🍁أقدار ضائعة 🍁(باللهجةالجزائرية-التونسية)

part 5 🥀🕸

مرحبا من جديد 🌼⚘😘
راح تقراو حتى تعيو🙃 ...تفضلو
♡♡♡♡♡♡♡♡♡♡♡♡♡

هبط من على الفرس مسح على غرتها و بقا يتمشى شادها من لجامها دخلها للاصطبل حل الباب جا يدخلها حتى بدات تصهل
امير : تريااق خلاص غدوة و نخرجك ..اليوم وفى الجري و السباق
كملت تصهل و تطلع تنقز رافضة تدخل للاصطبل تاعها
بدا يجر فيها ماللجام يشد فيها باش تدخل اما والو مافادت بشي ..مدة و هو يتعافر معاها و هي حلفت لا تدخل وقت تهد استسلم ليها
امير : اوكي اوكي..حبيتك لانك عنيدة اما على الفوز مش على الفيقان باش تبيتيني صاحي نجري فالمزرعة
صهلت و لحقاتو تمسح براسها عليه و هو يبان مهدود حالو مالتعب ..الظلمة طاحت و المزرعة خوات اما منظرها رجع يهبل بدا يبان الذبان الي يضوي و صوت اليعسوب بدا يصر رجعت بلاصة تريح البنادم و تهديه و هو هذا واش يعجبو و الي خلاه يعشق الخيل و المزرعة هاذي ..تمشى لعند شجرة كبيرة بعيدة عالمزرعة شويا و الحشيش الي فالارض كثيف لدرجة تحس كانك راقد على الفرش .بلاصتو المعتادة . ريح و هي بركت قدامو ..رد راسو على الشجرة و غمض عينيه يحاول يتخيلها في راسو .ضربات قلبو تزيد و نفسو يضيق كلما يتذكرها
امير : كلما نقول خليني ننساك بش نخرجك من راسي و عقلي ..قلبي ميحبش ينساك و نلقاه مزالو يحبك ..مزالو يعشقك يا لارا ..مخي كل ثانية يحوس على صورة ليك بين ذكرياتو ..يحوس على صورتك شكلك ضحكتك ..اما انت بكلك مستحيل ترجعيلي عارف .. ربي كاتبلي نعيش على ذكرياتك برك ..باش نتونس بيهم و نصبر قلبي الي قعد محروق عليك سنين و ما نطقش.. ماكنتش شجاع كفاية باش نفرض رايي و نخليك ليا سمحيلي
بدات الدمعة تطيح من عينو تنهد خزر في ترياق لقاها تشوف فيه و لمعة فعينيها ..صهلت كانها تتكلم معاه
مسح على وجهو يتنهد تبسم و خزر فيها ..
امير : مش قادر ننساها واش ندير يا ترياق
صهلت تاني مرة
امير : عارف ..كلهم قالولي لازم تنسى و تتخطى اما ماقدرتش حاولت و حاولت اما ماقدرتش نتخطى عشقي ليها الي كبر في داخلي من الصغر ..صعيبة بزااف ترياق
ما سمع منها والو كان صوت نفسها القاوي ..دار فيها لقاها رقدت ..بقا مدة يرمشو يحك في راسو يستوعب
امير : الظاهر انا هبلت صاي..قاعد نهدر مع فرس و نستنى فيها ترد عليا ثاني ..خلاصت عليك يا امير مهبول في عز شبابك .رقدت على رجليها الظاهر رجليها تعبو بزاف
ربط اللجام فالشجرة مسح عليها و ناض متوجه للمكتب الي برا لقا المسؤول ثما
امير : ربطت ترياق عند الشجرة غدوة الصباح دخلوها للاسطبل
المسؤول : باهي مسيو امير
خرج من المزرعة ركب فالطومو تاعو و قلع متوجه للفيلا مدة الطريق و كان  وصل ..نزل حتى يشوف فالطومو تاع الياس قارت بحذا تاعو ..نزل منها الياس شعرو مخرب شوميز تاعو محلولة رافد ف يدو الغرافات تاعو
امير : الياس 😐..؟ ..شبيك ياولدي مخربش ..تقول كنت متضارب ..قولي معامن نجي نعاونك
الياس : افف اسكت عليا امير مش ناقصك ..كنت  مع الاوراق فالشركة معامن نتضارب بربي
امير : هههه و الله باش نشيبو على صغرنا انا و ياك هاني قتلك
تبسم الياس تاعب ممبعد شاف في امير
الياس : و انت شبيك مليان تراب يخي ...ماتقوليش
حك امير رقبتو يتبسم
الياس : كنت فالمزرعة مش هاكا
امير : تعرفني نلقا راحتي غير ثم
الياس : توله يشوفك جدي
عقد حواجبو و قلب عينيه
امير : الياس مش كل دقيقة تفكرني فجدك يرحم باباك ..مش خايف منو حتى و يعرف ماعندي مانعملو
الياس : فيبالي مش خايف اما صحتو راك تشوف على قدها ماتزيدش على حالو ..خليه قدما يرتاح و احكي معاه فاص ا فاص و فهمو بالعقل بالك يقبل
امير : بربي اخطيني منو ..مش بنادم يتفاهمو معاه الناس هذاك..و فيبالي مش راح يقبل ..انا ندخل نرقد  مهدود راني ..غدوة ان شاء الله نتلاقو فالفندق ..يخي قلت للجماعة ؟
الياس : مزال باش نقولهم ضركا
امير : باهي تصبح على خير
تنهد الياس : و انت بخير
دخل امير للفيلا ..بقيت برا حبيت نشم شويا هواء ..ريحت فكرسي الحديد الي فالجاردان سارح ..نخمم فالشركة و الصفقات الي لازم عليا نتلهى بيهم شخصيا خاطر ماعندي ثقة فحتى بنادم و لا نخمم فحكاية المفقودين الي عايشين حياتهم و انا نتعب في روحي باش نلقاهم و لا حكاية الزواج الي متعبتني بيها امي ..اما الفندق حكايتو ساهلة و حتى من خدمتو ماتديش وقت و ما تعبش ...قاعد نخمم حتى نحس بيدين تسللو لكتافي و صدري جيت ندور حتى تطل عليا براسهاو عينيها مذبلتهملي شويا و ترقد ..اكره ما اكره
ميساء : اليااس ..جييت
قلب عينيه نفض يديها عليه و ناض داخل
الياس : لا عاد راني فالطريق
لحقاتو تجري رغم النبزة الي خذاتها ..شداتو من ذراعو تتلوصق فيه
ميساء : اليااسو شبيك يخي تعمل هاكا ..تاعب بزااف لدرجة تنبز بنت عمك ..يحسن عونك نعرف الي راك تاعب بزااف اما خلي شويا وقت لروحك ..توحشنا نشوفو وجهك من كثر ما تبقى طول الوقت فالشركة
سلت ذراعو من يدها باطراف صباعو و طلع الدروج يحكي بصوت حاد و بارد
الياس : نقعد فالشركة بش مانضطرش نشوف وجوه شي عباد  مانحملهمش ..اما الظاهر فيهم لصقة حالفين يمرجوني
بقات تشوف فيه طالع زيرت على يدها بعصب..اما تبسمت في وجهو
ميساء : قولي شكونهم و انا نفرجك فيهم
قلب عينيه منها ينفخ و كمل طريقو اما هي خلاتو طلع و بدات تعصب و تعيط في بلاصتها من غير صوت باش مايسمعهاش تضرب فرجليها على لرض و عينيها يقطرو سم
ميساء : هكا الياس ..اشفى عليها ..اذا ماخليتكش تبوسلي رجليا ميسمونيش ميساء بنت عزيز و حورية ..استنى عليا برك
كمل طريقو متوجه لبيتو رمى فلست تاعو على جنب و رفد تيليفونو يرسل في ميساج يستدعي فيه اولاد عمومو باش يحضرو حوايجهم لغدوة يروحو للفندق ..ميساج واحد و رسلو ليهم الكل ..رمى تيليفونو نحا قشو بدل عليه و تكا ففرشو رقد ديراكت مالتعب