مالا ماتخممش راح ترجع تشوفني صباح و عشية عندنا خدمة ياسرة حضرلي روحك ....ريح فالكرسي مقابل بيرو اسامة
تبدلت ملامحهم بجدية ...ان شاء لله خير برك
الياس : و الله مش عارف اذا خير ولا شر ...كل الي نعرفو انو لازمني نطبق و خلاص
عرف اسامة الي القضية جدية خزر في رؤيا و هي فهمت
رؤيا : نروح نجيبلكم قهوة كيف ما يحب الخاطر و نجي ....خرجت غالقة الباب عليهم
الياس : هههه الظاهر الي المدام حلفت لا تخليك تتهنى ...سكنت فالبيرو ضربة وحدة
_ههه و الله هاذيك راها سكنتلي في قلبي قبل البيرو
_لهالدرجة
_و اكثر ..ههه مرات كي نتفكر كيفاه كنت نعاملها وقت كانت تخدم عندي منصدقش روحي ...عذبتها مي هكاك و قبلت بيا و تزوجنا
_مكتوب
_ايه و نتا ياخي مش حاب تدير دار و تستقر
_علاه راك تشوف فيا متشرد نبات برا
_هههه راك فاهم قصدي .ما تتمهبلش عليا
_ و الله الهدرة هاذي راني كاره منها راني هكا مليح
_معناها خالتي رحمة راها قايمة بالواجب ههه
_امم ماتصدقش
_هه خلاص يا سيدي سكتنا ..
طبطب الباب بعدما نطق اسامة بذن الدخول تحل الباب داخلة منو رؤيا فيديا صينية فيها زوز فناجين قهوة حطتهم
رؤيا : الله يعاونكم يا جماعة
الياس : يعيشك
اسامة : امين يا روحي
تبسمتلو و خرجت غالقة الباب وراها
اسامة : و دركا قولي واش هي قضيتك
_ماجيتكش باش تعاوني على اساس محامي ..باش تعاوني على اساس المحقق اسامة
_اسامة بهمس ...اششش يخي باش تباصيني نتا و لا واش ..راح تسمعك رؤيا ...ناض اسامة يتفقد شكون قدام البيرو مالقا حتى واحد غلقو و رجع لبلاصتو
_ايه و دركا كمل
_يخي ماخبرتهاش
_لا مافيبالهاش ....كمل
رفد الياس ستيلو من البيرو و قطع ستيكي نوت و بدا يكتب عليها ممبعد حطها قدام اسامة
_القالي معلومات على هاذو ثلاثة ...اي معلومة عليهم .. بلايصهم وين راهم فاش يعملو ..اي حاجة تخصهم ..و اي حركة ليهم ...حتى الهوا الي يتنفسوه باش نعرفو...لازمني نلقاهم فاقرب وقت _يخي لباس خوفتني
_لباس لباس دير الي قتلك عليه و خلاص .....بقا الياس مع اسامة شويا يشرحلو ممبعد خرج من عندو متوجه للشركة
(🙄نكملو هاذي و نديرو كرو على اسامة و رؤيا خلوكم متذكرينهم )
أنت تقرأ
🍁أقدار ضائعة 🍁(باللهجةالجزائرية-التونسية)
Romantizmأقدارنا و حياتنا ضائعة ...تهنا و نحن نتخبط في أمواج هائجة صنعها لنا البعض ..تعبنا من طلب النجاة من آذان تتعمد تجاهلنا لذلك لن نبقى هكذا ..سنصنع أقدارنا بأنفسنا "تعبير مجازي " ...سنشق طريقنا بأنفسنا لسنا بحاجتكم يا هؤلاء ...لسنا بحاجة لوحوش تحت أقن...
