ثم يفقهوا كلامي

34 part

#عبره_عن_الامل_و_التفائل

         ثق بأن الله ألطف من أن يحزن قلبك ثم ينساه.   

و أكرم من أن يعطيك حزناً طويلاً لا يعقبه فرح،

الله أعظم من أن يزرع فيك أملاً ثم يميته،

الله أكبر من همّك وقريباً ستقول "استجاب "

بدلاً من "سيستجيب" و أن الله جبر قلبي جبراً

لم أكن أحلم به أبداً كن واثقاً بالله و قى "إِن الله قادر"

وهون عليك بـ"فإِنك بأَعيننا"، وضم قلبك واقرأ عليه

"أليس الله بكاف عبده"، وإذا ارتعد خوفا فدثره

🤍 بـ"ولسوف يعطيك ربك فترضى 🤍

____________________________________

#ثم_يفقهوا_كلامي

نور: فجأه سمعنا صوت عياط عمتي هرج البيت هرج
گمنه مفزوعيين من الجربايه سند فتح الباب ونزلنا نركض
شفناها بالصاله تلطم ، دنيا وميس يحاولن يفتهمن شنو الموضوع

سند:بقلق كتلها،  يمه فدوه اروحلج شبيج ليش هيج جاي تسوين بنفسج كليلي شنو الصاير

ام سند: ابووك مسووي حادث ولكمم رااح يروح الغااااالييي

سند: كولي يا الله يمه وادعي يكون بخير،  زين منو كلج

ام سند: ابجي واكله،  من رجعوا البنات من الزياره واني اتصل بيي ومايجاووب كتله كريم روح شوف وين ابوك ليش تأخر گلي رايح للشركه

- من راح ، كم موضف بالشركه كالو تره ابوك وعمك ابو رحاب مسوين حادث وهو رايح للمستشفى بعد ما اخذ العنوان من شخص غريب متصل من تليفون عمك

سند: ان شاء الله ماكو شي هسه اني اتصل بي وافتهم منه ،
بس اهدئي الله يخليج موزين على صحتج

ام سند: شلوون اهدء وابوك بين الموت والحياه سندد 

سند: دنيا

دنيا: لا رد

سند:بصوت عالي كتلها دنيا مو دااحجي وياججج

دنيا:بشكهات كتله،  ه ه هاا

سند: لا تجبين وخليج قويه علمود امج ، ولا تخافين صدكيني راح يصير احسن ، وانتي ميس ضلي يمهن بين ما
اشوف كريم

ميس: اكيد يمهن اني

سند: يله مع السلامه

نور + ميس: الله وياك

نور: خطيه عمتي ملخت روحها ماتدري تبجي تدعيله لو تلطم ، ضلينا انواسيها ونحاول انهدئها بس ماكو قافله كل شوي تكول اتصلوا بيهم اريد اعرف شلونه وضعه