رجعت ملاك البيت و عطت رغد و ابوها خبر بنفس العذر الي قالته لها سارة
دعى لها ابوها و اخذت اغراضها و ركبت مع خالتها اميرة عشان توصلها هي و رغد وطول الطريق ملاك تراقب محادثة سارة ما تدري ليش فيه شي يجذبها و تحس ان تحت هالقسوة و الجبروت فيه قلب ممكن يحبها صدق .. حست انها تبي تعرف السالفة القديمة الي صارت لسارة و تذكرت كيف تغير وجهها لما جابت الطاري لكن تمالكت نفسها و ابتسمت لها ..
وعد : ملاك وين رحتي
ملاك: هاه ايش فيه ؟
وعد : لنا ساعة نسولف عن عزوز ولد عمي و كيف انه مات على رغد
لفت ملاك راسها بقوة لرغد: ماااااااااتتتت عندك ما شال عينه
خالة اميرة: بس يا قليلات الادب قدامي ؟؟؟
ملاك تضحك: نمزح يا خالة شفيك بعدين عبدالعزيز انسب واحد للمطفوقة رغد رزين و تكانة
رغد وجهها حمر ولا ردت عليهم من كثر الحيا
وعد ميته ضحك و لفت على ملاك: بس ملاك فيه شي ! الي اسمه فيصل من وين تعرفينه ؟
ملاك ارتبكت : اخته تيتشرتي بالجامعة
وعد : لا لا هو واضح يعرفك انتي
ملاك: ايه بنشرت مره و سوا لي كفري و من هنا عرفت انه اخو التيتشر حقتي
وعد: الي كانت معاه ؟ شكلها كأنها رجال ما انتبهت انها بنت !
ملاك ابتسمت لما تذكرت قرب سارة لها بالحمام
رغد تذكرت سالفة ملاك و غيرت الموضوع بطريقة غبية
رغد: اجل تقولون عزوز يتزوجني ؟
كلهم يطالعون فيها بصدمة !
رغد : شفيكم انتم تقولون !
فقعوا ضحك كلهم على غباء رغد ما يدرون انها متعمدة
رغد بينها و بين نفسها عجبها عبدالعزيز لكن ماتبي تتزوج ولد عمها زواج تقليدي بدون ما تعرفه .. بس يضل ولد عمها صعب تكلمه فترة .. رن جوالها و فزت .. كان حبيبها الي مسافر دبي يكلمها وتساب قفلت رغد جوالها لانها ما كانت تبي اي شي يشتتها عن قرارها
وصلوا السكن و نزلت ملاك ودعتهم و دخلت المبنى .. سارة كانت تراقبها من فوق و تطالع الساعة كانت الساعة ١٢:٢٥ دقيقة ابتسمت من دقة ملاك و عطتها فرصة تبدل بعدين كانت ناوية تنزل لها ..
ملاك رمت اغرضها بالغرفة و صارت تشغل المكيف و الانوار و تحاول تنعش الشقة دخلت غرفتها و كانت حر بسبب ان المكيف طافي وقت طويل لبست قميص نوم قصير مبين جسمها اكثر من ماهو مغطيه و صارت تمشي بالبيت تعطر و تبخر و تغني مسحت الميك اب و رفعت شعرها شوي الا يرن الجرس .. استغربت ملاك مين بيرن الجرس الساعة ١ و قامت تفتح الباب
ساره الي كانت مستعدة للمنظر الي بتشوفه عشان كذا عطت ملاك وقت : احب الي يسمعون الكلام
ملاك خبت جسمها ورا الباب: سمي ؟
سارة : سم الله عدوك ما جاني نوم قلت اتطمن انتي نفذتي امري او لا
ملاك استفزت : امر ! انا ما انفذ اوامر لاحد انا طولت عن الجامعة و قررت ارجع بمزاجي
سارة قربت شوي : ممكن ادخل ؟
ملاك: مو من عاداتنا نرد الضيف اخر الليل
سارة: عشتو الي يعرفون بالاصول .. طيب الي علمك الاصوت ما علمك تفتحين الباب بعد ما تتسترين ؟ .. مسكت ملاك من خصرها و قربتها منها شوي
ملاك: و انتي ما علموك انه عيب تلمسين احد ما سمح لك تمسكينه ؟
سارة اختفت ابتسامتها و بعدت ملاك عنها : البسي زين و محد بيقربك
سفهتها ملاك و دخلت تسوي شاهي لان الوقت متأخر على قهوة
أنت تقرأ
قصة حب من الواقع
Storie d'amoreوهي رواية واقعية و ليست قصة حقيقية ولكن مستمدة من الواقع قد تكون بطلة الرواية انتي او صديقتك او قريبتك و قد تكون شخصية خيالية ، الرواية فيها لمسة من الجرائة بدون مبالغة ، اتمنى أن ترضيكم استمتعوا ..
