#عبره_عن_التنوع
التضحيات التي تقدمها على حساب مشاعرك
لن يقف لك أحد ويصفق بحرارة على قتلك لذاتك
سيمضي بك الوقت وتكتشف أنك قدمت الكثير من
الظلم لذاتك وفي نهاية المطاف أنت محاصر بلا أحد
لا أحد يقاسمك مرارة الشعور ولا أحد يجازف بالوقوف
✍️ مع أبسط إحتياجاتك ✍️
____________________________________
#ثم_يفقهوا_كلامي
سند:بأستغراب كتله ، شنوو ?
نور: بنت عمك داتتصل
سند: مدا افهم شدتقصدين
نور: كتله بأنفعال وتنگه، شبيك دا احجي هندي مو كتلك بنت عمك رحاب جاي تتصل
سند: اني افهم يلي تحجي
نور: حسيت نفسي عصبت حاولت اتماسك نفسي وكتله، لعد ليش تسوي نفسك ماتفهم قصدي
سند: شوفي اني فهمت شكلتي و ماكو شي غريب بالموضوع حتى هيج صرتي عصبيه لكن قصدج انتي مافهمته
نور: هاا
سند: اي ?
نور: اعتذر منك، اني رايحه ، سديت الباب وطلعت ، شفت دنيا بوجهي
دنيا: شدسوين بغرفه اخوي ?
نور: غمضت عيوني وفتحتها كتلها، خليت ملابسه على الجربايه
دنيا: هواي تأخرتي جان كتيلي اني اخليهن ، تره ماما سئلت عليج
نور: نزلت وهيه وراي
ام سند: تعاي بنتي وسمعيني زين
نور: اي خاله كولي
ام سند: هاي الجنطه الج
نور:بأستغراب كتلها، شلون يعني?
ام سند: هاي الجنطه بيه كل شي تحتاجي وانواع الملابس، انتي و ديمه تقريبا نفس القياسات لكن خليهن الج بحجم شوي اكبر حتى ترتاحين بيهن
نور: مشكوره خاله حبيبتي ماقصرتي وياي، بس والله ماكو داعي ولو كايلتلي من الاول ما جان قبلت هيج مزحمه نفسج
ام سند: لهذا ما كتلج ، وداعتج ماكو زحمه
نور: بس هاي كلش غاليه يعني ..قاطعتني
ام سند: صدكيني ماكو شي يغلى عليج، هسه تردين ترفضين هديتي ?
نور: فدوه الكلبج خاله، صدكيني مو قصه رفض بس اني اصلا مااريد خليه للبنات
ام سند: اني من حجزت خليت كل وحده اله جنطه مكتمله بس الظاهر انتي راح تزعليني
نور: لا خاله مايهون عليه زعلج ، خلص علمودج راح اخذها بس، شرط مااستخدم او البس اي شي منها
أنت تقرأ
ثم يفقهوا كلامي
Mystery / Thrillerفيصل: كتلج لا تلعبين ويايه تره ماتكدريلي لو يدور الزمن هم تلكيني واكف بطريقج وخلي كلامي ترجيه بأذنج نور: ماهتميت لكلامه سحبت اقسام المسدس ووجهته على صدره رغم اول مره الزم مسدس واني اطلع من الغرفه بخطوات بطيئه لما وصلت لباب الرئيسيه وهو وكف بنص الصا...
