(✨مسرع✨ عييييت ههه)
ايوا فالصباح لقاني الغالي جالسة تماك و هو لي نوضني و خرجني من ديك البلاصة و سولني بطبيعة الحال شكون دار فيا ديك الحالة: أنا ديك الساعة جاتني فرصة نتصالح معاه صافي و عاودت ليه داكشي كااامل لي دارو ليا واليديه بجوج .... باه طيح عليا باطل هو لي دايرو... و مو سلخاتني على والو و دارت ليا لحراااام....
هو متيقش دكشي ... حيت كيما كلشي الناس واخدين عليهم بجوج نظرة زوينة ناس مزيانين بزاف مستحيييل يديرو فشي حد داكشي لي دارو فيا أنا....
إيوا صافي بقيت شحااال ما خدمت مع البنات حتا بريت (راكم عارفين✨!) عاد رجعت من بعد الحمد لله شوية كيفما كنت..... كنشقا كنتحرك و كلشي رجع مزيان و لله الحمد !!
--
--
--
--
--
--
مع مرور الوقت...... تصالحت أنا و الغالي.... و رجعنا كيفما كنا و احسنننننن.... حيت هو منين عرف كلشي زدت كبرت ليه فعينيييه... و تقلق شوية على واليديه تخاصم معاهم.....
ولكن ميمكنش يبقاو مقاطعين!! أكيد غيجي واحد النهار و غيتصالح معاهم و يرجع كلشي كيما كان .... هههه و حتا أنا.... واخا دكشي لي دارو ليا ماشي ساهل و ماشي أي واحد ينساه...
و الحمد لله ...... هاداك النهار جا .... و تزوجت بالغالي.... و علاقتي ولات مزيااانة معاهم ... مع مولاي عثمان كَأب زوجي و للا ياقوت گـحماتي...
هاداك النهار... عوضني ألف نهار منين تزاديت.... فرحت فيه .... و ارتاحيت... كنت بحال شي أميرة...
فقت فالصباح و فطروني هوما بالزغاريت و الأغاني و الاهازيج.... من بعد جمعو ليا حوايجي فرزسنة بيضة ديل الحرير!!! و لبسوني قفطان ابيض و داوني الحمام ... عمت و تهلاو فيا و ليت نقييية كنشقشق و ريحتس كتحمق .... هههه وليت واااجدة!!! هه
ايوا صافي داز النهار صراحة طويل ... ولكن راه نهااااري هداك و الحمد لله أحسن نهار فعمري كلو !!!
بقات الصلاة على النبي و الأغاني و الزغاريت و هاداك الصداع و الضجيج الجميل من الصباح حتى الليل و هو مالئ القصر ..... حتى وصلات الللحظة لي غنمشي فيها لبيتي أنا و راجلي الغالي.. حسيت بواحد الفرحة ما مفهوماش خلاتني نبكي.... و عرفت مي واخا ميتة الله يرحمها ولكن منين غتعرفني تزوجت بالراجل لي كنبغيه و كيبغيني غتكون فرحااانة ليا مسكينة... و علاش لا و أنا بنتها الوحيدة لي تعذبت عليا حياتها كلها و خاطرات براسها على ودي مسكينة.. الله يرحمها!!
✨إيـوا خليونا فأجواء العرس✨ هو الصراحة فهداك النهار لبست ... معرفت شحال ديال القفاطن.... كلهم زوينين و غاليين بلوينات لي كيعجبوني و تخيطو خصيصا للعروسة ديال سي ششششتتتالغالي😌....
و لكن القفطان اللخر هو لي عجبني أكثررررر ... كان أبيض ديل الحرير و خفيف بزاااااااف بين ليا جسمي كامل حيت هوما عارفين هاداك القفطان كتبعو مرحلة وحدة هههه...... دارو ليا معاه وحد المضمة ديل الذهب و المجوهرات حتا هوما دديل الذهب كاملين.... ايوا شنو راه مرات ولد الحااااكم أنا هههه.....
صافي منين سالات الحفلة ديال العرس... جا العرس ديل بالصح و خصووووصا بالنسبة للغالي.... لي كان حتى هو باغي يدوق النعمة لي عطاه الله.... هو الصارخة كيما قلت ليكم قبل ماشي باغيني غير على ود الزين و الصغر و الفصالة هادو مع الوقت كيمشييييو .... هو كيحماااااق عليا كيبغيني ديل بالصح من قلبووو و حتا أنا كنبغيييه و الحمد لله منين دكشي لاخر كاين علاش لي ميتمتعش بيه مسكين و هو أولى بيه ههه.....
-يتبع.....
