ثم يفقهوا كلامي

40 part والاخير

#عبره_عن_الخواطر

‏خلق الله المرأة أرقّ من الرجل ليستعذبها

وخلقه أصلب منها لتلوذ به

هي تعيش في كنفه وليست أَمته

وهو مسؤول عنها وليس سيدها

خُلقت من ضلعه لتحن إليه حنين الغريب لوطنه

ويحن إليها حنين الشجرة لغصنها المبتور منها

الأمر تكامل لا تنافس

هذا ما لا تفهمه النسويات الناشزات

✍️ ولا الذكوريون الجلفاء ✍️

____________________________________

#ثم_يفقهوا_كلامي

نور: كتله اسفه اسفه،  ومن رفع راسه نصدمت بشوفته  وهو هم نصدم جان يكلي هاي انتي ??

- اني كتله،  انت نفسك ابن خاله ام رسل مو ?

علي: اي شهل صدفه هااي،  صراحه ما توقعتج عايشه بعد ما كالولي الاهل،  اجو ناس ملثمين و اخذوج ، صراحه نقهرت عليج هواي وما جنت بالبيت بوكتها ولا مستحيل اخليهم يأذووج

- زين هسه كليلي وين انتي كاعده و منو هذوله الجماعه ?

نور: ابتسمت وكتله ، شكرا على كلامك الحلو،  وممنونه منكم على كل شي سويتوا وياي،  وفضلكم ابدا ما انساه،  بس لا تخاف الجماعه التحجي عنهم ما يخوفون

- و حاليا اني كاعده ببيتنا و الحمدلله وضعي تمام

علي: زين و الجماعه?

نور: لا تخاف واصلا الموضوع طويل و اتعبك لو احجيلك عنه،  المهم هسه ماكو شي يأذيني بعد

علي:  اي الف الحمدلله على سلامتج نور ، زين ما كتيلي شو بالعياده بيج شي لا سامح الله ?

نور: الله يسلمك،  لا ما بيه شي بس صراحه جيت ادور على شغل

علي:  شغل ?

نور: اي،  محتاجه لشغل،  لان حالتنه الماديه سيئه شوي

علي: الله يساعدج،  زين شتعرفين تشتغلين كولي بلكي اكدر اساعدج ?

نور: يعني ماعرف بأمور الدكاتره و رغم هذا اجيت ادور بالعيادات لان الدوام بيها عبالك رسمي و الشغل زين،  يعني حتى لو اكون سكرتيره محاسبه او مسجله اسماء المراجعين