صحت ملاك الظهر و بكل نشاط و راحة نزلت تسلم على ابوها و اخوانها و تشوف لها فطور متأخر تاكله ما تدري ليش هي مرتاحة اليوم .. اخذت جوالها تتفرج على سناب شات شافت لبنى مصورة بمكان حلوو علقت عليه و صاروا يسولفون سواليف عادية بينهم .. شوي الا يجيها اتصال من رغد
رغد: الو ملاك فيه احد بالبيت ؟
ملاك: فيه ابوي بس
رغد: يعني بسأل عن اخوانك الي اصغر منك ؟؟ اكيد ابوك المقصود
ضحكت ملاك و نادت ابوها : باااباااا رغد مستحية تنزل و انت موجود
ضحك ابو ملاك : وش دعوة يا بنيتي انا مثل ابوها نست يوم كنت تلعب بحجري و تناشبك عليه ؟
ملاك: سمعتي
رغد: الله ياخذك او ياخذني و افتك منك
ملاك: استغفري يا زفت و انزلي افطري معاي
رغد: طيب !
ابو ملاك : يا بنيتي انا طالع ترا بكل الاحوال بروح مع السواق عندي مشاوير اخلصها خلي رغودة تاخذ راحتها بالبيت و لا تشيل همي و ترا معزتها من معزتك
ملاك تبوس ابوها: الله يخليك لي يا اطيب قلب حافظك ربي
ابو ملاك: سلام عليكم
نزلت رغد و هي متحجبة و على مهلها و متوترة
ملاك تضحك عليها : انتبهي ابوي بالصالة
رغد نطت و ركضت على الدرج لفوق
و ملاك صارت تضحك بصوت
رغد: ملااااااااككك يا حيوانة
و نزلت ركض : كنت بموت من الجوع !!!
ملاك: يلا خل ناكل و نطلع ودي ارىح اشتري عباية جديدة لمطعم اليوم
رغد: صادقة حتى انا احس لانه افتتاح و دعوات الكل بيكون كاششخ مره
ملاك هزت راسها و كملوا اكل
ابو ملاك مع السواق : انتبه يا كومار الله يصلحك لا تلفلف السيارة
رن الجوال حق ابو ملاك طلعه و كان الرقم غريب
ابو ملاك بهيبة: الو
فهد خال فيصل: السلام عليكم .. عبدالله ال.. ؟؟
ابو ملاك: وصلت خير مين معي ؟
فهد: معاك فهد ال...
ابو ملاك : و النعم فيك و في ال..... سم وش بغيت ؟
فهد: عندي موضوع صغير ودي اجيك انا و اخواني نكلمك فيه بكرة المغرب اذا يناسبك
ابو ملاك : حياكم الله .. وعدنا بعد المغرب
سكر ابو ملاك بعدم اهتمام على انه كان عارف وش السالفة لكن يدري ان بنته ملاك جميلة و العين عليها ولاهي اول ولا اخر مره يجيها احد يخطبها ، كمل اشغاله مع السواق .
عند سارة الي كانت بشقتها غير مهتمة ولا مبالية بكل الي صار امس .. سوت لها قهوة سوداء بدون فطور لان محاضراتها كانت مسائية اليوم ، ابتسمت ابتسامة خفيفة لما تذكرت اول كلاس درسته بجامتها القديمة و كيف كانت متوترة و الحين هي بكامل ثقتها و تمكنها .. اختفت ابتسامتها لما تذكرت ملاك و تذكرت وصف فيصل لها .. تنهدت و قالت انا وش اسوي هذا اخوي و عزيز علي و لا اقدر اردله طلب و مشاعري تجاه ملاك مو واضحة هل هي مجرد رغبة فيها لانها صعبة و الا فعلاً البنت عاجبتني ؟
طلت من الشباك و شافت سيارتها واقفة قلقت عليها ليش ما طلعت الجامعة
نزلت و اكن بينها و بين انها تضغط الدور حق ملاك شعره .. تذكرت اخوها و سحبت نفسها .. راحت للجامعة و كان يوم دوام عادي مافيه شي مهم ..
أنت تقرأ
قصة حب من الواقع
Romanceوهي رواية واقعية و ليست قصة حقيقية ولكن مستمدة من الواقع قد تكون بطلة الرواية انتي او صديقتك او قريبتك و قد تكون شخصية خيالية ، الرواية فيها لمسة من الجرائة بدون مبالغة ، اتمنى أن ترضيكم استمتعوا ..
