ثم يفقهوا كلامي

27 part

#عبره_عن_الحياه

تستمر الحياة

بدروسها وإن قست ..

بظروفها وإن أوجعت ..

تستمر الحياة

إن تقبلنا وتأقلمنا ..

إن تألمنا وواجهنا ..

فاليأس لا يحرك ساكنا

والظروف لا تجامل إنساناً

🤍 لان حَياة يُدبّرها الله لا يُفترض أن نَقلق بِشأنها 🤍

____________________________________

#ثم_يفقهوا_كلامي

# ثاني يوم

ديمه: اجتني ميس وكلتلي عندي موضوع وياج كعدنا وكتلها،  تفضلي احجي يكلبي

ميس: تعرفين نور صار لها فتره تاركه البيت و مانعرف
اخبارها

ديمه: اي صحيح خطيه

ميس: زين عندي طلب منج اذا ماعندج مانع

ديمه: تامري انتي بس كولي

ميس: ما يأمر عليج ظالم حياتي،  احممم اكول ليش ما تحجين وين سند حتى ياخذنا اني وياج ودنيا نشوفها

ديمه:بأستغراب كتلها صدك?

ميس: اي ليش مستغربه?

ديمه: مستغربه لان نور طلعت بوضع صعب جدا جدا

ميس: وهذا الشي يمنعج من ان تطلبين من سند نشوفها?

ديمه: لا والله اصلا اني كلش مشتاقتلها، بس اخاف هو يرفض

ميس: يعني ما راح تحاولين ويا

ديمه: خلي يرجع هسه والله كريم

ميس: خوش لعد اني اروح لغرفتي

ديمه: اخذي راحتج

____________________________________

نور: اول ما كعدت الصبح سبحت و شربت استكان جاي
وحده و صار الظهر سويتلي بيضه وحده بالدهن،  ماعرف ليش ماشتهي اكل

- بعدها مر الوقت وحرت شسوي الكعده بالبيت كلش مللتني وتذكرت التليفون يلي جابه الي سند وكعدت اتصفح بي
و دخلت على اليوتيوب وتفرجت على محاضرات دينيه

- هسه اكيد راح تتسائلون شلون اني عشت حياه مثل الجحيم ويه ابوي و وضعنا و حالتنه الماديه تعبانه و ماعنده شي اسمه تليفون و هسه اعرف استخدمه

- صراحه من جنت دخلت مرحله اعداديه امي جانت تعرف وحده من المدرسات وضلت توصي بيها علمودي و اتذكر اسمها ست غدير كلش جانت تحبني وتساعدني

- فمره من المرات اقترحت عليه احفظ او احل المسائل يلي
تكون صعبه على بتليفونها قبل كل درس تنطيني تليفونها مو الخاص الثاني عدها. و اضل يمها طبعا ف وهيه استمرت 3 سنوات وصرت اعرفله وادرس بي