قفلت سيارتها بسرعة وركض على بوابة المحطة تأخرت لأنها كانت تدور موقف ، وقفتها الأمن تطلبها توريها بطاقتها و قعدت ساعة تدقق و تقارن تغير شكلها بالصيف عشانها سوت تان و شالت الصبغة ، بعد اقناع و ترجي للأمن ركضت على مبنى الكلية حقتها .. وهي تنتظر اللفت جلست تعدل شكلها بإنعكاس اللفت .. عباية زيتيه و طرحه عنابية ليقنق اسود و تي شيرت اوفر سايز ابيض و ييزي ابيض مسوية تان و شعرها لونه الطبيعي بني و مموج ، جميلة و ملفته بشكل طبيعي هذي بطلتنا "ملاك" ، وصل اللفت ورقت على الكلاس على طول دخلت بهدوء عشان ما احد يلاحظ توترها و جلست في اقرب كرسي و تطلع اغراضها ..
صوت التيتشر: لو سمحتي الي توك دخلتي عبايتك شيليها
ملاك من غير ما تلتفت : ابشري و انشغلت بأغراضها
التيتشر : اليوم ودي اخليه يوم تعارف بيني و بينكم لأنه اول يوم لي ادرس طالبات جامعة و بعرفكم علي انا اسمي .. ساره
ساره عبدالله .. تيتشر مادة مبادئ ادارة في كلية الإدارة و الاعمال.. شعرها محلوق و مرتب كانت لابسة بنطلون بيج رسمي مع قميص ابيض داخل البنطلون و حزام بني يكسر لابسة ساعة ابل و سواره كارتييه وايت قولد بيدها الثانية تلبس نظارة طبية شفافة معطيتها ستايل اكثر .. وهي البطلة الثانية لروايتنا ..
بدت التيتشرساره تتعرف على البنات و اساميهم هنا تمزح مع هذي و هنا تعلق على هذي لين وصلت عند بطلتنا ملاك الي للحين ما انتبهت للتيتشر و شكلها ،
التيتشر ساره : وانتي اول وحده ايش اسمك ؟
رفعت ملاك عينها و انصدمت شوي لأن شخصية التيتشر ما تنفع تكون تشتر بالجامعة
ردت بصوت هادي تحاول تخفي الصدمه عشات ما تحرج التيتشر : ملاك عبدالله
ابتسمت تيتشر ساره : عاشت الاسامي
ملاك : عاشت ايامك
جلست التيتشر ساره تسولف مع البنات و تحدد معاهم تقسيمة الاختبار و ايش يبغون البروجكتس تكون و إلى آخره
تيتشر ساره : بكذا تقدرون تتفضلون زي ما قلتلكم مافيه شرح اليوم بس تعارف
قاموا البنات يطلعون ويسولفون و ملاك على مهلها تجمع اغراضها مصدعة من الركض الي ركضته .. وهي طالعة نادتها تيتشر ساره و قالت: ممكن أسألك سؤال ؟
توترت ملاك شوي و قالت : تفضلي
تيتشر ساره : وين مكان ستاربكس الي في الجامعة . و اشرت على كوب ستاربكس حق ملاك
ارتاحت ملاك شوي و قالت : المكتبة المركزية
حكت راسها تيتشر ساره و قالت : وين ؟
ضحكت ملاك : اذا حابه اوريك الطرق ما عندك مشكلة
تيتشر ساره : ياليت والله اذا ما ازعجم او اعطلك
أنت تقرأ
قصة حب من الواقع
Romanceوهي رواية واقعية و ليست قصة حقيقية ولكن مستمدة من الواقع قد تكون بطلة الرواية انتي او صديقتك او قريبتك و قد تكون شخصية خيالية ، الرواية فيها لمسة من الجرائة بدون مبالغة ، اتمنى أن ترضيكم استمتعوا ..
