أقدارنا و حياتنا ضائعة ...تهنا و نحن نتخبط في أمواج هائجة صنعها لنا البعض ..تعبنا من طلب النجاة من آذان تتعمد تجاهلنا
لذلك لن نبقى هكذا ..سنصنع أقدارنا بأنفسنا "تعبير مجازي " ...سنشق طريقنا بأنفسنا
لسنا بحاجتكم يا هؤلاء ...لسنا بحاجة لوحوش تحت أقن...
Yara ~ فرحني الكادو تاع بابا حسين بزاف لدرجة رجعت نتمشى و نتبسم وحدي كي المهبولة .. خرجنا مالغرفة تفرقنا ..رحت انا متوجهة لعند رضا و ملك مش عارفة لوين ..هبطت للطابق وين كاين المطبخ لقيت الحالة مهولة الكل يجري من و من رحت نحوس عليه اما ما لقيتوش ..لقيت وحد البنت نظن جات جديدة معانا خاطر اول مرة نشوف وجهها..اما الي محيرني هو لبستها مش كيفنا يعني مش كيف الخدم..كانت غير هي الي واقفة و الكل كان مشغول ..معنديش شكون نسقسيه من غيرها هي .. رحت لعندها نقرت بصباعي على كتفها و تكلمت في نفس الوقت يارا : بسبس نسقسيك
تنفضت الطفلة من بلاصتها مخلوعة دارت فيها حاطة يدها على صدرها أميرة : حه خلعتيني اطفلة ههه بقات يارا تشوف فيها خايفة ممبعد تبسمت ببرائة و رتاحت كي شافتها تضحك يارا : سمحيلي ماقصديش نخلعك حتى الآن كانت أميرة تحكي برك حتى خزرت في وجه يارا و ركزت في ملامحها مليح بقات تشوف فيها مبهمة مش مصدقة عينيها اذا الي تشوف فيه صحيح ولا لا انقطع النفس تاعها و قعدت تخزر عينيها مطرطقين بقات يارا محتارة من ردود افعال الطفلة الي قدامها ..طلعت يدها و هزتها من ذراعها و هبطت راسها تخزر في عينيها و كل الي لقاتو هو انو عينين الطفلة يتحركو يتبعو فيها اما هي لا يارا : شبيك يخي..سافا ؟!..... اميرة : .........شش..كون نتي ردت يارا مستغربة يارا : أنا نخدم في هاذ الفندق أميرة : ............... يارا : سافا أختي شبيك صراتلك حاجا زفرت النفس الي كانت شاداتو بالشويا بعدما تأكدت انو الي قدامها بنادم صح مش شبح نطقت بصوت مهتز و نبرة متوترة أميرة : ايه قصدي لا مابيا حتى شي ..برك انا ننخلع فيساع هذاك علاه هزت يارا راسها يارا : على سلامتك هزت راسها بتوتر ..ردت خصلة ورى وذنها و بؤبؤي عينيها يرعشو أميرة : احم عيشك .....ااعلى واش كنتي راح تسقسيني؟ يارا : ايه صح ..رضا أما نظنك ماتعرفيهش خاطر عمري شفتك هنا قلت نسيي زهري برك...اذا تحبي نوريلك وين تبدلي ؟! تحكي و مزالها مندهشة من كمية الشبه بين يارا و بنت عمها المرحومة كانها حيات و قاعدة تكلم فيها ... اميرة : أنا مانخدمش هنا بقات يارا تشوف تستنى فيها تكمل تنهدت و قالت أميرة : انا تقدري تقولي زبونة مقيمة فالفندق هاذا يارا بدهشة : ااا باهي معناها غلطتي فالوجهة ..اذا حابتني نعاونك نعاونك هزت أميرة راسها بلا و عينيها يجولو في وجه يارا تخمم داخلها ..بانتلها فكرة و حلفت لا تراطيها مادام جاتها فرصة أميرة : الحقيقة تنجمي تعاونيني في حاجة هزت يارا راسها تستنى فيها تكمل ..حتى تتفاجئ بأميرة شادتها من ذراعها مقاودتها تجر فيها بحماس لخارج المطبخ أميرة : ارواحي معايا يارا : لوين يخي ؟! دارت فيها تتبسم أميرة : لغرفتي ...
Malek~
هبطت للجاردان باش نتفقد احوال وردتي بعدما تفقدتها. نموها. اوراقها. ريحتها الي نحسها في كل مرة تزيد تقوى.. كل تفاصيلها ..الي تخليني نحس روحي كيفها رغم قساوة الناس الي حواليها و اهمال صاحبها ليها ..زرعها و خلاها تجي للدنيا اما مكانش الي يهتم بيها فقط لانها مجاتش فالمكان الصحيح الي يخليه يهتم بيها ..كانو مصيرها بين يديه اما تدبر راسها لوحدها ..وردتي لقات الي يهتم بيها انا ..اما انا لا..دخلت بعد نص ساعة هكاك قلت نضرب طلة على الكوزينة واش عاملين و كاشما نقر حاجة من عند الشاف ناكلها ..كرشي بدات نصوني مالجوع ..رحت للرواق الي ياخذ للمطبخ وين يتفرق جيهة العمال على الفندق ..نتمشى و السكات يتمشى معايا حتى صوت ماكاين ..قلت كاشما صرا و لا و ما خبروناش ..أما في ثانية يتكسر هذاك السكوت بعياط راجل..صوت خشين و مبحاح و نبرة غاضبة..قلبي بقى يرجف و نبضاتو يزيدو..كملت طريقي حتى للخر و بقيت واقفة عند الباب تاع المطبخ الي كان نصو خشب و نصو زجاج بقاو غير عينيا يبانو ..قعدت نطل واش راو صاري لهنا حتى نشوف في عبد لداخل عاطيني بظهرو ..حاط يديه وراه يدور على صف العمال رايح جاي عليهم ..دقيقة دقيقة يخي مش هذاك الشاف ..حتى هو معاهم بربي شكونو هذا حتى مرعوبين منو لهالدرجة .. الياس: ااااخر مرة نشوف حاجة كيمن هاذي ..وااش هاذ الاستهتار و الاهمال ..نلعبو هنا يخي ..الفندق هذا عندو سمعتو و قيمتو فسوق العمل ..بتصرف مهمل كيف هذا تطيحولو قدرو..عاااودي غسليييه ..نزيد نشوف تصرف هكا من حد اخر باش يكون مصيرو الطرد . بقات العاملة تهز في راسها مهبطاتو ..رمى صبطي فوق البوطاجي و جا خارج مافقت بروحي كان بالباب يتحل عليا و جهامة في وجهي ..صدرو طالع هابط يزفر تقول كان يجري ..طلعت عينيا لوجهو ملامح حادة عينيه عينين غراب حواجبو معقودين ملخر كل تفصيلة منو قد ماهي تجذب قد ماهي تدل على انو البنادم هذا في اعلى درجات غضبو ..بقيت نشوف فيه ساكتة مش منجمة ننطق ..اول مرة نسكت قدام عبد بالرغم الي تصرفو و عياطو على العمال مش عاجبني..خزر فيا ممبعد طلع حاجبو بادلتو الخزرة ممبعد مسح على وجهو ينسف و قال بنبرة حادة مبحاحة مالعياط الياس : مدموزال نظن راكي غالطة فالطريق ..اشر لرضا كان واقف يشوف فينا مستغرب و جا..هاهو بش يدلك يوصلك لوين حابة كمل جملتو و تجاوزني و راح ..بقيت مبهمة في بلاصتي من كلمة "مدموزال" معناها غلط فيا حسبني مقيمة فالفندق هذا هه..دورت راسي نخزرلو لقيتو واقف في اخر الكولوار و يشوف فيا ممبعد فاق على روحو دار و كمل طريقو ..مافقت كان على خبيط رضا في كتفي ..درت لقيتو مربع ذرعتيه و يخزر مطلع حواجبو رضا بسخرية : ايه يا مدموزال وين حابة تروحي للكافيتيريا تشربي كافيه ولا للمسبح 😏🤔 ملك : بربي اسكت 😒 دفعتو و دخلت لداخل نحوس على حاجة ناكلها حتى لقيتهم ديجا حطو ماكلتنا حنا العمال خاطر كان وقت الفطور..ممبعد تفكرت يارا ..وين راحت هي غير الماكلة الي ماتفوتهاش اما مش عارفة وين راحت ..نبشت رضا من ذراعو خاطر كان بجنبي ملك : وينها يارا يخي ؟! رضا : علاه ماكانش معاك ملك : ايه قبيل اما خليتها جايا لعندك تحوس عليك ..ماجاتش عندك قبيل رضا : لا ماجاتش ..وين راحت يخي ماكملش جملتو و ناض من كرسيه رايح يحوس عليها ..رفدت تيليفوني نصوني و نعاود و ماتردش تقلقت عليها نضت حتى انا باش نحوس اول بلاصة جات لبالي هي الغرفة هذيك قلت بالك حبت تروح تما ..رحت لجهة العملاء طلعت للمصعد للطابق الي فيه غرفتنا وصلت تحل الباب حتى نشوف في منظر حبيت نتقيى منو هذاك الجهامة الي كان ينفخ في روحو قبيل قاعد يتباوس هو و وحدة ماتفهم يديها من رجلها كلشليها معري لابسة قطعة فالجون تاتيري من بعيد كي الطاكسي ..واقفين فالرواق الي بين الغرف هو واقف و هي لاصقة فيه و شاداتو من وجهو تحسب راح يهرب.. المصعد عمل صوت تلفتو فيا لثنين ..خرجت منو و جبدت الكارت مفتاح الغرفة نحل فالباب و انا نشوف فيهم نطلع و نهبط فيهم بعينيا متقززة ..خزرت فيا الطفلة هذيك باستحقار و عينيها يقطرو سم شفت فيها مليح ممبعد فيه ملاك : سامحوني يا عصافير الحب فسدتلكم المشهد أما الله غالب واش باش تعملو راكم مع ناس متخلفين كي يشوفو مناظر كيفكم لوكان يصيبو يتفلو عليهم فالوجه.. يا متخلقين انتم رجعت خزرت فيه و دخلت لداخل كي تفكرت على واش جيت دخلت نجري نحوس عليها ..حتى نتفاجئ بسيادتها راقدة فوق البونك بكل سعادة و اريحية جيت ندخل فيها براس اما وقت تصدمت بمنظر البنادم الي متكور فالغطا و راقد حذاها تراجعت لورى نشوف و عينيا مش مصدقين واش الي صاري ..بقيت نرمش نستوعب فالمنظر بدا العصب يركبني و عينيا ظلامو مارجعت نشوف شي كان البنادم ذاك نطيح فيه نعطيه سوطة تاع كلاب رحت نجري و طلعت فوق البونك تنفضت يارا من بلاصتها تشوف من و من واش صاري مصدومة يارا : ملاك ؟! ملاك : ملاك ياك ..نكما مع الكلب هذا و نجي ليك انتي يا بوهالية ..موتك على يدي يا يارا .ااااااااا طلعت فوق هذاك و طلعت يديا باش نخبطو لوجهو بونيات ملاح حتى نسمع في صوت قيق تاع بنت بقيت نطل من و من فالعرفة اما حتى شي ملاك : شكون راه هنا يارا : نوضي نوضي على الطفلة جيفتيها ملاااك بقات تدفع فيا و انا ما فاهمة شي نسمع كان في صوت رقيق يعيط بكلمات مش مفهومة يارا : يا الطفلة راكي مريحة فوقها نوضي دوك تجيفيها و تموتلينا ثاني شفت تحتي حتى نلقا شعر طويل بان من تحت الغطا نحيت الغطا على وجهو حتى نشوف طفلة شعرها ملوي على راسي قاعدة متعاركة معاه و تعيط مش قادرة تتنفس أميرة : ااععععع يارا سلكيني يارااا....اه مش قادرة نتنفس راح نموووت ياربي راح نموت و انا مزلني صغيرة ..بش تقتليني نوضي علياااا فقت على روحي و تزفضت نايضة من فوقها مستغربة ..درت ليارا ملاك : شكون هاذي ..واش راها دير هنا شافت فيا بعتاب و راحت تجري جابت كاس ماء و جابتو للطفلة هاذيك يارا : هاكي شربي ..و تنفسي باش ماتتخنقيش ناضت اميرة من بلاصتها تنهج شعرها مخربش ..كان يضحك الصراحة .. بقات تسقم فيه و شدت كاس الماء على ياا و هي تشوف فيا و ترجف ..نطقت يارا و هي حاطة يديها على خصرها يارا : هاه قريب و ما قتلتي الطفلة ..علاش تدخلتي هكاك واش صرا يخي بقيت نحك في راسي و نشوف فيهم ملاك بصوت قريب يختفي : حسبتها طفل يارا : اه ؟!!! ملاك : ااعععهه قتلك حسبتها طفل هاذيك علاه ..اصلا شكون هاذي و واش راها دير هنا ..غير الي يجي تدخليه انتي يارا : هاذي يالالة لوتال كيما دار تاع دارهم و انتي راكي خايفة على شومبرة تاع باطل ..و حكاية تاع حسبتيها طفل معنتها شكيتي فيا ندير حاجة كيما هاك و مش راح ننساهالك .. بقيت مصدومة من كلامها و الي زاد عليا جملتها الاخيرة مش قصدي شكيت فيها و لا اما في هذيك اللحظة هذاك واش صورلي مخي الدغف..رحت ليها شديتها من يديها ملك : يارا ..و الله مش قصدي نشكك فيك راني عارفة اختي كي دايرا اما ..كي شفت المنظر هكا هذاك واش فهمت الله غالب ..قلت بالك كاش واحد حقرك و لا سيف عليك حاجة و لا خدروك ماعلاباليش انا اما خفت عليك برك اما مش قصدي نشك فيك و الله شنفت عليا و بعدت يديها عليا مزعفة للحظة حسيت بتأنيب ضمير من جيهتها بقيت نشوف فيها نحاول نستعطفها بعينيا حتى نسمع في تحمحيمة الطفلة الي كانت معانا درت فيها حاشمة على روحي أميرة: احم احم ..نظن أنا الي لازم تطلبي مني السماح شعرة مامت ..و نموت حشمانة يقولو ماتت خاطر حسبوها راقدة مع طفلة الهيبة تضيعيهالي ههههه كانت تضحك تلطف فالجو و انا تبسمت برك حشمت منها صح كنت قريب نخنقها ملاك : سمحيلي ماقصديش .. قاطعتني أميرة : خلاص خلاص راكي مسامحة ..عندك حق فلي عملتيه حتى انا لوكان جيت في بلاصتك نعمل هكا و اكثر اما خسارة ماعنديش اختي تبسمت بأسف ممبعد مديت يدي ليها ملاك : انا ملاك اخت يارا صافحتني و قالت أميرة : و انا أميرة ..صديقة يارا شفت في يارا مستغربة عم ها لا حكاتلي بلي عندها صاحبة حتى نطقت أميرة كانها فهمتني اميرة : تعرفنا اليوم برك اما تفاهمنا عقلياتنا كيف كيف على هذاك لقيتيني راقدة هنا هربت مالبز تاع اولاد عمي يبقوا داخلين خارجين على غرفتي و زيد بزيادة عندي بنت عم تمرج هربت منها ثاني ..تقدري تقولي يارا انقذتني ههه هزيت راسي متبسمة و درت خزرت في يارا الي كانت مزالها مشنفة عليا ملاك : يخي شبيه الزين زعفان علينا قتلك سمحيلي خلاص يارا : 😑😒 ملك : ياراا ..🙂 عرفت انتي واش يضحكك بديت نقربلها و هي كي فهمتني هربت تجري ..لحقتها كي طلعت فوق البونك عكلتها من رجلها طاحت راقدة فوقو و بديت تدغدغ فيها و هي مكلاطية بالضحك و أميرة غير تشوف و تتبسم كي شفت يارا حمارت حبست يارا : خلاص خلاص ههههههه ملاك : و دركا سمحتيلي و لا مزال يال : سمحتلك خلاص هههه نضت عليها و جبدتها معايا عنقتها ملاك : انا نخاف عليك حتى من نسمة الهواء عمرك و لا ديري في بالي بلي نشك فيك عنقتني حتى و بعدتها نحيت باسكاتي و ترميت فوق البونك متكية تكورت فالغطاء ملاك : و دركا مكاش الي يهدر معايا باغية نرقد جات تجري يارا دخلت فالغطا و رقدت حذايا يارا : و انا بلاصتي نسيتيها يا بقرة بقات أميرة واقفة و تشوف قينا ممبعد حطت راسها و دمعة حجرت في عينيها نطقت بصوت مغصوص أميرة : سامحوني مانديرونجيكمش انا نروح فهمناها انا و يارا واش حست قعدنا نضحكو عليها حتى استغربت و طلعت راسها تشوف فينا نضنا و حكمناها من يديها جبدتها انا و يارا لزيناها في وسطنا مدخلينها تحت الغطاء اصلا كان السرير كبير ملك : وين رايحة نتي تاني ارواحي هنا ...ضيعتلك الرقدة علابالي ذاك الاحساس تاع ينوضوك من رقادك يضيعولك الراحة سقسيني نخبرك يارا : امم ملاك عندها تجربة كبيرة في هاذ الدومان علابيها راها فاهماتك هههه أميرة : هههههه رتحت كي شفتها تضحك درت في يارا ملاك : بصح كرشي راها تصوني بالجوع خليت الطابلة مستفة و جيت نجري نحوس عليك كلبة يارا : و انا علاه حتى انا راني جيعانة اميرة : و الله انا تاني.. بصح عندي الحل ماتخمموش ناضت من بلاصتها جابت تيليفونها و جات بدات تخنتش فيه ممبعد بدات تكوموندي قاع الانواع و الاطباق حطت تيليفونها و شافت فينا تتبسم اميرة : فرات دقايق و تكون عندنا ماكلتنا 🙂 ملاك و يارا : 😶👍 ملاك : ماليوم انتي الباست فراند تاعي كيما تقول يارا هههه أميرة :هههه خلاص تفاهمنا 🤛🤜 بقينا نتعرفو على بعض غاية و نحكو عرفت الي هي من عايلة اصحاب الفندق و ماتحبش المظاهر متواضعة بزااف ..عجبتني عقليتها حسيتها النسخة الكبيرة من يارا بحكم انو هي كانت قدي فالعمر..قعدنا نحكو و نضحكو حتى وصلتنا الماكلة كلينا و رقدنا ....
أميرة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
يارا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ملك
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
♡♡♡♡♡♡♡♡♡♡♡ وي ستوووووووب الى هنا تنتهي حلقتنا لهذا اليوم ديرو فوت و كمنت توقعاتكم آرائكم بصراحة Love you 💙
