بقيت كنشوف فيه و قلت ليه : مالك كتشوف ؟؟
هو يضحك بدوك السنينات الزوينين و قال ليا : و نتي لي طالقة عليا زينك ايوا خليني نتمتع بيه ..... (جر ليا الزيف من شعري بسلاااسة حيت أملس و شعري الطويل تدفق بحال الحرير و بقا كيلعب ليا فيه و قال : ) .. طالقة الشعر ، لابسة القفطان ، و مكحّلة العينين ، علاش زعما !!؟ أنا بعدت منو وقلت و أنا مقلقة شويا : شنو معجبتكش ... أنا قلت واقيلا غتشوفني هكا غتحماق عليا ولكن نتا ماشي ديل لي يتهلا فيك ... (خديت الزيف بغيت نعاود نلويه على شعري و بدا كيضحك و حيدو ليا ) مالكي دغيا كتقلقي ا لحميمقة ديالي أنا غير ضاحك معاك ... عجبتيني و صطيتيني ڨاع .. و زايداها بهاد الكحل هذا لي فعينيك و لكن أنا تقلقت غير لايكون شي حد شاف فيك و هز فيك العين من غيري، فاش كنتي جاية زعما ... أنا هزيت حاجبي و قلت : آآه ... قول الغيرة لي دارت ليك بحال هكاك ...هههه ايوا غير كون هاني أنا راه كنت مغطية عاد جيت عندك آ الحبيب ديالي و ديال قللللللبي انا ..
هو قرصني بشويا من حناكي و باسني على نيفي و شوية على فمي و قال : عارفك آ حبيبة متخرجيش هاكا قدام من والا ولكن راه منصبرررررش
أنا شفت فيه بنص عين و قلت: آشنو ...
هو كان كيشوف فيا و عويناتو دااابليين و كيشوف ليا جهة التحت (ط**) ... أنا منين عقت حشمت و ضربت على فخضو و قلت ليه : اويلي الغالي .... مشكيتش تكون هكا !!!
الغالي: راه ماشي هكاك ا شمس و نتي عاارفة هدشي مزياان ، ولكن نتي ماشي بحال أي بنت المرأة شفتها فحياااتي و غنشوفها، راه زينك و كل حاجة فيك ، متخلينيش نميز بين شهوتي و حبي ، راه كنموت... كنتقطع كل نهار .... بغيييتك مراتي ، و حلالي ، ديك ساعة نديرو لي بغينا وقتما بغينا ...
أنا ضحكت و قلت ليه : إيوا انا واااجدة معنديش مشكل ، باقي نتا هدر مع ... والديك .... شوف واش يبغيو و لا لا ...
الغالي: شنو زعما حؤت نتي خادم !.... لا لا ... والديا الحمد لله ماشي هكاك ... غيعرفوك نتي مزيان كيف دايرة و يعرفوني انا كنحماق عليك و وليتي كتطيري ليا من عيني النعاااس و كنبات عساااس ، و كوني متأكدة راه غيزوجونا ، و حتا شي والدين ما كنظنش غيبغيو لولدهم العذاب ....
أنا شفت فيه و قلت : بالصح عندك الحق .... ايوا هدر معاهم .... راه ..... حتى أنا عييت .... مبقيتش قادة نصبر عليك ..... ڨاع البنات منين كيبغيو يتزوجو كيجلسو و مكيشقاااو والو و مكيديرو والو مكيحطوش يدهم فالما بارد، كيخليوهم يدورو براسهم و يتهلاو فحالتهم باش ايلا تزوجو يصيفطوهم لديور رجالاتهم واااجدااات.... و أنا .... (مديت يديا و وريتهم ليه) .... شوف شوف يديا ... ڨاع طابو ليا بالمسيح و الحكان و الدّمير ...
هو ابتسم و خدا يديا و باسهم بجوج ، و جمعهم و حطهم على صدرو و قال : شوفي أنت بغيتك هاكا ... بيديك و بشعرك و بوجهك و بقلبك ، بغيتك نتي هاكا كيما شفتك النهاار اللول و خطفتي ليا ڨلبي من بين ضلوعي ...... كنبغيييك ( هو يبوسني فعنقي واحد البووووسة زوييينة حسيت بيه تيهرّني.... و بقاا شحاااال و هو غااارق ماحاسش ههههه...... و أنا جاتني هادي هي الفرصة😉 ... خليتو كيبووس و أنا نعنقو بجهد و جبدتو عندي ... واحد الإحساااااس الله ... مكيتوصفششش ..... و بقينا شحال و حنا هكاك ... )
شويا طلقت منو و حتا هو حايد مني فمو و بقا كيشوف فيا و جمع ليا شعري اللور و بدا جاي عند فمي و أنا كنبعد ، و كل ما قرب ليا كنبعد منو ... و منين صافي وصل لشفايفي نضت من بلاصتي و بعدت كتر ، و حتى هو ناض تبعني و بقا كيضحك ... بقا تابعني و حنا كندورو على البلاصة فين كنت جالسين ... ولكن فاللخر شدنيييي ... و باسني ففمي غير بشوية 🤭 ... و منين بغا يخرج لسانو صافي بعدت منو .........
هو بعد مني و بقا كيشوف فيا و حبسني على واحد الشجرة و قال ليا : ... كنبغييييك ا زين ديالي ... كنبغييك .... كنموووووووت عليك ...... مكنشوفش حياتي و رباحي و هنايا بلابيك... شفتي انا .... أنا اللي خدامك.... أنا اللي غييير عبد صغير قدامك.. انا ... أنا كتفتيني... أنا ساليييتي معايا ... أنا طحت على ركابيا و زنافري... أنا عمرني كنت نسحاب شي بنت تدير فيا هاد الحالة ..... انا ........ أنا راه كندوووب ... كندوب ا شمس ...... ااااهههححح ........ كنتحرقق......
أنا غير كنضحك و كنسمع ديك الهدرة ديالو لي كتسقي القلب .... و حتى أنا قاديت عينيا فعينيه و قلت ليه : حتى أنا كنبغيك ... يلاه و قول ليا شكون ما تبغيش هاد الزين تبارك الله كااامل .... : العينين و الحجبان، و الطولة و العرض و ... (و أنا ندير يدي على فمي و بديت كنضحك ) هو شافني و قال : أشنو آخر... قولي !!! أنا بقيت غير كنضحك و مقديتش ندوي... و هو مافاهم والو ... بالحق غير شاف عينيا التحت قرب ليا و قال : أشنو .... واش ديالي ؟؟ انا زدت ضحكت و بقيييت ساكتة وانا نحرك ليه راسي زعما آه .. هو شاف فيا بنظرات غريبة و شيطانية وقال : علاش زعما ا شنو بغيتيه؟؟
أنا غمزتو و قلت: ايوا راك عارف، ههههه.. و أنا نهرّو من جنبو..
بقينا كنضحكو و شويا رجعنا كنهدرو عاوتاني فالأمور ديال زواجنا و شنو خاصنا نديرو و داكشي .....
شويا منين وصل الوقت صافي مشيت فحالي قبل ما يحسو بيا .... أصلا راني تعطلت شويا نسيييت راسي... صافي أنا مشيت بالزربة و هو بقا شويا عاد رجع .... الحمد لله أنا حتى شي حد ما عاق بيا غير الكحل بقا ليا فعينيا ولكن ماشي مشكل.... و هو كيفما قلت بقا تما و أصلا حتى ايلا تعطل راه عزري .. و زايدون المدينة ديال بّاه ، يدور فيها كيما بغا ....
صرااحة داز نهار زوييين مع الغالي مكيتنساش... ديما كيفوج عليا بحال هكا و كيقول ليا هدرة زوينة ... بعدا كتنسيني فالعذاب و القهرة لي عايشاها فهداك القصر ... و هكدا كندوز معظم الأيام ديالي ... و كنتمنى من الله يسهل علينا انا و الغالي نتزوجو ياااا ربي ...
[.....]
