ثم يفقهوا كلامي

16 part

#اقتباس_عن_الحياه

الحياة سهلة حين نتكلم عنها، صعبة حين نتعامل معها،

مؤلمة حين نعيشها ،متعبة حين نجري في مضمارها،

قصيرة حين نفكر فيها، لكنها رائعة حين نقتنع بها

____________________________________

#ثم_يفقهوا_كلامي

نور:اهاا، زين اني راح اضل اساعدج بكل شي لحد ما اطلع من بيتكم، وهيج اكون رديت ولو نص معروفكم اليه
كتلها هيج وجان اسمع صوت عالي يكول ..

سند: وهو بكيفج يا معروف التحجين عنه تره هذا واجبي
، واما بالنسبه لامي فماعليج بيها انتي ,  وهسه روحي لغرفتج

ام سند: صوتك ابني تره البنيه ما كالت شي

نور: كلش ضوجني نوب يعيط ، اصلا مدري شجابه بهيج وكت، يعني هاي فوك ما متعبين امهم والله عجيب،  عفته ومشيت سريع صعدت الدرج ودخلت
للغرفه وگبل للحمام عدلت حجابي بالمرايه

- ولبست الجبه و نزلت شفته واگف بصاله بعده لكن امه مدري وين راحت ، هو يباوع على خطوات رجلي وصلت
لباب بيتهم الرئيسية وجان كلي ..

سند: وين رايحه ?

نور: ما اكدر اضل بيتكم واريد اروح

سند: منا اني روحي طافره من وره الشغل وهاي تعناد
هواي كتلها،  نور ليش تعاندين انتي شغل شنو ما تكليلي
ارجعي ارتاحي بالغرفه تره صحتج هم ترجع تدهور

نور: ما سمعت كلامه و طلعت لما وصلت لباب البيت فتحتها و تمشيت لما خلصت الفرع كله وهو طلع كلت بعد احسن

………………………….......

ام سند: ابني صارلك ايام ما مبين وهسه اجيت بشكل مفاجأ واني گلبي مثل الجمره عليك وتالي تجي وتزعل البنت يلي انت بنفسك وصيتنا عليها ليش هيج ليش

- دروح وراها وجيبها يمعود

سند: جريت حسره وكتلها،  رايح يمه رايح ، طلعت وشفت باب البيت مفتوحه لا ونوب ما سادتها شغلت سيارتي وصعدت بيها صحت امي حتى تسد الباب وراي

- دا اسوق و كل مسافه اطلع راسي من شباك السياره لما وصلت لشارع العام و لفتت انتباهي وحده وطلعت هيه نور ردت اطبگ سيارتي على صفحه ما شفتها غير
اجت كدامي ونضربت بالسياره

- نزلت ركض مفزوع ، شفتها واكعه بالگاع و گصتها تنزف
وهيه بين الواعيه والفاقده ومدري شتحجي  ، نوب منا الناس تباوع عليه لما اجوي شخصين عاونوني ودخلتها بالسياره

- واخذتها للمستشفى و نص ساعه  اني منتضر الدكتوره وشرحتلها شصار وياها  لما اجت كلتلي الاصابه مو خطيره وضمدنا راسها و الضربه اجت صفح مال السياره عليها